Свет

ЕУ испраќа уште 5,2 милиони евра за помош на Либија

Европската унија ќе обезбеди дополнителни 5,2 милиони евра хуманитарна помош за Либија, соопшти Европската комисија.

Парите ќе бидат наменети за хуманитарните организации кои работат во Либија првенствено за да обезбедат сместување, храна, вода и хигиена и санитарна заштита.

Со ова вкупниот износ на финансиската помош на ЕУ за Либија, опустошена од бурата Даниел, изнесува 5,7 милиони евра.

Поединечни земји-членки на ЕУ веќе испратија помош и експерти за да помогнат во санирањето на последиците од катастрофата.

Комесарот за хуманитарна помош и управување со кризи на Европската комисија, Јанез Ленарчич, денеска испрати сочувство по смртта на петмина членови на грчкиот спасувачки тим во Либија.

Во несреќата загинаа и либиски државјани бидејќи возилото на спасувачката екипа се судрило со автомобил во кој се наоѓало либиско семејство.

Две брани возводно од Дерна се срушија пред една недела под притисок на бурните дождови предизвикани од бурата Даниел, а според податоците на ОН, бројот на жртвите во тој град е над 11.000.

Уште 10.100 лица се водат како исчезнати.

Најмалку 40.000 луѓе се раселени низ североисточниот дел на Либија, според Меѓународната организација за миграција, која предупреди дека реалниот број е веројатно поголем со оглед на тешкотијата за пристап до најтешко погодените области.

Македонија

О. Гази Баба: Семејствата на поврдените можат да се сместат во „Партенија Зографски“

Семејствата на поврдените можат да се сместат во „Партенија Зографски“ и „Томе Стефановски Сениќ“.

Скопје се мобилизира по страшната трагедија која се случи рано утринава во Кочани, кога во дискотека животот го загубија најмалку 59 лица.

Граѓаните се солидаризираат со катастрофата, а на социјалните мрежи се појавија повеќе објави во кои семејства, но и објекти кои имаат сместувачки капацитети, нудат сместување за најблиските на настраданите кои се згрижени во болниците.

Градоначалникот на О. Гази Баба, Бобан Стефковски објави дека студентскиот дом Томе Стефановски Сениќ и интернатот Партенија Зографски се на располагање за помош.

Од интернатот додадоа дека сите вработени се мобилизирани и ќе одговорат на најдобар можен начин на семејствата.

Психолошка помош понудија и од Првата детска амбасада во светот МЕЃАШИ. Оттаму ифнормираа дека отвориле шест дополнителни телефони за психолошка прва помош за децата и нивните семејства.

Македонија

Трајановски за МИА: Куамновската болница е подготвена за евентуален прием на пациенти од Кочани

Кумановската болница е подготвена за евентуален прием на пациенти од трагедијата во Кочани, но засега нема ниту еден пациент поврзан со пожарот во Кочани, изјави за МИА, директорот на кумановската општа болница, д-р Стефан Трајановски.

Болницата, по насоки на надлежните е во подготвеност, кадровски се екипирани службите, на некои одделенија се дуплирани. Просторно има можност да се прифатат пациенти.

- Уште рано утрово нашата болница е во потполна приправност, двојно се зголемени службите на хирургија, анестезија, трансфузиологија и аптека. Сите се во приправност и сме подготвени со полни капацитет, кадровски, просторно да прифатиме пациенти од клиниките или од која било друга болница од државата. Сепак, не располагаме со централен довод на гас до болничките соби, до ургентниот центар, оперативниот блок и не можеме да обезбедиме поддршка за продолжено одржување во живот за респираторна или срцева функција, изјави д-р Трајановски.

Од Здравствниот дом во Куманово за МИА информираа дека е пратено возило со екипа во Кочани.

- Екипата веднаш беше препратена за Кочани, по дојавата од службите. Тргнаа за Кочани, рано утрово еднаш по добиената информација за пожарот, д-р Бленд Алиу.

Македонија

Градоначалникот на Гостивар изрази сочувство до семејствата на загинатите во несреќата

Градоначалникот на Гостивар, Валбон Лимани изрази сочувство до семејствата на загинатите во несреќата што се случи во Кочан, а на повредените им посака брзо оздравување.

- Трагедијата во Кочани ги потресе срцата на сите нас. Сочувство до семејствата на жртвите! Нека Бог им ја олесни болката што ја чувствуваат! Брзо и целосно закрепнување за повредените!, напиша Лимани на својот профил на Фејсбук.

притисни ентер