ЕУРО 2026: Ракометарите на Македонија на мегдан со светскиот и олимписки шампион Данска - Канал 5

Ракомет

ЕУРО 2026: Ракометарите на Македонија на мегдан со светскиот и олимписки шампион Данска

Традицијата продолжува. И во 2026 како и во претходните петнаесеттина, стартот на годината секогаш е резервиран за презентација на македонскиот машки ракомет на меѓународната сцена.

ЕУРО 2026: Ракометарите на Македонија на мегдан со светскиот и олимписки шампион Данска

Во следните две недели Македонија ќе навива и пулсира во ритамот на националниот тим.

Вечерва од 20-30 часот во Хернинг најдобрата репрезентација на Македонија го започнува настапот на своето деветто европско првенство во историјата, шампионат чии домаќини се Данска, Норвешка и Шведска.

Премиерен противник на македонскиот национален тим е во моментов најдоминантната селеција на планетата, светскиот и олимписки шампион Данска.

Без разлика на квалитетот на противникот црвено жолтите досега на еврошампионатите покажале и докажеле дека знаат да се носат со големите фаворити. Очекуваме така да биде и вечерва во Хернинг, слично размислува и шефот на македонската делекциција, нашата легенда Филип Миркуловски.

- Ние ќе се обидеме да ги изненадиме големите противници. За Данска не треба многу да зборуваме. Дури и тие што не знаат многу ракомет, знаат дека Данска се големи фаворити. Сепак, ние нема да калкулираме против нив и ќе го дадеме максимумот,- Филип Миркуловски.

Пред стартот на шампионатот избраниците на Кире Лазаров одиграа неколку контролни средби кои беа одлична увертира пред искушенијата на ЕУРО и дуелите во Групата Б вечерва против Данска, во недела со незгодната Португалија и два дена подоцна со Романија.

За македонскиот национален тим ова ќе биде втор европски шампионат кој го започнува во Хернинг, Данска, против светскиот првак го стартувавме и првенството во далечната 2014 година, на кое од истиот ривал загубивме тогаш со 29-21, посакуваме вечерва да биде многу понеизвесно.

На досегашните 9 учества на континенталните собири македонската селекција најдобриот резулат и пласман го забележа на првенството во 2012 во Србија кога во последните секунди го пропуштивме полуфиналето и моравме да се задоволиме со петтото место.

Тагови: ракомет РФМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер