Живот

Ерупција на вулканот Килауеа на Хаваи затвора парк и автопат

Ерупција од вулканот Килауеа на Хаваи привремено затвори еден национален парк и дел од еден голем автопат, бидејќи вулкански остатоци, вклучувајќи пепел, паѓаа од ерупцијата.

Фонтаните од лава што почнаа да извираат рано утрово се 43-ти во серијата ерупции што започнаа во декември 2024 година. Преносите во живо покажаа светло црвена лава и чад што се издига од кратерот. Сè уште не е јасно колку долго ќе трае сегашната ерупција. Претходните траеја неколку дена, додека други траеја неколку часа.

Како и во претходните ерупции, ерупцијата е ограничена на кратерот и гребенот на Килауеа, кој се наоѓа во Националниот парк Хавајски вулкани, и нема домови или згради во опасност.

Но, ерупциите на лава предизвикаа проблеми за блиските заедници и еден автопат поради паѓање остатоци и пепел, познати како „тефра“. Тефрата предизвика привремено затворање на националниот парк околу врвот на вулканот, како и на автопатот 11, главен пат на островот.

Властите поставија привремено засолниште во локално средно училиште за сместување на жителите и туристите погодени од затворањето на патиштата или паѓањето на тефрата. Но, досега никој не побарал да биде сместен таму, изјави портпаролот на округот. Националната метеоролошка служба издаде предупредување за загадување на воздухот од пепел.

Вулканската тефра може да предизвика иритација на очите и кожата и респираторни проблеми. Но, може да предизвика и други проблеми, како што се проблеми со водоснабдувањето, кои не се невообичаени на Хаваи.

Во претходните ерупции, жителите мораа да повикаат цивилна одбрана за да помогнат во чистењето на пепелта од нивните домови.

Кулалуеа е еден од најактивните вулкани во светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Продолжуваат градежните активности во спортската сала на СОУ Гимназија „Добри Даскалов“.

Реконструкцијата на спортската сала во СОУ „Добри Даскалов“ се одвива согласно предвидената динамика, со што чекор по чекор создаваме современ и функционален простор за учениците. Во текот на активностите се работи на обновување на салата, со цел поставување нов спортски под, уредување на ѕидните површини, модернизација на осветлувањето, како и подобрување на системите за греење, вентилација и противпожарна заштита.

Со инвестицијата од 4.200.000 денари, Општина Кавадарци продолжува со унапредување на спортската инфраструктура во Гимназијата и создавање побезбедни и подобри услови за наставата и спортските активности.

Работиме на терен, со јасна цел, современи услови за нашите ученици и подобра спортска инфраструктура за Кавадарци.- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Сериозни слабости во јавните набавки во ЕСМ откри Државниот завод за ревизија.Ревизорите чешлале 27 постапки вредни околу 143,6 милиони евра.

Пропусти имало уште при планирањето и утврдувањето на потребите.во само една година биле направени 19 измени на планот за набавки.

ДЗР констатирал и ограничена конкуренција и постапки со само една понуда. Особено внимание привлекува набавката на гасен мотор вредна околу 2,48 милиони евра.

Моторот бил платен, но не бил ставен во функција и подолг период бил складиран.за адитив биле платени околу 2,29 милиони евра, а најголемиот дел останал неискористен.

Ревизорите нотирале и проблеми со договорите, техничките спецификации и контролите.

Заводот бара поголема транспарентност и поекономично и поефикасно користење на јавните средства.

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари.

Утринава продолжува судењето против апелациониот судија Ѓоко Ристов, обвинет за прикривање имот и перење пари, откако во домот на неговите родители беа пронајдени 350 илјади евра соѕидани во ѕид.

Парите беа пронајдени спакувани во 13 поединечни пакувања, и тоа 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕид на кујната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.