ЕСЕ: Намалувањето на смртноста од рак на грло на матка ќе се спречи со скрининг - Канал 5

Здравје

ЕСЕ: Намалувањето на смртноста од рак на грло на матка ќе се спречи со скрининг

 Намалувањето на смртноста од рак на грло на матка ќе се спречи со скрининг на 80 проценти од жените на возраст од 24 до 60 години.

ЕСЕ: Намалувањето на смртноста од рак на грло на матка ќе се спречи со скрининг

Во Македонија само во 2017 година се изгубени 574 години на живот помеѓу жените, поради предвремена смртност од рак на грлото на матката, покажуваат резултатите од анализата на Здружението за еманципација, солидарност и еднаквост на жените (ЕСЕ).

– Поради ненавременото дијагностицирање на ова заболување, Фондот за здравствено осигурување годишно троши најмалку 29 милиони денари за лекување на жените каде што карциномот е откриен во напредна фаза. Жените кај кои ова заболување е откриено во напредна фаза годишно трошат најмалку 11 милиони денари, за трошоци кои се поврзани со заболувањето, се вели во соопштението од ЕСЕ.

Од Здружението велат дека годишните трошоци на државата и жените со рак на грлото на матка, се проценуваат на минимум 39 милиони денари. Со цел да се намали смртноста на ракот на грло на матка и да се намалат трошоците, ЕСЕ апелира дека е потребно државата да обезбеди опфат со скрининг за рак на грлото на матката на 80 проценти од жените на возраст од 24 до 60 години.

– За да се постигне бараниот опфат, бараме државата за тригодишен период да одвои 168.728.100 денари или во просек 56.242.700 денари годишно за оваа намена. Со овие средства и со доследно спроведување на скринингот ќе се спречи предвремената смртност и ќе се унапреди квалитетот на животот помеѓу жените. Воедно ќе се избегнат трошоците на товар на државата и жените, што се резултат на ненавремено откривање на ова заболување, додаваат од ЕСЕ.

Од Здружението за еманципација, солидарност и еднаквост на жените велат дека целта на оваа анализа е да се утврди влијанието на карциномот на грлото на матката откриен во понапредна фаза врз животот на жените и врз трошоците поврзани со дијагностиката, лекувањето и палијативното згрижување во врска со ова заболување, од страна на државата и од страна на жените.

Анализата, насловена „Која е цената на тоа што немаме организиран скрининг на рак на грлото на матката?", покажува дека со зголемување на финансиските средства наменети за оваа програма ќе се спасат животи на жените, ќе се продолжи животот на жените и ќе се унапреди квалитетот на животот, а воедно државата и жените ќе заштедат финансиски средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„ChatGPT“ конечно доаѓа на „Linux“

„OpenAI“ ја објави официјалната десктоп апликација „ChatGPT“ за „Linux“ платформи.

„ChatGPT“ конечно доаѓа на „Linux“

„ChatGPT“ е присутен на компјутери низ целиот свет, но имаше едно место каде што недостасуваше: заедницата на „Linux“. Тоа сега се менува.

Одредени сектори од заедницата на развивачи со отворен код долго време бараа од „OpenAI“ да го донесе својот четбот на нивните платформи. Почнувајќи од оваа недела, „OpenAI“ го решава тој недостаток со лансирање на наменска апликација „ChatGPT“ за „Linux“.

„Linux е една од најбараните платформи за десктоп апликација, а ова лансирање ги проширува ChatGPT и Codex на сите главни десктоп оперативни системи“, соопшти компанијата.

Новата апликација, која се објавува како дел од рана верзија, ќе им овозможи на корисниците на „Linux“ да користат „ChatGPT“, „ChatGPT Work“ и „Codex“ на неколку различни дистрибуции. Апликацијата е достапна низ целиот свет почнувајќи од вторник.

„OpenAI“ вели дека поддржаните дистрибуции вклучуваат десктоп варијанти за „Ubuntu 24.04“ и „26.04 LTS“, „Debian 13“, како и „Fedora 43“ и „44“. Целата заедница на „Linu“x вклучува стотици дистрибуции, иако дистрибуциите што „OpenAI“ ги избра тука служат како основа за голем број деривативни десктоп дистрибуции или варијанти, кои затоа треба да бидат компатибилни и со апликациите на „OpenAI“.

„OpenAI“ е малку зад „Anthropic“, кој ја лансираше десктоп апликацијата „Claude“ за „Linux“ пред околу еден месец. Апликацијата на „Anthropic“ е достапна за „Ubuntu 22.04“ или понова верзија и „Debian 12“ или понова верзија.

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Објавено повлекување на „Volvo XC40“ поради ризик од пожар

„Volvo“ објави повлекување на моделот „XC40 MY“ на српскиот пазар поради ризик од пожар.

Објавено повлекување на „Volvo XC40“ поради ризик од пожар

Повлекувањето опфаќа возила произведени помеѓу 2020 и 2022 година, како што е објавено на веб-страницата на Министерството за внатрешна и надворешна трговија (NEPRO).

Се наведува дека „Volvo“ открил дека може да има потенцијален проблем со високонапонската батерија на засегнатите возила, што може да предизвика прегревање на ќелиите на батеријата кога батеријата е целосно наполнета.

Во најлош случај, прегревањето на високонапонската батерија може да доведе до пожар.

Според нив, за да се реши проблемот, прво е потребно да се прочита состојбата на ќелиите на батеријата, за да се утврди дали има неисправна ќелија што треба да се замени.

Земјата на потекло на возилото е Шведска.

Извор: Б92

Тагови: Volvo

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прво целосно затемнување на сонцето во Европа од 1999 година

Милиони луѓе во Шпанија и Исланд го гледаа првото целосно затемнување на сонцето во Европа од 1999 година.

Прво целосно затемнување на сонцето во Европа од 1999 година

Овој небесен спектакл можеше да се набљудува од делови на Исланд, Шпанија и северна Русија, додека делумно затемнување беше видливо во Канада, северниот дел на САД и во поголемиот дел од Европа и западна Африка.

Небесниот спектакл ќе продолжи и ноќта, кога се очекува и метеорскиот дожд персеиди, во раните утрински часови, пак, на небото ќе може да се забележи и планетарна парада, кога во ист период во различни делови од утринското небо ќе се најдат шест планети – Меркур, Марс, Јупитер, Сатурн, Уран и Нептун.

YouTube video

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер