ЕУ амбасадорот во Белград: ЕУ ја сака Србија, но бараме реформи - Канал 5

Балкан

ЕУ амбасадорот во Белград: ЕУ ја сака Србија, но бараме реформи

Амбасадорот и шеф на делегацијата на Европската унија во Србија, Емануел Жиофре, денеска изјави дека ЕУ ја сака Србија, но дека од Белград се очекува да спроведе реформи и геостратешка ориентација што е јасно насочена кон Унијата.

ЕУ амбасадорот во Белград: ЕУ ја сака Србија, но бараме реформи

„Фокусирани сме на Западен Балкан и Србија. Вложуваме политички капитал и внимание тука, тоа е важно за Србија, но и за нас. Пораката е дека ја сакаме Србија во Унијата. Сметаме дека Србија може да донесе многу во Европската Унија и ни се потребни соодветни услови за да го постигне своето членство, а тоа е спроведување на реформи и промени во општеството што ќе бидат потребни, а гледаме дека многу граѓани на Србија на улиците на Белград и Србија исто така бараат промени и реформи“, изјави Жиофре за РТС. Тој додаде дека е создадена можност за проширување на ЕУ.

„Планот за раст е да се обезбедат дополнителни ресурси и да се интегрира целиот Западен Балкан во единствениот пазар на Европската унија“.

Тој нагласи дека сега ЕУ ја проценува реформската агенда на Србија

„Кластерот 3 е технички подготвен веќе три и пол години, а сега е на земјите-членки да одлучат врз основа на поширокиот контекст, а ова е дел од преговорите што Србија ги прифати пред пет години. Веруваме дека новата влада, што ја презеде функцијата минатиот месец, ќе може да ги спроведе реформите на кои Србија се обврза, а тие се однесуваат на медиумите и енергетиката“, рече Жиофре.

Коментирајќи ја забраната за летови за одредени државници кои беа на пат кон Москва за парадата по повод Денот на победата над фашизмот, тој истакнува дека тоа е прашање на национални прерогативи на земјите-членки на Унијата.

Како што нагласи тој, Европската унија веќе 75 години гради проект за мир, просперитет и демократија.

Одговарајќи на прашањето зошто не го осудил кршењето на слободата на движење и правото на работа на вработените во Радио-телевизијата на Србија за време на двонеделната блокада на објектите на Јавниот сервис, Жиофре наведува дека ставовите на ЕУ за важноста на новинарството отсекогаш биле јасни.

„Во моментов, законот за јавни услуги, т.е. РТС и РТВ, се ревидира со цел да бидат посилни, поавтономни и понезависни, и за да можат да ги интегрираат стандардите на ЕУ. Исто така, работиме на други закони од медиумската сфера и очекуваме и со нетрпение го очекуваме новиот Совет на РЕМ, инклузивен и транспарентен процес, кој ќе обезбеди електронските медиуми во Србија да имаат соодветна средина, медиумски плурализам и високи стандарди“, рече тој.

Тагови: ЕУ Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Иџе во Словенија ја отвора новата тркачка ера

Овој викенд во Илирска Бистрица - Словенија, Игор Стефановски - Иџе го има својот прв официјален настап со новиот болид, отворајќи ново поглавје во својата европска тркачка приказна. 

Иџе во Словенија ја отвора новата тркачка ера

Иако Иџе претходно го тестираше болидот, Илирска Бистрица е неговото вистинско „огнено крштевање“ во живо, лице в лице со европската елита.

На претпоследниот викенд во рамките од Европскиот шампионат на ридски патеки во Словенија, ќе се случи првото сериозно мерење на новиот болид. Игор Стефановски - Иџе на оваа трка настапува во најпрестижната и најбрзата категорија на Европскиот шампионат -Категорија 2, категоријата на болиди и прототипи, која ги обединува најбрзите машини на ридските патеки.

Ова е историска сезона за него бидејќи по трите европски титули во Категорија 1 со затворени автомобили, Иџе направи огромен чекор напред. Тој сега вози ултрамоќен, специјално конструиран прототип Nova Proto NP01, често нарекуван и Норма, чија технологија е блиска до болидите од Формула.

„Словенија ќе биде мојот најнов предизвик. Ќе се тркам со мојот нов болид. Сакам да ги почувствувам неговите перформанси. Затоа и одлучив да тркам вo Илирска Бистрица. Патеката e интересна, важи за една од најпрепознатливите и можам слободно да кажам дека ми лежи. Словенците со години докажуваат дека се одлични организатори, што трките ги прави особено интересни и за публиката и за натпреварувачите. Голема е бројката на пријавени учесници во сите категории, смета Стефановски кој не ја крие возбудата и адреналинот дека прави историски чекор. Влегувањето во нова категорија, ќе бара и сосема поинаков стил на возење, огромна физичка подготвеност и максимална концентрација, вели Стефановски, кој не ја крие возбудата пред првиот голем тест со новата машина.

Трката се вози на познатата патека Илирска Бистрица - Шембије, која е со должина од 5.010 метри и важи за исклучително брза. И годинава листата на учесници е импозантна, пријавени се 242 натпреварувачи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мората пред сензационално враќање во Шпанија – ќе игра во втора лига?

Долгогодишниот капутен нна Шпанија, Алваро Мората можеби е пред еден од најнеочекуваните потези во својата кариера. 

Мората пред сензационално враќање во Шпанија – ќе игра во втора лига?

Шпанскиот напаѓач е блиску до трансфер во Леганес, клуб што се натпреварува во втората шпанска лига.

Договорот предвидува позајмица од Комо, а клубовите допрва треба да ги финализираат последните детали. Мората пристигна во Комо минатата сезона, но не успеа да фати ритам.

Тој не постигна ниту еден гол во Серија А, иако одигра 26 натпревари и забележа вкупно 924 минути игра.

За 33-годишниот напаѓач – кој настапувал за Реал Мадрид, Јувентус, Челзи, Атлетико Мадрид и Милан – преселбата во шпанската втора лига би претставувала сосема поинаков вид предизвик.

Леганес го гледа Мората како големо засилување во обидот да се вратат во Ла Лига. Клубот од предградието на Мадрид не може да ја покрие платата што тој моментално ја заработува во Италија, па за реализација на позајмицата ќе биде потребно Комо да покрие дел од неговите примања. За Мората, ова би значело враќање во позната средина.

Роден во Мадрид и производ на младинската школа на Реал Мадрид, тој во текот на кариерата играл на највисоко ниво и за Реал Мадрид и за Атлетико Мадрид. Тој исто така ја предводеше шпанската репрезентација како капитен до титулата на Европското првенство во 2024 година.

Неговото доаѓање би донесло едно од најголемите имиња во историјата на клубот во Леганес.

Во текот на својата кариера, Мората освои две титули во Лигата на шампионите со Реал Мадрид, титула во италијанското првенство со Јувентус, англиски ФА Куп со Челзи и европска титула со Шпанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: До 30 септември училишен прибор по пониски цени од 10 до 15%

До 30 септември училишен прибор по пониски цени од 10 до 15%,Владата трета година по ред со училишна кошничка на почеток на учебната година

ВМРО-ДПМНЕ: До 30 септември училишен прибор по пониски цени од 10 до 15%

Со почетокот на новата учебна година, Владата предводена од ВМРО-ДПМНЕ донесе одлука за намалување на цените на училишниот прибор. Мерката ќе трае заклучно со 30 септември годинава.

Трговците на големо се задолжуваат да ги намалат цените за најмалку 10%, додека трговците на мало за најмалку 15%. Оваа мерка опфаќа широк спектар производи неопходни за учениците како ранци и ташни, тетратки, блокови, колажи, моливи и пенкала, боици, пластелин, теста за моделирање, фломастери, линијари и дидактички материјали.

Ова е трета година по ред како Владата предводена од ВМРО-ДПМНЕ, воведува училишна кошничка пред почетокот на учебната година, со цел да им го олесни месец септември на родителите, да ги заштеди семејните буџети и да го заштити животниот стандард на граѓаните. Заштедата е од особено значење за семејствата со повеќе од едно дете.

Со оваа мерка, целта е родителите да им го обезбедат потребниот училишен прибор по пониски и попристапни цени, а септември да биде момент на радост и подготовка за новата учебна година.

Со вакви конкретни мерки, Владата предводена од ВМРО-ДПМНЕ продолжува со политики кои носат директна корист за граѓаните и придонесуваат кон заштита на животниот стандард.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер