Живот

ЕУ презема мерки за развој на европски вински сектор на иднината

Европската комисија предложи серија мерки за поддршка винскиот сектор во ЕУ.

Европската комисија предложи серија мерки за поддршка винскиот сектор во ЕУ, со цел тој да остане конкурентен, одржлив и витален во следните децении во услови кога се соочува со менување на барањата на потрошувачите, климатските промени и несигурност на пазарот.

Со предлогот се предвидени целно насочени мерки кои треба да им помогнат на производителите на вино поуспешно да менаџираат со производниот потенцијал, да се прилагодат на променетите барања на потрошувачите, како и да пронајдат нови пазари за пласман на своите производи.

Мерките, како што јави дописникот на МИА од Брисел, се очекува да помогнат за одржување на виталноста на лозарските региони, кои зависат од индустријата за производство на вино, како и да се задржи социјалната важност на винскиот сектор во ЕУ.

Првата мерка е насочена кон надминување на проблемот со вишоците, кои опфаќаат активности како корнење и отстранување на несаканите или вишок лозови насади и т.н. „зелена берба“, односно берење на уште не созреано грозје. Целта на оваа мерка е да се спречи вишок во производството, да се помогне за стабилизација на пазарот на вино и грозје и да се намалат финансиски оптоварувања на производителите.

Втората мерка предвидува на лозарите да им биде дозволена дополнителна флексибилност во шемата за овластувања за повторно садење, со цел да можат своите инвестициски одлуки да ги носат во зависност од тековните состојби.

Натаму, ЕК предвидува поголема поддршка на секторот за зголемување на неговата отпорност на климатските промени, овозможувајќи државна финансиска помош во висина до 80 отсто од трошоците наменети за ублажување на последиците и прилагодување изменетите климатски услови.

Мерките пропишуваат и правила за маркетинг на винските производи, заеднички настап на винопроизводителите на пазарот и воспоставување похармонизиран пристап во означувањето на виното, што би обезбедило намалување на трошоците и полесен пристап до информации за потрошувачите.

Посебна помош се предвидува за развој на винскиот туризам и за производители на вино со заштитено со географско потекло, што се очекува да помогне за поттикнување на економскиот развој на руралните области.

Дури 60 проценти од глобалното производство на вино и околу 60 отсто од вредноста на извезеното вино во светот потекнува од европскиот континент, па од таму ЕУ го третира вински сектор како „камен-темелник на културното и економското ткиво на Европа“, кој игра витална улога во развојот на руралните економии и е тесно поврзан со традициите, гастрономијата и туризмот.

ЕК проценува дека винската политика на ЕУ досега успешно ги штитеше квалитетот и промовирањето на европските вина, но актуелните демографски промени, променливите модели на потрошувачка, климатските предизвици и несигурноста на пазарот, предизвикаа дополнителни оптоварувања и нестабилност на винскиот сектор.

Со цел да се одговори на овие предизвици за лозарите и винариите, ЕУ формира Група за винска политика на високо ниво со задача да ги утврди потребите на винскиот сектор и да предложи решенија за нивно задоволување и за справување со проблемите. Врз основа на извештајот на групата, ЕК ги подготви новите мерки кои треба да овозможат брза акција и повеќе можности за производителите, а во исто време и да обезбедат развој на конкурентен европски вински сектор во идниот период.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

🍑 Romania has butt-slapping competitions Romanian promotion RXF even has a separate discipline called Booty Slap: contestants take turns slapping each other on the butt, with the winner decided by the force and effect of the hits. So… where do you sign up to be a judge?
— NEXTA (@nexta_tv) September 16, 2026

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.