ЕУ се подготвува за регулација на „никотинските торбички“ - Канал 5

Живот

ЕУ се подготвува за регулација на „никотинските торбички“

Како што расте обемот на пазарот на т.н. никотински торбички, администрацијата на ЕУ полека подготвува терен за регулирање на нивната продажба. 

ЕУ се подготвува за регулација на „никотинските торбички“

„Никотинските торбички“ се модерен орален никотински производ, кој не содржи тутун, туку никотин, ароми и растителни влакна. Овој навидум безопасен производ се консумира така што се држи меѓу усните и непцето и ослободува никотин за задоволување на потребите на пушачите.

Анализите покажуваат забрзан раст на популарноста на „никотинските торбички“, чија продажба само во Хрватска, Чешка, Данска, Словачка и Велика Британија во 2021-та е двојно зголемена во споредба со претходната година.

Како што јави дописникот на МИА од Брисел, овој производ досега не беше опфатен со мерките на ЕУ против пушењето, затоа што не содржи тутун и не него не се однесуваат ограничувањата за тутунските производи, така што не постојат правила на ниво на Унијата за дозволени нивоа на никотин во „торбичките“.

Властите на Белгија, Холандија и некои германски сојузни покраини веќе иницираат со ревизијата на легислативата за тутунски производи, да бидат опфатени и „никотинските торбички“, посочувајќи дека и електронските цигари исто така не содржат тутун, но за нив важат правилата поврзани со пушењето.

Аналитичарот на агенцијата на инвестициски истражувања „Морнингстар“, Филип Горам, смета дека со новата регулатива на ЕУ никотинските производи ќе бидат третирани исто како и тутунските.

- Мислам дека ќе видиме даноци кои ќе се однесуваат на овие производи, на сличен начин како што се оданочуваат и цигарите, оценува Горам.

Во прилог на ваквата можност оди и ставот на еврокомесарката за здравство Стела Киријакидес, според која зголемената популарност на „никотинските торбички“ предизвикува „сериозни грижи за јавното здравје“.

Таа вели дека овие производи претставуваат опасноста и за јавното здравје и за внатрешниот пазар на ЕУ, па затоа нивната регулација ќе биде „во сржта на тековната евалуација“ на законите за тутунски производи и нивно рекламирање.

Сепак меѓу експертите има поделени мислење околу штетните влијанија на „торбичките“ врз здравјето. Во експертски извештај доставен до Комисијата за здравство на ЕП се посочува дека „здравствените ризици главно произлегуваат од високата концентрација на никотин во одредени производи, што доведува до повисоко ниво на никотин во крвта на корисниците“. Меѓутоа, во извештај на Германскиот сојузен институт за проценка на ризик се наведува дека никотинот „има силни ефекти врз кардиоваскуларниот систем“, како и дека „никотинските торбички“ претставуваат висок ризик за децата, бремените жени и доилките, како и за лицата со кардиоваскуларни заболувања.

На најавите за регулација на „никотинските торбички“ реагираше и тутунската индустрија, чии гиганти како „Филип Морис“, „Бритиш Американ Тобако“ (БАТ), „Империјал Брендс“ и „Алтрија“ постепено се шират и на никотинскиот сектор преку развој на сопствени продукти или со преземање на компании кои произведуваат „никотински торбички“. Според нив, „никотинските торбички“ се „помалку штетна алтернатива“ на цигарите и затоа не треба да бидат толку строго ограничени.

Некои од големите тутунски компании, меѓу кои и БАТ, „Империјал Брендс“ и „Џапан Тобако“, презедоа мерки за саморегулација во овој сектор ограничувајќи го нивото на никотин на 20 милиграми по „торбичка“, наведувајќи предупредувања на пакувањата за влијанието врз здравјето и најавувајќи нивна продажба само на возрасни лица.

Претставникот на БАТ, Ерик Сенси-Минотје изјави дека неговата компанија би ги поздравила правилата за регулација на „никотинските торбички“, но не смета дека треба да бидат целосно забранети.

- Историјата покажува дека прохибиционистичките политики, како забраната на алкохолот и цигарите, не функционираат, туку едноставно ги тераат потрошувачите кон нелегални, нерегулирани и неоданочени производи испорачани од криминални мрежи, кои секако не ги проверуваат личните карти, истакна Сенси-Минотје.

Според Горам, инсистирањето на некои влади за забрана на „никотинските торбички“ може да се објасни со фактот дека е полесно да се воведат ограничувања во „раните фази на раст“ на некој производ. Сепак, тој смета дека мотивите зад ваквата идеја не е само загриженоста за можните последици по здравјето од „никотинските торбички“.

- Скептикот во мене вели дека даночниот прилив од тутунот е многу атрактивен и сите влади се борат да ги балансираат приходите. Мислам дека размислувањето овде оди во правец дека ако рано забраните нов продукт, ќе ги задржите даночните приходи од цигарите, заклучи Горам.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Хуманоиден робот го удри програмерот: Терминаторот започна (ВИДЕО)

Хуманоиден робот за време на демонстрации во Кина го шутна човекот што го управуваше и му го собори далечинскиот управувач од рака. 

Хуманоиден робот го удри програмерот: Терминаторот започна (ВИДЕО)

Видеото од необичниот момент го објави Fox News, а сцената веднаш предизвика бројни шеги за Терминаторот и Скајнет на социјалните мрежи.

Видеото прикажува човек со далечински управувач во раката додека хуманоиден робот пред него изведува серија брзи движења. Во еден момент, роботот ја замавнува ногата кон програмерот, удирајќи го и соборувајќи го далечинското од рака. Потоа роботот продолжува да ги извршува движењата додека човекот се оддалечува.

„Сара Конор нè предупреди“

Снимката привлече голем број коментари, а сцената веднаш потсети многумина на научнофантастични филмови за роботи кои се свртуваат против луѓето.

„Само да имаше филм од 80-тите што се обидуваше да нè предупреди...“ се пошегува еден корисник.

„Сара Конор нè предупреди, но ние едноставно не сакаме да слушаме“, напиша друг корисник, осврнувајќи се на Терминаторот.

„Скајнет станува свесен за себе“, „И велат дека Скајнет е невозможен“ и „Никој што го гледал Терминатор не е изненаден од ова“, се само некои од коментарите.

Други се потсетија на филмот „Јас, Робот“. „Јас, Роботот почна“, напиша еден корисник, додека друг додаде: „Дали никој не го гледаше Јас, Роботот? Ова е само почеток!“

Дали човекот само му се пречел на патот на роботот?

Сепак, некои корисници предупредија дека видеото не покажува дека роботот решил сам да го удри човекот. Со оглед на тоа што човекот го држи далечинскиот управувач во рака, можно е роботот едноставно да извршувал дадена низа движења, а човекот се приближил премногу до него.

„Повеќе изгледа како човекот само да му се пречел на патот на сопствениот робот откако притиснал копче на далечинскиот управувач“, коментирал еден корисник.

„Тој стартувал програма што била инсталирана, а потоа му се пречел“, се согласил друг.

„Зошто на роботите им се предаваат боречки вештини?“, прашал еден корисник, додека друг коментатор едноставно ја опишал целата ситуација како „механички дефект“.

Тагови: хуманоиден робот програмер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Врнежлив викенд со температура до 32 степени, од вторник заладување

Времето утре ќе биде променливо облачно со сончеви периоди, информираат од УХМР.

Врнежлив викенд со температура до 32 степени, од вторник заладување

МАКСИМАЛНА ТЕМПЕРАТУРА

18 Попова Шапка, 24 Крушево, 26 Маврови Анови, 27 Претор, Берово, 28 Охрид, Крива Паланка, 29 Прилеп, 30 Виница, Битола, 31 Тетово, Струмица, 32 Гевгелија, Демир Капија, Штип, Скопје – Зајчев Рид, Кавадарци, Скопје Петровец, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Дуваше слаб до умерен ветер од југоисточен правец. До крајот на денот ќе биде стабилно со мала локална облачност.

ВРЕМЕТО УТРЕ

Променливо облачно со сончеви периоди. Претежно во крајните северни и источни региони ќе има услови за слаб дожд. Ќе дува слаб до умерен ветер од југоисточен правец. Минималната температура ќе биде во интервал од 8 до 15, а максималната ќе достигне од 26 до 32 степена.

Во Скопје, променливо облачно со сончеви периоди и услови за слаб локален дожд. Ќе дува слаб ветер од јужен правец. Минималната температура ќе се спушти до 14, а максималната ќе достигне до 32 степена.

ВРЕМЕТО ВО НАРЕДНИТЕ ДЕНОВИ

Во недела ќе има повремени врнежи од дожд и услови за нестабилност со пороен дожд, појава на грмежи и засилен ветер. Во понеделник врнежите ќе бидат со послаб интензитет. Од вторник се очекува стабилизирање на времето, а поради продор на постуден воздух од север температурата ќе опадне за неколку степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо со сериозно предупредување: Нема да дозволам Словачка да биде вовлечена во конфликт со Русија (ВИДЕО)

Словачкиот премиер Роберт Фицо предупреди за можен конфликт на НАТО со Русија и рече дека не сака Словачка да биде вовлечена во војна поради Член 5 од Северноатлантскиот договор.

Фицо со сериозно предупредување: Нема да дозволам Словачка да биде вовлечена во конфликт со Русија (ВИДЕО)

Според словачкиот премиер Фицо, Западот бара изговор за голем конфликт со Русија. Фицо, исто така, рече дека ќе направи сè за да осигури дека Словачка нема да биде вовлечена во воен конфликт, објавува „Hlavný denník“.

„Многу сум загрижен што сега се бара само изговор за голем конфликт меѓу НАТО и Русија“, рече Фицо.

Словачкиот премиер ги критикуваше некои европски лидери за она што го оцени како претерано воинствена реторика и праша со кого всушност треба да се подготвува Северноатлантската алијанса да се бори.

„Се чини дека понекогаш постои тенденција да се компензира неможноста за решавање на проблеми како што се нелегалната миграција, конкурентноста или високите цени на енергијата со воинствена реторика: ајде да се бориме. За Бога, со кого сакаме да се бориме? Со кого?“, праша Фицо.

Потоа Фицо коментираше за можното активирање на Член 5 од Северноатлантскиот договор, кој го воспоставува принципот на колективна одбрана во случај на вооружен напад врз една или повеќе членки на Алијансата.

„Можете ли да замислите, дами и господа, активирање на Член 5 од Договорот за НАТО? Може ли некој да го замисли тоа? Може ли некој да замисли дека ни велат: обучете пет илјади војници, десет илјади војници и тие ќе одат некаде да се борат? И ние дури и нема да знаеме против кого, зошто и за што... Не сакам Словачка да биде дел од некаков воен конфликт поради некаков Член 5. Како премиер, ќе направам сè за да се осигурам дека Словачка никогаш нема да биде вовлечена во воен конфликт“, рече Фицо.

Словачкиот премиер долго време се залага за потребата од дијалог со Русија и тврди дека војната во Украина нема воено решение. Во интервју за TASR во јули, тој рече дека има директен однос и со Владимир Путин и со Володимир Зеленски и дека треба да се води нормален дијалог со двајцата.

Член 5 на НАТО не подразбира автоматски испраќање на одреден број војници. По вооружен напад, секој сојузник обезбедува помош што ја смета за неопходна, вклучително и можност за употреба на вооружена сила.

Тагови: Роберт Фицо Словачка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер