„Преку езерото“ со премиерни проекции на иранскиот филм „Коцкарот“ и краткометражните „Мртви корења“ и „ТЛСМ“
1„Преку езерото“ со премиерни проекции на иранскиот филм „Коцкарот“ и краткометражните „Мртви корења“ и „ТЛСМ“
ЗдравјеЕве што да направите доколку лицето покрај вас доживее срцев застој и падне во несвестВо ваквите случаеви, секундите може да бидат пресудни, а мозочната смрт настанува за 10 минути.Срцевиот застој, за жал, не е ретка појава. Во Европската унија, речиси 350.000 луѓе годишно доживуваат срцев застој. Од тој број, околу 90 отсто од случаите завршуваат фатално. Затоа е многу важно да ги научите основните принципи на кардиопулмонална реанимација (CPR), да обезбедите доволен број на масажи на срцето и веднаш да повикате брза помош, пишува британски Сан. Се верува дека 70 отсто од случаите на срцев застој надвор од болница, се случиле дома, а половина од овие случаи немале никој присутен кој би им укажал помош. Доколку срцевиот застој се случи надвор од болница и се изврши кардиопулмонална реанимација, стапката на преживување е сепак ниска, но значајна и изнесува 10,8 проценти. Доколку дојде до срцев застој во самата болница, стапката на преживување е 25,5 проценти. Ако не се примени CPR, мозочната смрт ќе се случи за помалку од 10 минути. CPR вклучува група на интервенции кои се вршат за да се обезбеди оксигенација, т.е. транспорт на кислород до клетките и циркулација, т.е. кружење крвта во телото за време на срцевиот застој. Реанимацијата се користи за повторно враќање на виталните функции кај лицето кое доживеало срцев застој или застој на дишењето. Главната цел е да се пренесе дополнителна количина кислород до мозокот, срцето и другите витални органи додека со сложени медицински постапки повторно не се воспостави адекватна срцева акција и спонтано дишење. Реанимацијата се врши така што се изведува силен притисок на градната коска од 100 до 120 пати во минута. Најважно е брзата помош да пристигне на време. Како да препознаете акутен срцев застој? Губење свест Престанок на дишењето Губење на пулсот во големите крвни садови (вратот, бутовите) Промена на бојата на кожата и на видливата слузокожа Широки зеници (ова спаѓа во сигурни знаци) -Срцевиот застој може да му се случи секому, во секое време, и колку побрзо лицето добие компресии на градниот кош (CPR) и дефибрилација, толку се поголеми шансите за преживување. Најлошото нешто што може да го направите при ваков итен случај на срцев застој е да не правите ништо, изјавил д-р Дејвид Бовен, стручњак за реанимација. Истражувањето објавено минатата година покажа дека 74 проценти од луѓето знаат како да извршат CPR. И покрај ова, само 44 отсто биле доволно способни да изведат реанимација. Откако ќе се јавите на бројот за итни случаи, можете да започнете со компресија на градите. Рачната реанимација се изведува на следниов начин: - се вршат компресии во средината на градната коска - поставете го коренот на дланката на средината на градниот кош, што одговара на долната половина на градната коска -Другата дланка ставете ја врз дланката поставена на градниот кош и преплетете ги прстите на рацете (важно е притисокот да не е на ребрата) - притиснете ја градната коска па ослободете го притисокот без да ги отстранувате рацете - компресиите и повторувањата треба да бидат во ист ритам - ритмичкото повторување на компресиите се врши додека пациентот не се освести или не пристигне брзата помош -не вршете притисок врз абдоменот или долниот дел од градната коска, затоа што е важно рацете да бидат во средината на градната коска. Внимателно следете ги упатствата на центарот за брза помош додека не пристигне амбулантното возило. Не е сеедно, вака можете да спасите живот. Кај нас дефибрилаторите ги користат оспособени стручни медицински лица. Станува збор за медицински уреди кои создаваат електричен удар во срцето, а се користат за срцев застој. Дефибрилаторите не се користат откако срцето ќе престане да работи. Всушност, силната електрична струја за кратко време ја запира работата на срцето, кое работи неправилно или е блиску до застој. Ако активирањето на срцето со дефибрилација е успешно, нервните клетки од мозокот до запреното срце веднаш продолжуваат да испраќаат нови сигнали до срцето, па тоа продолжува да работи како порано. Откако срцето ќе застане, употребата на дефибрилатор е бескорисна. Дефибрилаторите се користат од 1958 година, а нивната употреба е откриена случајно. Лекарите од болницата Џон Хопкинс во Балтимор, САД, во лабораторија испитувале како реагира срцето на куче на струен удар. Кога го извеле ова, забележале дека дошло до пулсирачки бран и лекарите сфатиле дека на овој начин можат да обезбедат делумно функционирање на крвотокот. Извор: https://srecna.republika.rs/zdravlje/odrasli/16760/kako-otpoceti-reanimaciju-kod-srcanog-zastojaКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Македонија„Преку езерото“ со премиерни проекции на иранскиот филм „Коцкарот“ и краткометражните „Мртви корења“ и „ТЛСМ“Краткометражниот филм „Мртви корења“ на режисерот Меглен Анжик Трпков, вечерва премиерно ќе биде прикажан на фестивалот „Преку езерото“ во Дојран. Тој заедно со екипата од филмот денеска на прес конференција говореа за мотивите за снимање, начинот на соработката со актерите, кинематограферот, како ги избирале кадрите за снимање... -Се почна од приказната за Силјан Штркот и тоа го поврзав со мојот живот бидејќи јас сум роден во Македонија и кратко време сум живеел тука, а сега веќе 15 години живеам во Холандија. Едноставно се идентифкував со приказната, а кинематографијата има и еден магичен свет. Урбаниот дел од филмот е сниман во Холандија, а руралниот во Македонија, бидејќи јас го живеам тој живот во Холандија, а цело време ме следеше желбата за враќање дома. Филмот е за потрагата по корењата, а во тоа голема помош имав од соработниците-актерите Христијан Крстевски, Талија Ѓорѓиева и Тони Наумовски. рече Трпков. Публиката во Дојран, синоќа имаше ретка можност да проследи и ексклузивна светска премиера. Станува збор за иранскиот филм „Коцкарот“, кој го турка иранското жанровско кино на смела нова територија како сајбер-трилер заснован на вистински случај на дигитална војна, допирајќи се до глобалните вознемирености околу податоците, довербата и невидливите непријатели. Филмот ја демонстрира способноста на иранската индустрија да се движи помеѓу поетскиот реализам, интимната социјална драма, мета-кинематската носталгија, етичкиот хуманизам и висококонцептуалниот трилер. Претходно беше прикажан македонскиот краток филм „ТЛСМ“ во режија на Филип Момировски, кој предизвика бурни реакции и аплаузи кај публиката. Станува збор за филм кој ја обработува темата за врсничкото насилство, мошне актуелна тема, за која како што рече режисерот треба да се зборува. Инспирација за филмот му бил настанот во училиштето „Рибникар“ во Србија, но со оглед на тоа што и кај нас станува се почеста тема, Момировски истакна дека и родителите и училиштето и целата држава се одговорни и треба да влијаат тоа да не се повторува повеќе. -Тоа е нов вид на насилство. За жал никако булингот да стане бајата тема кај нас, еве деновиве пак гледаме такви примери. Комплетно целото општество е одговорно и треба да влијаеме да немаме повеќе вакви случувања. Мораме сите да се вратиме на онаа филозофија декае потребно цело село за да се израсне едно дете, тоа ни е потребно и мислам дека треба да ги слушаме децата, да не ги запоставуваме и повеќе да им се посветиме, рече Момировски. 12 Јули НЕДЕЛА - Амфитеатар Дојран КРАТКОМЕТРАЖНА СЕЛЕКЦИЈА 20:30 МРТВИ КОРЕЊА, режија Меглен Анжик Трпков / ХОЛАНДИЈА, МАКЕДОНИЈА DEAD ROOTS / directed by Meglen Anzik Trpkov / HOLLAND, MACEDONIA / 2026 / 25 min ОФИЦИЈАЛНА СЕЛЕКЦИЈА 21:00 ОДРАЗОТ ВО МРТВИОТ ДИЈАМАНТ режија Елен Кате, Бруно Форцани / БЕЛГИЈА / 2025 REFLECTION IN A DEAD DIAMOND directed by Hélène Cattet, Bruno Forzani / BELGIUM / 2025 / 87 min КРАТКОМЕТРАЖНА СЕЛЕКЦИЈА 22:30 БАДНИКОВИ СВЕТИЛКИ, режија Ѓорѓи Лазов / МАКЕДОНИЈА CHRISTMAS LIGHTS / directed by Gorgi Lazov / MACEDONIA / 2025 / 17 min 23:00 ЗА ЕВА, режија Бојан Василев / МАКЕДОНИЈА FOR EVA directed by Bojan Vasilev / MACEDONIA / 2025 / 14 minТагови: Преку езерото Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МетеоУХМР: Поројни врнежи и грмежи во КумановоПоројни врнежи и грмежи во Куманово и околината!Од УХМР информираат дека невремето се движи од запад кон исток!Тагови: УХМР Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиУспешно евакуирани три лица од непристапен терен на Бистрица на Шар Планина11:10Македонија ќе ја води истрагата за инцидентот со авионот на „Рајанер“ затоа што инцидентот се случил над наше небо15:06Мицкоски од Охрид: Продолжуваме да инвестираме во проекти кои ќе го подобрат животот на охриѓани12:26Мицкоски во посета на Општина Охрид09:47Ќе успеат ли партиите до 15 јули да договорат нов Изборен законик?15:00
Македонија ќе ја води истрагата за инцидентот со авионот на „Рајанер“ затоа што инцидентот се случил над наше небо15:06
Мицкоски од Охрид: Продолжуваме да инвестираме во проекти кои ќе го подобрат животот на охриѓани12:26
МакедонијаКузеска: Народот ќе го победи Мицкоски, ќе победи европска МакедонијаХристијан Мицкоски вчера потврди дека е подготвен да ја жртвува Македонија, и кажа збогум на Европа и порача дека ќе чека покана. Со децении да чекаме заглавени додека регионот оди напред. Мицкоски призна дека тој и неговата криминална организација ВМРО, не сакаат Македонија да биде членка на Европската Унија. Не затоа што не веруваат во Европа, туку затоа што се плашат од тоа што Европа го носи: независно судство, европско јавно обвинителство и одговорност за сите оние што ја ограбиле и ја уништиле државата. Од тоа се плаши Мицкоски. Нема да може повеќе да мести партиски тендери, милионски зделки со блиски фирми, злоупотреба на буџетските пари - нема да можат да крадат народни пари. За жал, цената за неговото заложништво ја плаќаат сите граѓани а најмногу младите кои ќе продолжат да се иселуваат. Мицкоски дојде на власт со лаги. Лажеше за името, за Преспанскиот договор, за националните интереси. Денес е јасно дека сите тие лаги беа само средство за доаѓање на власт. Кога дојде време да се направат реални реформи, тој се повлече и почна да бара изговори. Македонскиот народ јасно кажа што сака. Сака Европа. Сака правда. Сака да живее во нормална, достоинствена европска држава. Затоа што за граѓаните Европа значи подобар живот и повеќе пари, висок животен стандард, силна економија поттикната од странски инвестиции и пристап до европскиот пазар. Европа значи квалитетно европско образование, развојни програми за студентите и реални можности да напредуваат дома, а не да купуваат карта во еден правец. Европа значи пристап со развојни фондови, наместо задолжувања. А за Владата на Мицкоски Европа значи крај на криминалните тендери и крај на неказнивоста и одговорност а одговорност е токму она од кое тие бегаат. Додека може да се задолжува и додека има пари во буџетот, Мицкоски ќе продолжи да ја држи Македонија во изолација. Но кога ќе му се затвори тој простор, ќе се појават нови изговори за предвремени избори, затоа што нема пари. Мицкоски трага по алиби. Потребно му е за да продолжи со своите лаги. Не може да признае дека ја уништил економијата на земјата. Не може да признае дека нема излез, па ќе се врати на старата националистичка кампања за „патриоти“ и „предавници“. Само што овој пат народот знае, воопшто не е наивен. Народот ќе победи. Европска Македонија ќе победи. Прес конференција на СДСМ, Богданка Кузеска - портпаролка и членка на ИО на СДСМТагови: Богданка Кузеска Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook