Еве од што почина Вал Килмер: Актерот се бореше до последниот ден, но немаше спас - Канал 5

Здравје

Еве од што почина Вал Килмер: Актерот се бореше до последниот ден, но немаше спас

Холивудскиот актер Вал Килмер, познат по улогите во „Топ Ган“, „Бетмен засекогаш“ и „Дорс“, почина од пневмонија на 65-годишна возраст, соопшти неговото семејство.

Еве од што почина Вал Килмер: Актерот се бореше до последниот ден, но немаше спас

Вал Килмер ја изгуби битката со пневмонијата по дијагнозата на рак на грло. Килмер почина во Лос Анџелес на 1 април, откако се борел со пневмонија по дијагнозата на рак на грлото во 2014 година.

Што е пневмонија?

Пневмонијата е воспаление на белите дробови, најчесто предизвикано од инфекција. Иако повеќето луѓе се опоравуваат во рок од 2 до 4 недели, ранливите групи, како што се лицата со хронични заболувања, може да развијат сериозни компликации и да им биде потребен болнички третман.

По дијагнозата, Килмер бил подложен на радиотерапија и хемотерапија, а му била извршена и трахеостомија – процедура за создавање вештачки отвор во вратот за да му се олесни дишењето.

Овој вид третман го ослабува имунолошкиот систем, што ја зголемува подложноста на инфекции како пневмонија. Во ризичната група спаѓаат и бебиња, повозрасни лица и оние со срцеви и белодробни заболувања, пренесува, Бристол Лајв.

Кои се симптомите на пневмонија?

Според британскиот NHS, симптомите на пневмонија вклучуваат кашлица, отежнато дишење, висока температура, болка во градите, замор и губење на апетит. Лицата со висок ризик можат да имаат потреба од болнички третман.

За да се намали ризикот од пневмонија, препорачливо е вакцинирање и откажување од пушење.

И покрај здравствените проблеми, Килмер продолжи да глуми до 2022 година, кога ја повтори улогата на Ајсмен во „Топ Ган: Маверик“.

Во 2020 година, тој глумеше во трилерот „Paydirt“ заедно со ќерка си, Мерцедес.

Болеста му го промени гласот, а во документарецот од 2021 година тој изјави: „Очигледно звучам многу полошо отколку што се чувствувам. Не можам да зборувам без да го затворам овој отвор (во грлото).“

Килмер остави зад себе две деца, Џек и Мерцедес, кои исто така се актери.

Тагови: Вал Килмер Пневмонија Рак на грло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Српскиот тренер Александар Саша Ѓорѓевиќ се враќа во Турција

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: ЗНАМ повторно ја брани изолацијата на Македонија, Мицкоски и неговата криминална група

ЗНАМ денеска излезе со соопштение во кое вели дека ЕУ интеграцијата мора да се темели на реформи, а не на „нови условувања“.

СДСМ: ЗНАМ повторно ја брани изолацијата на Македонија, Мицкоски и неговата криминална група

Ова е класична манипулација.

Нема нови условувања.

Уставните измени се дел од европската преговарачка рамка уште од самиот почеток. Тоа не е „уцена“, туку основен услов за отворање на преговорите - што вчера јасно го потврди и претседателот на Европскиот совет, Антонио Кошта.

Реформи оваа власт не спроведува.

Нека го прочитаат извештајот на Вајц и Комитетот на Европскиот парламент.

Таму јасно се вели дека нема напредок, нема владеење на правото и дека постои странско мешање.

ЗНАМ, партијата создадена и финансирана од Мицкоски за да ја разбие опозицијата, повторно ја брани политиката на изолација.

Наместо да им кажат на граѓаните дека без уставни измени нема напредок, тие повторно играат на картата на лаги - „национално достоинство“ и „уцени“.

Ова е истата приказна што ја турка и ВМРО-ОКГ со месеци.

Целта е јасна: да се спречи Македонија да влезе во ЕУ, за да може криминалната група на Мицкоски и Максим Димитриевски да продолжат да работат без контрола и без одговорност.

СДСМ уште одамна рече: поддржуваме само една работа - внесување на малцинствата во Уставот. За сè друго - не сме и нема да бидеме дел од оваа криминална структура.

Доста е со лаги и манипулации.

Реформи сега. Малцинства во Уставот сега. Европа сега.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер