Евроамбасадорот Михалис Рокас во посета на Боговиње - ќе ги посетува и другите општини - Канал 5

Македонија

Евроамбасадорот Михалис Рокас во посета на Боговиње - ќе ги посетува и другите општини

Амбасадорот на Европската Унија во Македонија, Михалис Рокас ја посети Општина Боговиње како дел од иницијативата за информирање на јавноста за приближување на ЕУ и процесот на интеграција на земјата до локалните заедници. 

Евроамбасадорот Михалис Рокас во посета на Боговиње - ќе ги посетува и другите општини

Посетата почна со средба на амбасадорот и градоначалникот Фети Абази и членовите на Општинскиот совет.

- Започнувам една тура на посети во општините ширум земјата, особено во тие општини коишто не се многу посетувани затоа што навистина е многу важно да се сретнам со сите претставници на општинската администрација, со цел да можам да слушнам од градоначалниците, од членовите на општинските совети, меѓутоа и локалното население во врска со предизвиците со коишто тие се соочуваат. Навистина сакаме да видиме, исто така, да слушнеме како фондовите на Европската Унија се трошат, меѓутоа исто така и да видиме најдобар начин како да се ангажираме до комуницираме заедно со граѓаните, изјави амбасадорот Михалис Рокас.

- Ние на состанокот се фокусиравме на три конкретни дела. Првиот дел беше проблемот околу водата за пиење во нашата општина. Вториот дел нашиот приоритет за туризмот во нашата општина и поддршката на фондовите од европска унија за приватните бизниси, изјави градоначалникот Фети Абази.

Дискусиите на оваа и другите средби ќе се фокусираат на придобивките од пристапувањето во ЕУ и ќе го истакнат конкретното влијание на поддршката од ЕУ врз секојдневниот живот во регионот.

- Исто така да осигураме дека реформите ќе можат да бидат спроведени се со цел Република Македонија да стане земја членка на семејството на Европската Унија. Има очигледна причина дека процесот на проширување веќе некое подолго време повторно се врати на врвот на агендата на Европската Унија. Токму поради таа причина придонесот којшто граѓаните, општинскиот совет и градоначалникот на Општина на Боговиње и нивните гледишта навистина се многу важни за Европската Унија на нашиот пат, макотрпната работа којашто ние ја правиме како ЕУ се со цел да ја постигнеме крајната цел, а тоа е членство на Република Македонија во Европската унија, посочи Михалис Рокас.

По средбите во зградата на Општината, амбасадорот Рокас разговараше и со претставници на граѓанското општество во оваа општина.

Тагови: Михалис Рокас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Американските специјални претставници Стив Виткоф и Џаред Кушнер разговараа  во Киев за начините за завршување на војната во Украина. 

Виткоф и Кушнер разговараа во Киев за начините за завршување на војната, очекувањето во Киев е дека борбите ќе продолжат

Подоцна им се придружија и некои европски советници за национална безбедност, вклучувајќи го и советникот за национална безбедност на Велика Британија, Џонатан Пауел пренесува Би-Би-Си. Но според медиумот фундаменталните разлики остануваат. Американските претставници дојдоа брзо од Москва, каде што Владимир Путин им кажа дека Русија прави „опиплив напредок“ на бојното поле. Приказната што ја слушнаа од Украина беше поинаква, всушност спротивна. Украинските власти тврдат дека во август добиле повеќе територија отколку што изгубиле, а Русија претрпе 42.000 жртви, мртви или ранети. Путин, исто така, им кажа на американските претставници дека мора да се решат корените на конфликтот, неговите стратешки барања украина да отстапи територија, да се откаже од надежите за приклучување кон нато и да ја намали големината на својата армија.по разговорите, Зеленски инсистираше дека Украина ќе бара „силни и јасни“ безбедносни гаранции, вклучително и силна армија тој не даде никакви знаци дека е подготвен да се откаже од која било територија во источниот регион донбас, прашање што го опиша како „тешко“. Виткоф инсистираше дека е постигнат напредок и дека постојат состојки за спогодба. Но, тој призна дека обете страни ќе мора да направат компромиси за да ги намалат разликите меѓу нив. И во моментов, тешко е да се замисли дека која било од страните ќе го стори тоа. Значи, засега, очекувањето во киев е дека борбите ќе продолжат и дека ќе се соочат со тешка зима.

Тагови: Виткоф и Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во Мајами: Се урна товарен авион, има мртви (ВИДЕО)

Најмалку пет лица загинаа денес кога товарен авион на Амазон излетал од пистата на меѓународниот аеродром во Мајами во САД, удирајќи во неколку возила, соопштија официјални лица.

Драма во Мајами: Се урна товарен авион, има мртви (ВИДЕО)

Неколку лица се однесени и во болници со непознати повреди, соопшти канцеларијата на шерифот на округот Мајами-Дејд, пренесува „NBC“.

Според американската Федерална администрација за воздухопловство (FAA), повеќе од 60 пожарникари од округот Мајами-Дејд реагирале на местото на несреќата.

Пожарникарите се обидуваат да го изгаснат пожарот што избувнал по падот на Боингот 767-300, а надлежната служба потврди дека имало „повеќе повредени“ во овој инцидент, пренесе американската телевизиска станица.

Како што е додадено во соопштението на „FAA“, авионот продолжил да се движи надвор од пистата околу 14 часот по локално време, откако долетал во Флорида од Сан Хуан, Порторико.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: На 09.09.2026 ќе се врши терестрична дезинсекција против ларви од комарци

Градот Скопје ги известува граѓаните дека на 09.09.2026 година (среда) на подрачјето на градот Скопје ќе се врши терестрична дезинсекција против ларви од комарци. 

Град Скопје: На 09.09.2026 ќе се врши терестрична дезинсекција против ларви од комарци

Прскањето ќе се одвива на водни површини.

Доколку временските услови не го дозволуваат вршењето на дезинсекцијата, ќе се прска првиот нареден ден кога временските услови ќе бидат поволни, во истите термини.

Се известуваат пчеларите навреме да ги преземат потребните мерки за заштита на пчелите.

Тагови: Град Скопје комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер