ЕУ и САД потпишаа меморандум за соработка за ископ на клучни минерали, Македонија „спие“ - Канал 5

Македонија

ЕУ и САД потпишаа меморандум за соработка за ископ на клучни минерали, Македонија „спие“

Додека Западот брза, домашните власти допрва треба да создадат Листа на критични минерални суровини. Еден од главните ресурси со кои располага Македонија е бакарот, а огромно и сè уште неискористено наоѓалиште е Иловица-Штука.

ЕУ и САД потпишаа меморандум за соработка за ископ на клучни минерали, Македонија „спие“

Критичните минерали се клучни за економската конкурентност, технолошкото лидерство и геополитичката стабилност, се наведува во меморандумот за разбирање потпишан помеѓу ЕУ и САД во кој се вели:
„Критичните минерали повеќе не се само суровини; тие се стратешки ресурси од суштинско значење за националната безбедност, индустриската конкурентност, енергетските предизвици и геополитиката.“

ЕУ и Америка ги антиципираат идните светски неопходности а Македонија како да упорно „спие“ и при тоа секоја активност на полето рударство упорно и неоправдано се одложува.Нашите власти допрва треба да создадат Листа на критични минерални суровини. Еден од главните ресурси со кои располага Македонија е бакарот кој го има во завидливи количини на рудниот локалитет познат како Иловица-Штука.

Овој проект е дел од Стратегијата за минерални суровини 2026-2046. За основните мерки во неа се потребни 7 милиони евра во следните десет години, но дополнителни средства би се обезбедиле токму од потенцијалното отворање на Иловица и Плавица, инвестиција проценета на 770 милиони евра. Според инвеститорот „Еуромакс Ресоурцес“, Иловица би била најголемата гринфилд инвестиција во земјава вредна 350 милиони евра, која ќе го позиционира проектот меѓу топ-три извозни компании во Македонија.

Од друга страна пак, двата од четирите светски геостратешки столбови ги, Америка и ЕУ, ги здружуваат сопствените технички но и човечки капацитети.Анализата на Европарламентот покажува дека САД обезбедуваат значително повеќе јавно финансирање од ЕУ:

САД: Мобилизираат околу 46 милијарди евра преку федерални агенции, нудејќи флексибилна и широка поддршка.

ЕУ: Обезбедува 5–6 милијарди евра, потпирајќи се главно на грантови и заеми. Пристапот на ЕУ е побавен, со сложени процедури и тесни грла при издавањето дозволи.

Глобалната трка за критични минерали го издига синџирот на снабдување до стратешки императив. Обезбедувањето и преработката на минерали веќе е прашање на индустриски суверенитет и геополитичко позиционирање, особено поради доминацијата на Кина. Како одговор, Вашингтон и Брисел усвојуваат сè поинтервенционистички пристапи.

Сепак, предизвици има на двете страни. На ЕУ ѝ недостасува наменски инструмент за гарантирање долгорочни приходи за инвеститорите, а проблем се и долгите временски периоди од истражување до производство. Од друга страна, САД се соочуваат со сериозен дефицит на кадар — до 2029 година ќе се пензионираат над 220.000 рударски работници, а во 2020 година дипломирале само 327 стручњаци во целата земја.

А каде е Македонија?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица се лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 15 лица се лишени од слобода поради безобѕирно управување моторно возило

Сите 15 лица управувале моторно возило без возачка дозвола, а пет од нив биле малолетници.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Нов паркинг простор во центарот на градот

Изградбата на паркинг и улицата „Браќа Џаферови“ влегуваат во завршна фаза.

Општина Битола: Нов паркинг простор во центарот на градот

Денес се асфалтираше и на оваа локација, а станува збор за површина од 1100 м2.

Новиот паркинг простор ќе обезбеди 25 паркинг места, согласно проектот ќе има и улично осветлување, а изведена беше и атмосферска канализација.

Со ова Битола добива уште еден паркинг простор во центарот на градот.

Вкупната сума на средства кои што ги обезбеди општината од својот буџет изнесува 2.752.772 денари.

И на неколку други локации се работи на новите паркинг места во градот, што е заложба на општината за подобрување на состојбата со сообраќајот во централното градско подрачје.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер