Здравје

ЕСЕ: Намалувањето на смртноста од рак на грло на матка ќе се спречи со скрининг

Намалувањето на смртноста од рак на грло на матка ќе се спречи со скрининг на 80 проценти од жените на возраст од 24 до 60 години.

Во Македонија само во 2017 година се изгубени 574 години на живот помеѓу жените, поради предвремена смртност од рак на грлото на матката, покажуваат резултатите од анализата на Здружението за еманципација, солидарност и еднаквост на жените (ЕСЕ).

– Поради ненавременото дијагностицирање на ова заболување, Фондот за здравствено осигурување годишно троши најмалку 29 милиони денари за лекување на жените каде што карциномот е откриен во напредна фаза. Жените кај кои ова заболување е откриено во напредна фаза годишно трошат најмалку 11 милиони денари, за трошоци кои се поврзани со заболувањето, се вели во соопштението од ЕСЕ.

Од Здружението велат дека годишните трошоци на државата и жените со рак на грлото на матка, се проценуваат на минимум 39 милиони денари. Со цел да се намали смртноста на ракот на грло на матка и да се намалат трошоците, ЕСЕ апелира дека е потребно државата да обезбеди опфат со скрининг за рак на грлото на матката на 80 проценти од жените на возраст од 24 до 60 години.

– За да се постигне бараниот опфат, бараме државата за тригодишен период да одвои 168.728.100 денари или во просек 56.242.700 денари годишно за оваа намена. Со овие средства и со доследно спроведување на скринингот ќе се спречи предвремената смртност и ќе се унапреди квалитетот на животот помеѓу жените. Воедно ќе се избегнат трошоците на товар на државата и жените, што се резултат на ненавремено откривање на ова заболување, додаваат од ЕСЕ.

Од Здружението за еманципација, солидарност и еднаквост на жените велат дека целта на оваа анализа е да се утврди влијанието на карциномот на грлото на матката откриен во понапредна фаза врз животот на жените и врз трошоците поврзани со дијагностиката, лекувањето и палијативното згрижување во врска со ова заболување, од страна на државата и од страна на жените.

Анализата, насловена „Која е цената на тоа што немаме организиран скрининг на рак на грлото на матката?", покажува дека со зголемување на финансиските средства наменети за оваа програма ќе се спасат животи на жените, ќе се продолжи животот на жените и ќе се унапреди квалитетот на животот, а воедно државата и жените ќе заштедат финансиски средства.

Свет

Францускиот парламент ненадејно го отфрли предлог- законот за миграција на Макрон

Француското Национално собрание денеска го отфрли предлог-законот за миграција од страна на владата, изненадувачки исход што им нанесе удар на напорите на претседателот Емануел Макрон.

Пратениците од екстремно десничарската партија на Марин Ле Пен, како и многу конзервативци, ги здружија силите за да го отфрлат законот во Националното собрание.

Отфрлањето на предлогот не значи дека владата мора да отстапи, ниту пак сигнализира крај на законот за имиграција.

Владата сега може да одлучи да го врати назад во горниот дом на парламентот, да го испрати до мешовит комитет на сенатори и претставници за да се најде компромис или да го повлече, што е малку веројатно.

Исто така, може да користи специјални извршни овластувања за да го наметне законот без гласање.

Предлог-законот за имиграција е клучна точка во обидите на Макрон да покаже како може да биде построг кон законот и редот додека ги држи вратите на Франција отворени за странски работници.

Но, бидејќи нема мнозинство во парламентот, тој не можеше да направи нацрт што ќе ги задоволи ниту левицата ниту десницата.

Владата го претстави предлог-законот како неопходен за да се олесни депортацијата на странските криминалци.

Една одредба ја отстранува забраната за депортирање на оние мигранти кои пристигнале во Франција пред да наполнат 13 години, како што беше случајот со исламистичкиот чеченски милитант со руско потекло, кој уби наставник во октомври.

Свет

Американка дошла на магнетна резонанца, завршил со куршум во задникот

Ако некогаш сте направиле МРИ скенирање (магнетна резонанца), знаете колку е важно да ги отстраните сите метални предмети од вашата облека или тело.

Затоа следнава приказна звучи неверојатно, а тоа навистина се случило во болница во Висконсин (САД), во јули.

Пациентката (57) легнала во машината, а токму кога почнало снимањето - одекнал истрел. Никој од лекарите не сфатил што се случило додека не го слушнале лелекот.

Тогаш сфатиле дека жената крвари, па веднаш ја згрижиле, а се испоставило дека во магнетната резонанца внела наполнет пиштол!

„Оружјето беше привлечено од магнетите и испука. На телото на пациентката констатиравме рана во пределот на задникот“, се вели во лекарскиот извештај.

Останува нејасно како жената го внела пиштолот во скенерот, бидејќи поминала рутинска проверка за метални предмети и потврдила дека нема ништо на себе, пренесува Метро.

По инцидентот била задржана во болница, а подоцна се опоравила од повредата.

Автомобилизам

Ламборџини со луда преработка- има шест тркала (ВИДЕО)

Иако сите го поврзуваат Lamborghini со неговите врвни суперспортски автомобили, фокусот на продажбата е на Urus.

И таму специјалните изведби се многу пожелни. Сепак, за најпосебниот се погрижи компанија од Флорида чија специјалност е преобразување на возила во огромни ѕверови 6х6. Токму така, има сѐ повеќе љубители на оваа екстремна компанија, која особено ја популаризираше Mercedes-Benz G 63 AMG 6×6.

Во меѓувреме, Hennessey ги понуди и своите верзии на американски пикап камиони, а сега на ред е Lamborghini Urus. Тешко е да се најдат зборови за да се опише резултатот од оваа преработка. Сепак, мора да се признае дека обработката е направена повеќе од коректно, а сопственикот сигурно платил подеднакво екстремна цена.

Екстензијата ја задржа основната форма на Urus, но со мали надградби на каросеријата и нови бандажи.