Македонија

ЕУ во обид да го спаси нуклеарниот договор со Иран

Министрите за надворешни работи на ЕУ денеска се среќаваат во Брисел, а една од точките на дневен ред се тензиите помеѓу Иран и САД кои го доведуваат во опасност нуклеарниот договор со Техеран.

– Ќе гледаме како можеме да го сочуваме нуклеарниот договор со Иран и како да воспоставиме мерки кои ќе овозможат Иран да се врати кон целосно усогласување, изјави шефицата на европската дипломатија, Федерика Могерини утрово пред почетокот на состанокот.

Во 2015, САД, Иран, Кина, Русија и трите големи ЕУ членки, Франција, Британија и Германија потпишаа акциски план кој предвидува, меѓу другото, нуклеарно разоружување на Техеран, во замена за постепено укинување на санкциите врз земјата. Но, администрацијата на Доналд Трамп минатата година одлучи да се повлече од оваа спогодба и повторно да воведе рестриктивни мерки врз Иранците.

Регион

Приведени 14 државјани на Србија кои измамиле германски државјани за милион евра

Четиринаесет лица во Србија се приведени поради меѓународна измама преку „кол-центри“ во кои се оштетени неколку германски државјани за сума од околу еден милион евра, соопшти денеска Министерството за внатрешни работи на Србија.

Како што се наведува во соопштението на МВР, на барање на Германија, припадници на полицијата и на Службата за борба против високотехнолошки криминал при Техничката управа учествувале во меѓународна полициска акција, а се однесува на измама извршена од меѓународно организирана криминална група.

При претрес на станови и други простории на 22 локации, од кои две се на територијата на Ниш и девет на територијата на Нови Пазар, пронајдени се доказни предмети./МИА

Живот

Црн лебед во грчката река Еврос

Единицата за управување со Националните паркови во областа Еврос во североисточниот дел на Грција, додека спроведувала научно набљудување на делтата на реката Еврос наишла на ретка и невообичаена појава – црн лебед, јави дописничката на МИА

Црниот лебед воопшто не е својствен за Грција и затоа е непознато како воопшто се нашол во реката.

Најзастапен е во Австралија и Нов Зеланд, а живее во реки, големи езера, лагуни, а понекогаш и по должината на бреговите.

-Вработените во единицата за управување ги пречка пријатно изненадување бидејќи при научно набљудување на делтата на Еврос забележаа црн лебед, напишаа на Фејсбук од надлежните за Националниот парк објавувајќи фотографии од ретката појава.

Македонија

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.