ЕСЕ: Во Македонија сè уште не постои организиран скрининг за рак на грлото на матката

 Здружение за еманципација, солидарност и еднаквост на жените – ЕСЕ бара итно зголемување на буџетот на програмата за скрининг на ракот на грлото на матката.

Здружение за еманципација, солидарност и еднаквост на жените – ЕСЕ бара итно зголемување на буџетот на програмата за скрининг на ракот на грлото на матката, зголемени активности за едукација на жените, како и предвидување на посебни активности на ниво на заедница за зголемен опфат на жените од ранливите групи, со цел да се намали стапката на откривање на ракот на грлото на матката во напредна фаза и да се намали смртноста кај жените од ова заболување.

Во месец јануари посветен за борба против ракот на грлото на матката, од здружението потсетуваат дека Владата го намалила буџетот за Програмата за рана детекција на малигни заболувања за 2023 година за два милиони денари во однос на 2022 година.

-На крајот од месец јануари Програмата за рана детекција на малигни заболувања сè уште не е објавена во Службен Весник на РСМ, што значи дека сè уште не се знаат ниту планираните активности, ниту целната возрасна група на жени кои треба да бидат опфатени со скринингот, посочуваат од здружението.

ЕСЕ информира дека во државата секоја година умираат околу 40 жени од рак на грлото на матката, додека над 350 жени годишно се лекуваат на Универзитетската клиника за онкологија и се подложени на агресивни третмани со хемотерапија и зрачење поради тоа што болеста е откриена во напредна фаза.

-Поразително е сознанието дека сите овие смртни случаи и лекување со агресивни третмани може да се спречат, доколку промените бидат навремено откриени. Но државата наместо да ги зголемува финансиските средства и да го зголемува опфатот на жените со програмата за скрининг на ракот на грлото на матката, бележиме кратење на буџетските средства за оваа намена, истакнуваат од Здружение за еманципација, солидарност и еднаквост на жените.

Оттаму наведуваат дека поради недоволните буџетски средства и несоодветната организираност во 2021 година со скрининг на рак на грло на матката опфатени биле само 22 отсто од жените од целната возрасна група, што, како што велат, е многу далеку од опфатот во државите на Европската Унија кој изнесува над 75 проценти од жените.

Од Здружение ЕСЕ нагласуваат дека во 2022 година Министерството за здравство го укинало праќањето на покани до жените за да направат гинеколошки преглед со ПАП тест и ја вовело интернет платформата skrining.mk за жените сами да се пријавуваат за преглед со ПАП тест.

-Но се поставува прашањето дали оваа мерка претставува унапредување или уназадување на Програмата за скрининг. Согласно на изјавите од Министерството за здравство во 2022 година на само 12 194 жени им е направен ПАП тест по пат на закажан преглед преку интернет платформата, што претставува само 10 отсто од целната возрасна група, велат од здружението.

-Закажување на прегледи по дигитален пат претставува особена пречка за ранливите категории на жени. Истражувањето кое го спроведе ЕСЕ во 2022 година покажа дека само 24 проценти од жените од руралните средини и 16 отсто од жените Ромки имаат потполна можност самостојно да закажат гинеколошки преглед преку интернет страна. На оваа состојба влијае можноста за пристап до интернет, пристап до дигитален уред, како и нивото на дигитална писменост, вели Борјан Павловски од Здружение за ЕСЕ.

Муцунски: Наскоро Македонија ќе добие Влада која што повторно ќе се грижи за македонскиот јазик

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“.

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“, истакна Тимчо Муцунски, потпретседател на ВМРО-ДПМНЕ на трибината насловена „Јазикот е нашиот идентитет“ организирана по повод Меѓународниот ден на мајчиниот јазик.

„Што правиме како држава да испратиме македонисти, познавачи на македонскиот јазик кај Македонците што живеат во регионот, во Европа или пак во прекуокеанските земји? Барем во еден летен период, да ги учат децата таму за македонскиот јазик. Колку материјали обезбедуваме? Колку материјали на македонски јазик обезбедуваме за многуте библиотеки ширум светот, кои што се отворени и едвај чекаат од нашите амбасади, конзулати за да добијат во нивниот библиотичен фонд книги и материјали на македонски јазик“, појасни тој.

Муцунски додаде дека и носењето книги во библиотеки ширум светот на македонски јазик е дел од промоција на македонскиот јазик, држава, култура и традиција.

„Јас велам како тоа што е наш внатрешен политички приоритет и се што треба да направиме за младата популација, афирмацијата на македонскиот јазик, на македонската култура и традиција треба да биде и клучен аспект поврзан со нашата надворешна политика“, рече Муцунски.

Тој посочи дека тоа се темели за кои што веќе се размислува во иднина за афирмација и промоција на македонскиот јазик надвор од Македонија.

„Тоа се веќе темели за кои што веќе размислуваме, дел од овие прашања ќе бидат и дел од нашата програмска определба“, заклучи тој.

„Наскоро Македонија ќе добие Влада која што повторно ќе се грижи за македонскиот јазик, за македонската традиција и да ги преземеме тие добри политики кои што дел во минатото се применувале, и дел треба да ги надградиме за да го шириме знаењето за македонскиот јазик. И да инвестираме во големиот број на катедри кои што ги има на странските универзитети. Ние како држава треба да помогнеме и да вложиме“, нагласи Муцунски, се наведува во партиското соопштение.

Сателит од над два тона во моментов паѓа кон Земјата, каде ќе падне?

Европскиот сателит ERS-2, тежок повеќе од два тона, моментално паѓа на Земјата по речиси 30 години во орбитата.

Европската вселенска агенција (ЕСА) соопшти дека опасноста да падне во населено место е мала и дека поголемиот дел ќе изгори. Според првичните проценки, во атмосферата требаше да влезе во 17:32 часот, но сега се очекува да се случи во 18:05 часот по средноевропско време.

- Влез во атмосферата се очекува во 18.05 часот. Неизвесноста ќе трае уште околу 30 минути - објави АВРМ на Икс (Твитер).

Според последните податоци, сателитот моментално се наоѓа над источниот Медитеран.

Револуционерниот европски сателит за далечинско набљудување ERS-2 беше лансиран во 1995 година како еден од двата речиси идентични сателити за далечинско набљудување на Земјата.

Двојно убиство во кумановско, застрелани три лица

Двојно убиство во кумановско.

Пензионер ја усмрти својата сестра и еден од нејзините синови. Другиот е тешко ранет и моментално се оперира на клиниките во Скопје.

Пред Клиничкиот центар е Михајло Видимлиски..Михајло каква е состојбата на ранетото лице и кои се деталите што ги имаме досега за инцидентот?

притисни ентер