Регион

ЕУ ги повикува Србија и Косово да ги исполнат своите обврски

 ЕУ ги повикува Србија и Косово без одлагање или предуслови да ги исполнат сите обврски од Договорот за патот кон нормализација и анексот за негова имплементација, вклучително и Асоцијацијата/Заедницата на општини со српско мнозинство.

ЕУ ги повикува Србија и Косово без одлагање или предуслови да ги исполнат сите обврски од Договорот за патот кон нормализација и анексот за негова имплементација, вклучително и Асоцијацијата/Заедницата на општини со српско мнозинство, и Европската комисија и Високиот Претставник да предложи измени и дополнувања на критериумите за поглавјето 35 од пристапните преговори со Србија.

Тоа се наведува во завршниот нацрт на заклучоците за овонеделниот самит на Европскиот совет, за кои денеска во Брисел расправаат министрите за европски прашања.

Во нацрт-заклучоците до кои имала увид агенцијата Бета, се нагласува дека нормализацијата на односите и спроведувањето на обврските од дијалогот се суштински услови на европскиот пат и за Србија и за Косово, кои ризикуваат да пропуштат важни можности доколку има нема напредок.

„Советот потсетува дека напредокот на Србија во владеењето на правото и нормализацијата на односите со Косово ќе продолжи да го одредува целокупното темпо на пристапните преговори“, се наведува во заклучоците, во кои, меѓу другото, се повторува загриженоста за состојбата во медиумите.

Кога станува збор за Косово, Советот ја поздравува подготвеноста на Србија и Косово да го прифатат нацрт-статутот што ЕУ им го презентираше, со разбирање дека е неопходно да се работи понатаму на таа основа.

Во заклучоците се наведува дека Советот очекува Србија и Косово да најдат одржливо решение за ситуацијата на северот на Косово, решение што гарантира безбедност, сигурност и партиципативна демократија за сите граѓани.

Се очекува Србија да се приклучи на дијалогот предводен од ЕУ со добри намери и во духот на компромисот да постигне сеопфатен правно обврзувачки договор со Косово за нормализација на односите во согласност со меѓународното право и правото на ЕУ без натамошно одлагање.

Се додава дека тој договор треба да се занимава со сите клучни отворени прашања и со тоа да придонесе за регионалната стабилност.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер