Етнокореолозите преку семинари ги едуцираат младите за локалната традиција - Канал 5

Живот

Етнокореолозите преку семинари ги едуцираат младите за локалната традиција

Првиот семинар беше насловен „Од Средорек до Дурачка река“.

Етнокореолозите преку семинари ги едуцираат младите за локалната традиција

Многу е значајно младите да ја запознаат локалната традиција преку презентација на носијата, ората и песните, сметаат етнокореолозите, Дени Синадиновски и Бојан Петковски, кои двапати организираа семинари за традиционална музика и игра во кумановскиот Центар за култура „Трајко Прокопиев“.

Првиот семинар беше насловен „Од Средорек до Дурачка река“ и беа разработени етничките предели Жеглигово, Средорек, Западен и источниот дел на Славиште и Дурачка река и воспоставени разликите во однос на материјалната и духовната култура помеѓу овие етнички групи, чинители кои во минатото ги одделувале еден од друг. Вториот беше насловен „Шопци и которци“ и се презентираа игри и песни од пределот на Кумановско кон Светиниколско и Штипско, односно од некогашниот предел, Жеглигово кон пределот Овчеполе. Двајцата велат дека се свесни за тековните трендови, глобализацијата потребата од осознавање на огромниот број на информации поврзани со традиционалната култура.

– Пред две години се појави нашето ново идеолошко гледање „само преку спознавање на локалното може да стигнеме до поголеми знаења“. Оттука „преку спознавање на локалното до глобални знаења“ стана главна премиса во нашето научно и уметничко делување. Така беше креиран и првиот јавен настан преку кој го афирмиравме овој став. Првата условно речено, локалната традиција, која сакавме да ја доближиме токму до директните наследници беше традиционалната култура кон крајот на XIX па се до средината на XX век која се случувала во „Жеглигово“, некогашното именување на селата во околината на градот Куманово. Во 2022 година во соработка со НУЦК „Трајко Прокопиев“ во Куманово се организираше семинар за традиционална музика и игра насловен „Од Средорек до Дурачка Река“. Центарот за култура за прв пат организираше ваков вид на едукативен настан, велат Синадиновски и Петковски.

Нивната презентација тргнува од градот Куманово и хоризонтално се движи кон Крива Паланка. Двајцата симболично објаснуваат дека доколку Куманово е точката „А“, а Крива Паланка е точката „Б“, може да се забележи идентично население кое припаѓа на иста националност и говори ист јазик.

– Тогаш кој е конфликтот кој во минатото создава дерминација на „различни“? Имено различната материјална и духовна култура била значајна бариера во минатото. Водејќи се и од современ аспект, дека при првата средба на луѓето, приматот го зема визуелниот сегмент, тој бил главен маркер за детерминирање на „различни“ и во минатото, велат етнокореолозите.

Селата во околината на градот Куманово во традицијата се препознаени како села во Жеглигово. Етничкиот предел Жеглигово почнува во близина на градот Скопје источно се надоврзува соседниот етнички предел Средорек. Распослан во горниот тек на Крива Река кон Средорек се надоврзува етничкиот предел Славиште, пространа рамнина.

Следејќи ги од научен аспкет, објаснуваат двајцата, етничките предели Жеглигово, Средорек и Славиште може да ги детерминираме маркирајќи различни нивни карактеристики. Од етнолошки аспект, пред сè следејќи ја традиционалната носија овие етнички предели припаѓаат на горновардарската етнографска целина, објаснуваат двајцата. Тие додаваат дека во минатото традиционалната носија во трите предели била идентична. Впечатлив е фактот на задржување на еден тип носија на голем простор. Од етнокореолошки аспкет, односно пред орскиот репертоар етничките предели Жеглигово, Средорек и Славиште припаѓаат на источното играорно подрачје. На крајниот дел на Славиште, селата Кркља, Жидилово, Трново, Дубровница, Мала и Голема Црцорија и Киселица формирале засебна духовна и материјална култура. Во однос на етнокороелошкиот сегмент се приклучуваат кон источното играорно подрачје.

– Во оваа насока се мисли на голема сличност во однос на играорниот репертоар како и на самите стилски карактеристики. Главната разлика е во однос на етнолошките карактеристики, каде етничкиот предел источен дел на Славиште се детерминира кон шопска брегалничката етнографска целина, велат етнокореолозите.

Следниот етнички предел кој припаѓа на шопската брегалничката етнографска целина е етничкиот предел Дурачка Река. Тој е мал етнички предел, со села од раштркан тип распространет на Осоговските Планини и го сочинуваат селата Б’з, Дренак, Станци и Дурачка Река.

– Во продолжение ќе се даде светло кон идејата за обединување на досега анализираните етнички предели во заеднички концепт наменет за семинар за традиционална музика и игра. Значајно е да се спомене дека етничките предели Жеглигово, Средорек, Славиште, источен дел на Славиште и Дурачка Река припаѓаат на источното играорно подрачје. Во таа насока пред сè мисли на идентични стилски карактеристики, но и во голема мера сличен играорен репертоар. Разликите се генерално во поглед на традиционалната носија каде Жеглигово, Средорек и Славиште припаѓаат на горновардарската етнографска целина, додека пак источен дел на Славиште и Дурачка Река припаѓаат на шопскиот тип на носии. Изворната идеја за обединување на овие етнички предели доаѓа од исказот на Ана Величковска од село Дурачка Река „На Јаким доаѓаа и белојаски“, велат Петковски и Синадиновски.

Лоциран на Осоговските Планини на само три километри од градот Крива Паланка се наоѓа манастирот Свети Јоаким Осоговски. Денешниот манастирски комплекс го сочинуваат две манастирски цркви, помалата со остатоци од XIV век, и големата од XIX век. Едно од најзначајните чествувања на манастирот Јоаким Осоговски е верскиот празник посветен на Света Богородица, кој се прославува на 28 Август. Значајноста на овој празник, како што велат, може да се види континуирано и до денешен ден. Во минатото кога движењата на луѓето надвор од затворените селски средини било сведено на минимум, големите црковни празници биле главна прилика за нивно собирање и надвор од селските средини. Таков пример е големиот собор кој се правел во манастирот Јоаким Осоговски токму за празникот на Света Богородица. Овој собор е еден од ретките во земјава кој следено од современ аспект претставува своевиден конгломерат. На соборот присуствувало население од селата од етничкиот предел Дурачка Река и Источен дел на Славиште, но и од селата од западниот дел на Славиште и Средорек.

– Во суштина овој собор бил ретка прилика за собирање на белосајките и црноџупките на едно место, односно мешање на население со различна материјална и духовна култура на едно место. Ова е дотолку раритет доколку се земе предвид фактот дека различната носија пред сè била пресудна за не склучување на бракови, дури и одредена форма на анимозитет меѓу различните етнички групи. Ваквиот тип на собори кои се вистински конгломерат треба да бидат дел од поопсежни истражувања, појаснуваат етнокореолозите.

Говорејќи за вториот семинар, тие нагласуваат дека пред фолклорните друштва, поединци ја разработиле отсечката од Куманово кон Штип и Свети Николе. – Беа разработени етнонимите, односно егзонимите „шопи“ и „которци“ кои се среќаваат на овој дел, додаваат двајцата. Тие напоменуваат дека нивниот фокус и наредните години ќе остане на научно и практично осознавање на локалната традиција, традицијата на нашите предци. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. октомври 2026 година

Дневен хороскоп за сабота, 24. октомври 2026 година. 

Дневен хороскоп за 24. октомври 2026 година

Шкорпија 24.10-22.11.

Љубов

Ќе ја прифатите реалноста и ќе ја градите својата врска најдобро што можете. Сега дури гледате колку ве сака партнерот.

Кариера

Додека ја работите секојдневната работа, вие се повеќе во главата го вртите филмот за некои нови идеи со кои би се унапредила работата.

Здравје и совет

Добро е што размислувате.

Стрелец 23.11.-21.12.

Љубов

Денеска лесно ќе влегувате како во својата така и во туѓата потсвест , па бргу и вешто ќе го прочитате партнерот.

Кариера

Ќе ја затворите вратата за неиздржани мисли и дела , па ќе се концентрирате на она што може да се исполни.

Здравје и совет

Можен е незаборавен сон.

Јарец 22.12.-20.1.

Љубов

Не сте сигурни дали да попуштите пред некои барања на партнерот. Добро ќе размислувате , зашто нема да знаете што да направите.

Кариера

денеска во работењето максимално ќе ја користите интуицијата. Ќе има и такви кои ќе ги анализираат своите соништа во разговор со колегите.

Здравје и совет

Внимавајте на настинки.

Водолија 21.1.-19.2.

Љубов

Денеска е одличен ден за романтична вечера со свеќи. Ќе бидете нежни , а вашите кулинарски способности ќе излезат на виделина.

Кариера

Во услужните дејности денеска ќе дојде до остварување на еден долго подготвуван проект.

Здравје и совет

Некои се решија да стават крај на лошите навики.

Риби 20.2.- 20.3.

Љубов

Пред вас е ден полн со инспирација за заљубување,можности за пријатни средби , дружења за кои долго сте сонувале.

Кариера

Ќе бидете енергични и подготвени да ги решавате и најголемите проблеми. Ништо нема да ви биде тешко , а на уморот ќе одговарате со хумор.

Здравје и совет

Подобрување.

Овен 21.3-20.4.

Љубов

Вашето слободно време денеска ќе биде окупирано од пријателите. Може да им ги доверите своите љубовни грижи.

Кариера

Некои ќе се затекнат во ситуација да бидат протежирани или ќе добијат понуда што ќе им го направи денот убав.

Здравје и совет

Бидете професионални.

Бик 21.4- 20.5.

Љубов

И денеска ќе бидете поврзани со друштвото и пријателите повеќе отколку со саканата личност. Во врската моментално сте на дистанца.

Кариера

Немојте да се залажувате дека сте го постигнале максимумот , зашто не сте ни блиску до него. Треба уште многу труд и вложување во себе.

Здравје и совет

Бидете реални.

Близнаци 21.5.-21.6.

Љубов

Оние кои бараат сродна душа , нека обрнат внимание на личностите што ги среќаваат на работното место . Има таму некој што го привлекувате.

Кариера

Некои колеги денеска ќе се чувствуваат лошо и запоставено, па можеби вие ќе им дадетеутеха.

Здравје и совет

Подобро сте од повеќето , па помогнете им.

Рак 22.6-22.7.

Љубов

Продолжува вашиот пријатен љубовен период. Границата се единствено вашите зборови , кои овој пат не би биле најдобро избрани. Молчете и сакајте.

Кариера

Поголемиот дел од работното време ќе поминете во механичко одработување на она што треба да го сработите.

Здравје и совет

Уживајте во убавиот ден.

Лав 23.7-22.8.

Љубов

Веројатно ќе чувствувате вистинска плима од емоции зашто ќе бидете почувствителни од обично. Насекаде ќе барате љубов.

Кариера

Тешко ќе се концентрирате на работата, зашто ќе бидете склони се да земате при срце. Треба да ги разделите работата и емоциите.

Здравје и совет

Не се грижете ако имате мали отоци.Ќе поминат.

Девица 23.8.-23.9.

Љубов

Ќе ги свртите низ главата малите грижи.Битно е да не се внесете во нив. Минатото е минато и тука не може ништо да направите.

Кариера

На повеќето денеска нема да им се работи, но ако веќе мора, набрзина ќе го сработите неопходното и ќе настојувате да избегате дома.

Здравје и совет

Искористете го вашиот хумор.

Вага 24.9.-23.10

Љубов

Можно е надворешни влијанија да ве оттргнат од вашите сништа и фантазии. Ќе треба работите реално да ги согледате.

Кариера

Со почитување на другите, денеска ќе постигнете добри резултати. Со наметнување на своите ставови може само да си наштетите.

Здравје и совет

Одберете здрав живот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ѕвезда на OnlyFans се расплака: Мора да се вратам дома без сопругот (ВИДЕО)

Австралиската инфлуенсерка и креаторка на содржини на платформата OnlyFans, Микаела Теста, објави дека нејзиното барање за американска зелена карта не е одобрено, поради што мора да се врати во Австралија. 

Ѕвезда на OnlyFans се расплака: Мора да се вратам дома без сопругот (ВИДЕО)

Одлуката на имиграциските власти значи дека Теста ќе мора привремено да биде одвоена од својот сопруг, американскиот бодибилдер Максвел Краузе.

Таа ја сподели веста во емотивно видео на TikTok, кое беше прегледано повеќе од милион пати за краток временски период. Заедно со видеото на кое плаче, 26-годишната девојка објави и предупредување: „Омажи се за странец на свој ризик“. Таа објасни дека го снимила видеото за да ги спречи шпекулациите за евентуално распаѓање на нивниот брак.

„Ако ме видите на летот за Австралија во следниот влог, тоа не е затоа што се случило нешто лошо, туку затоа што не ми ја одобрија зелената карта“, рече таа во видеото. „Не можам ни да опишам како се чувствувам. Морам сама да се качам на авион за Австралија, а сум во брак со овој човек и не можам да бидам со него“.

Компликации со визата

Потоа Теста ги објасни имиграциските проблеми со кои се соочува двојката. Таа рече дека поради сè построгите правила и ограничувања при влегување во одредени земји, тие морале да одлучат каде да живеат.

„Луѓето не сфаќаат колку документација има“, забележа таа. Проблемот се појавил откако Краузе, според неа, ги искористила можностите за привремен престој во Австралија.

„Последниот пат кога влеговме во Австралија, тој бил задржан на границата поради чести влегувања. Макс ги искористил сите достапни австралиски визи, вклучително и работна виза за одмор. Немал повеќе опции“, објасни таа.

@mikaelatesta ♬ original sound - Mikaela Testa

Бидејќи Краузе повеќе не можел едноставно да влезе во Австралија, двојката решила да се фокусира на својот престој во Соединетите Држави. „Не можев да се справам со постапката за влез на Макс во Австралија и мојот за САД во исто време. Моравме да избереме една земја и се одлучивме за Америка“, објасни таа.

Во видеото, таа ги замолила своите следбеници за поддршка додека чекаат на конечната одлука. „Можеби наскоро ќе добиеме лоши вести. Ве молиме испратете ни позитивна енергија и среќа, мислам дека навистина ќе ми требаат.“ Подоцна во коментарите, таа разјасни што се случило за време на постапката: „Имавме разговор за зелена карта и ни се чини дека не поминало добро.“

Свадба на Хаваи

Проблемите со престојот во САД се појавија кратко по нивната свадба на Хаваи. Двојката имаше интимна и ненајавена церемонија, а Теста носеше винтиџ фустан за таа пригода, за кој плати 30 долари.

Иако се надеваа дека по свадбата ќе можат да го решат прашањето за нејзиниот престој во САД без поголеми проблеми, постапката не заврши како што очекуваа. Теста сега мора да се врати во Австралија, додека нејзиниот сопруг ќе остане во САД.

Тагови: OnlyFans сопругот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија.

Ангела Меркел пазари во супермаркет во Италија- вработените откриваат што купила и како се однесувала (ВИДЕО)

Поранешната германска канцеларка Ангела Меркел ги изненади вработените и клиентите кога во вторник попладне застана во супермаркетот „Конад“ во градот Кава де Тирени, во италијанскиот регион Кампанија, пред да го продолжи своето патување до крајбрежјето Амалфи, каде што ќе помине неколку дена на одмор во Равело, објавува „Матино“.

Меркел претходно пристигна на аеродромот Каподикино во Неапол, од каде, придружувана од обезбедувањето, се упати по автопатот преку Помпеја и Салерно до крајбрежјето Амалфи. На излезот за Кава де Тирени, таа одлучи да направи кратка пауза во супермаркетот, кој се наоѓа недалеку од наплатната рампа.

„Љубезна, топла и пристапна“

Нејзината посета ги изненади вработените и клиентите. Асунта Ламберти, вработена во одделот за деликатеси, беше првата што ја препозна поранешната германска канцеларка.

„Изгледа како госпоѓа Меркел“, извика таа, сè уште во неверица додека сечеше сувомеснато месо. Нејзината претпоставка беше потврдена од секретарката и преведувачот на политичарот.

Вработената подоцна ја опиша Меркел како љубезна, топла и пристапна личност. Поранешната канцеларка помина некое време разгледувајќи наоколу и купувајќи производи, поздравувајќи ги оние што ја препознаа.

YouTube video

Локални специјалитети во кошничката

Сепак, таа беше особено импресионирана од речиси празните полици, особено во одделот за овошје и зеленчук. Недостатокот на одредени производи беше поврзан со штрајк на камионџиите, а Меркел праша за причините за намалената понуда.

Нејзината кошничка содржеше и локални специјалитети, вклучувајќи неколку пакувања тестенини Граниано и моцарела од биволско потекло, карактеристични производи на гастрономската традиција на Кампанија.

По купувањето, Меркел ги поздрави присутните и го напушти супермаркетот, каде што ја чекаше возило, пред да продолжи по патот кон нејзината дестинација на брегот на Амалфи.

Тагови: Ангела Меркел супермаркет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер