Свет

Ерменија побара акција од СБ на ОН и Русија за регионот Нагорно Карабах

Ерменија ги повика Советот за безбедност на ОН и Русија да преземат акција за прекин на воената операција што Азербејџан утринава ја почна во спорниот регион Нагорно-Карабах, јави ДПА.

Ерменија побара акција од СБ на ОН и Русија за регионот Нагорно Карабах

„Потребни се јасни и недвосмислени чекори за ставање крај на азербејџанската агресија“, се наведува во соопштението на ерменското Министерство за надворешни работи, објавено денеска од ерменските медиуми.

Ерменскиот премиер Никол Пашинјан, во меѓувреме, свика итен состанок на Советот за национална безбедност поради ескалацијата на ситуацијата во спорниот регион, наведува германската агенција.

Азербејџан рано утринава почна голема воена операција за преземање на контрола врз спорниот регион, што се наоѓа на територијата на Азербејџан, но претежно е населен со Ерменци.

Војската во Баку го оправда потегот со наводно прекршување на примирјето од страна на Ерменија. Ерменската страна ги отфрла овие обвинувања како измислен изговор за напад и конфронтација.

Нагорно-Карабах со децении е спорен регион меѓу двете поранешни советски републики.

Азербејџан со месеци го блокира и коридорот Лачин, што е единствениот сообраќаен чвор на Ерменија со Нагорно Карабах, каде хуманитарната ситуација се смета за катастрофална, наведува ДПА. /МИА

Свет

Билд: Руски извидувачки авион се приближи до германскиот брег на Балтикот

Руски извидувачки авион денеска се приближи до североисточниот брег на Германија пред да се врати во Русија, придружуван од германски борбени авиони, соопшти германското воздухопловство, потврдувајќи ја веста на весникот Билд.

Билд: Руски извидувачки авион се приближи до германскиот брег на Балтикот

„Денеска беше активирано предупредување за брз одговор“во воздухопловната база во близина на Росток на североисток на балтичкиот брег, се наведува во соопштението на германското воздухопловство.

Предупредувањето (Quick Reaction Alert) е заеднички систем на членките на НАТО за заштита на нивниот воздушен простор.

„Причината беше непознат авион над Балтичкото Море, што леташе без план за лет или активиран радар“, се додава во соопштението.

Германските борбени авиони Еурофајтер потоа полетаа и го идентификуваа извидувачкиот авион, Иљушин II-20, што потоа под придружба замина, соопшти германското воздухопловство, кое сподели фотографија од авионот.

„Билд“ наведува дека утринава руски авион летал источно од Риген, германски остров во Балтичкото Море, и во моментот на пресретнување се движел кон германскиот воздушен простор.

Фактот што неговиот радар беше деактивиран претставува „значителна опасност за цивилниот воздушен сообраќај“, додава Билд.

Според воени извори на кои се повикува Билд, руските извидувачки авиони „повремено“ се приближуваат до германскиот брег без да го нарушат воздушниот простор на земјата.

Свет

Видео: Еден загинат, и 50 повредени во уривање на зграда во Бангкок по земјотресот

Најмалку едно лице загина, а 50 други се повредени откако висококатница во изградба се урна во Бангкок по силниот земјотрес што во петокот го погоди соседен Мјанмар, соопштија тајландските власти.

Видео: Еден загинат, и 50 повредени во уривање на зграда во Бангкок по земјотресот

Службите за итни случаи претходно соопштија дека 50 лица се наоѓале во зградата што се урна во паркот Чатучак по земјотресот што го погоди Мјанмар, Тајланд, а бил почувствуван и во југозападна Кина.

Силен земјотрес со јачина од 7,7 степени според Рихтеровата скала го погоди центарот на Мјанмар, соопшти Американскиот геолошки институт. Епицентарот бил на 16 километри северозападно од градот Сагаинг, на длабочина од 10 километри, соопшти USGS.

Силни потреси биле почувствувани стотици километри подалеку во Тајланд и југозападна Кина.

Зградите во Бангкок обично не се дизајнирани да издржат земјотреси, па штетата може да биде значителна, пренесе Би-Б-Си.

Тајландската влада одржува итен состанок.

Македонија

Приведени двајца возачи кои удриле пешаци во Скопје

 Двајца возачи кои вчера со возила удриле пешаци во Скопје се лишени од слобода, а возилата им се одземени.

Приведени двајца возачи кои удриле пешаци во Скопје

Како што соопшти денеска МВР, полициски службеници од СВР Скопје го лишиле од слобода скопјанецот И.С.(45), затоа што вчера околу 21:50 часот во Скопје, на крстосницата од ул.„Адем Демачи“ со ул.„Методија Митевски“, со патничко возило „фиат“ со скопски регистарски таблички удрил во пешакот А.А.(57) од Скопје.

-Пешакот е пренесен за укажување на лекарска помош во ГОБ „Св. Наум Охридски“, каде му се констатирани тешки телесни повреди. Известен е јавен обвинител, а увид извршила екипа од СВР Скопје И.С. е задржан во полициска станица, а возилото е одземено за понатамошна постапка, велат од МВР.

Оттаму соопштуваат дека полициски службеници од СВР Скопје го лишиле од слобода Б.Х.(52) од Република Турција, со живеалиште во Скопје, затоа што вчера околу 17:30 часот во Скопје, на крстосницата од ул.„Филип Втори Македонски“ со ул.„Мирче Ацев“, со патничко возило „цитроен“ со скопски регистарски таблички удрил во Л.М.(48) од Скопје.

-Во несреќата со тешки телесни повреди се здобила Л.М., констатирани во ГОБ „Св.Наум Охридски“. Увид на местото на несреќата извршила екипа од СВР Скопје, а по наредба на јавен обвинител возачот е задржан во полициска станица, а возилото е одземено за понатамошна постапка. По целосно расчистување и документирање на случаите, ќе бидат поднесени соодветни пријави, се наведува во соопштението.

притисни ентер