Балкан

Ердоган за „Катимерини“: Пријателе Кирјакос, не ви се закануваме, ако не ни се заканите

Ме прашавте што би му рекол на господинот Мицотакис. Ќе му кажам: Кирјакос пријателе, не ви се закануваме, ако не ни се заканите.

Ме прашавте што би му рекол на господинот Мицотакис. Ќе му кажам: Кирјакос пријателе, не ви се закануваме, ако не ни се заканите. Ајде да ја зајакнеме довербата меѓу нашите две земји, да ја зголемиме билатералната соработка во секој сектор, да покажеме заемна грижа за историскиот и културниот имот на нашите земји, без разлика дали се работи за прашањата во Егејското Море, или заедничката борба против нелегалната миграција или континуираните проблеми на турското малцинство во Грција, порачува турскиот претседател Реџеп Таип Ердоган во интервјуто за грчкиот весник „Катимерини“, јави дописничката на МИА од Атина.

На ден пред посетата на Атина и одржувањето на Високиот совет за соработка меѓу двете земји Ердоган истакнува дека не постои проблем што не можеме да се реши преку дијалог, врз основа на заемна добра волја и најавува потпишување на Декларацијата за пријателски односи и добрососедство.

Турскиот претседател истакнува дека со Грција се соседи и секогаш ќе останат соседи, вели дека делат иста географија, исто море, дишат ист воздух, поврзани се со нивното минато, но и дека постојат многу прашања за кои сè уште не успеале да ги решат, а од двете страни зависи дали ќе дозволат овие проблеми да предизвикаат тензии и раздор.

Говори за „нова страница“ во билатералните односи и принципот „вин-вин“, за кој вели дека „веќе е во сржта на турскиот пристап кон меѓународните односи и дипломатијата“ а „ако разликите се решаваат преку дијалог и се најде заеднички јазик, тоа е во корист на сите“.

-Неодамна, во рамките на оваа перцепција добивме добар импулс во обликувањето на нашите односи со Грција. Ги оживеавме билатералните механизми кои долго време беа во мирување. Нашите канали за дијалог се отворени и работат на сите нивоа. Чести се меѓусебните посети. Имаме волја, врз основа на заемна доверба, да ја развиеме нашата соработка во многу области важни за нашите земји и регионот. Сега двете страни имаат одговорност да ја воспостават, да ја институционализираат и да ја промовираат ова перцепција. Мислам дека и господинот Мицотакис ја има истата волја. Декларацијата за пријателски односи и добрососедство, која се надеваме дека ќе ја потпишеме во Атина на 7 декември, исто така јасно ќе ја регистрира оваа заедничка намера, вели Ердоган.

За изјавата од минатото упатена до Грција дека „една вечер може ненадејно да дојдат“, турскиот претседател објаснува дека од нив треба да се плашат само оние кои им се закануваат, а конкретната порака се однесувала до „терористичките елементи кои ја загрозуваат безбедноста на нашата земја и го направивме тоа што требаше да го направиме“.

Во однос на мигрантското прашање објаснува дека е важно ЕУ да ја поддржи Турција и неопходно е да се преземат заеднички мерки кои обезбедуваат еднаква поделба на товарот и одговорностите, нешто што според Ердоган, не треба да се ограничи само на соработката меѓу Турција и Грција.

На прашањето за одлуката Света Софија да се претвори во џамија, Ердоган објаснува дека Света Софија е во сопственост на фондацијата Фатих Султан Мехмет, а „со соодветна одлука на Државниот совет се користи за намената за која е посветена“ и истакнува дека нема ниту материјално ниту духовно да бидат оштетени иконографијата и другите уметнички елементи, кои ќе бидат заштитени.

Во интервјуто за „Катимерини“, Ердоган говори и за позицијата на Турција во однос на Газа и истакнува дека отсекогаш биле гласот на правичноста, правдата и совесноста во меѓународните односи и нивната главна цел е да бидат на вистинската страна на историјата.

- Реакцијата на Турција на неправдата и нехуманиот третман што ги трпи палестинскиот народ, како и фактот дека не избегнуваме да го критикуваме Израел за неговите постапки, кои јасно го кршат меѓународното право, меѓународното хуманитарно право и човековите права, се природно барање на оваа цел. Имајќи предвид дека многу западни земји денес заземаат сè повеќе слични позиции, исполнувањето на таквата морална обврска од страна на Турција за прашањето за Палестина не може да доведе во прашање дали таа му „припаѓа на Западот“ или не. Наместо да дебатираме за ориентацијата и позицијата на Турција, она што треба да се разгледа е фактот дека одредени западни земји понекогаш можеби ги игнорираат вредностите што силно ги бранат. Молкот за бруталноста во Газа е најживописниот пример за тоа, вели Ердоган.

Дополнително, се запрашува „дали бомбардирањето на болниците, нападите на училиштата, бегалските кампови, пазарите и убивањето цивили се компатибилни со западните вредности?“.

Турскиот претседател утре ќе биде во Атина за да учествува на Високиот совет за соработка меѓу Грција и Турција, а предвидено е да биде примен од грчката претседателка Катерина Сакеларопулу, потоа ќе следи средба со премиерот на Грција и изјава за медиумите, по што ќе се одржи и состанокот во форма на работен ручек, во присуство на Мицотакис и Ердоган и со учество на министри од двете земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Регионалната соработка меѓу обвинителствата во фокусот на конференција за постапување по предмети за воени злосторства во Скопје

Главните јавни обвинители и обвинители кои постапуваат по предмети за воени злосторства од Западен Балкан, како и претставници на Меѓународниот резидуален механизам за кривични трибунали во Хаг, учествуваат на дводневната Регионална конференција на.

Главните јавни обвинители и обвинители кои постапуваат по предмети за воени злосторства од Западен Балкан, како и претставници на Меѓународниот резидуален механизам за кривични трибунали во Хаг, учествуваат на дводневната Регионална конференција на обвинители за соработка во постапките за воени злосторства, која денес започна во Скопје.

Конференцијата ја продолжува традицијата на регионални средби на обвинителските професионалци и обезбедува платформа за размена на искуства, подобра комуникација и зајакнување на практичната соработка и меѓусебната правна помош меѓу обвинителските институции од Западен Балкан.

Посебен фокус е ставен на соработката во истрагите и постапките за воени злосторства, вклучително и размената и преносот на предмети и докази меѓу различни јурисдикции. Истовремено, конференцијата овозможува размена на искуства од други кривични постапки и дискусија за практични пристапи за надминување на заедничките предизвици во регионалната правосудна соработка.

Конференцијата ја отвори Ненад Савески, државниот јавен обвинител, кој истакна: „Нас нè обединува не само нашата професија, туку и нашата заедничка, морална и законска должност. А тоа е борбата против неказнивоста за најтешките злосторства против човештвото. Освен тоа, како јавни обвинители, нашиот примарен мандат не е само да ги казниме сторителите, туку да им дадеме глас и да ги заштитиме жртвите“.

Тој потенцираше дека одговорноста, дури и за најтешките кривични дела е индивидуална, а преку јасно лоцирање на вината на поединците, се придонесува за подобро разбирање и соживот на идните генерации.

Во текот на дводневната конференција, учесниците ќе разговараат за напредокот, предизвиците и новите прашања во регионалната соработка во постапките за воени злосторства. Дел од дискусиите ќе бидат посветени на собирањето и преносот на докази меѓу различни јурисдикции во предмети за воени злосторства и други тешки кривични дела, со посебен осврт на законитоста, прифатливоста и квалитетот на доказите.

Роберта Кортезе, раководителка на Секторот за операции 1 при Делегацијата на Европската Унија во Северна Македонија, изјави: „Европската Унија придава големо значење на правдата, отчетноста и владеењето на правото во Западен Балкан. Тоа се темелни европски вредности, но и суштински елементи на процесот на европска интеграција.

Во овој контекст, утврдувањето на одговорноста за воените злосторства е од особено значење. Изминувањето на времето не ја намалува одговорноста на институциите да постапуваат по тешките кривични дела и да обезбедат правда за жртвите и преживеаните. Затоа, Европската Унија силно ги поддржува напорите за зајакнување на соработката меѓу обвинителствата и правосудните институции во регионот.

ЕУ го препознава поврзувањето на правдата, регионалната соработка, помирувањето и вклучувањето на граѓаните како важен дел од европската перспектива на Западен Балкан.“

На агендата е и примената на принципот non bis in idem во прекугранични предмети и правните аспекти при повторно отворање предмети кои биле затворени во друга јурисдикција. Посебна сесија е посветена и на идната соработка на Меѓународниот резидуален механизам за кривични трибунали со јурисдикциите во регионот, по одлуката на Советот за безбедност на Обединетите нации во однос на неговиот мандат.

Постојаниот претставник на УНДП во Северна Македонија Армен Григорјан, нагласи: „Правдата не зависи само од формалните механизми, туку и од силните професионални врски, довербата и континуираната соработка меѓу институциите. Токму затоа, преку проектот ‘Поддршка на ЕУ за градење доверба во Западен Балкан’, финансиран од Европската Унија, создаваме простор обвинителите и другите правосудни професионалци од регионот да разменуваат искуства, да разговараат отворено за практичните предизвици и да ја зајакнуваат меѓусебната соработка. Нашата заедничка цел е правда која е професионална, кредибилна, заснована на човековите права и насочена кон потребите на жртвите,“ изјави Григорјан.

Конференцијата се организира во рамките на проектот „Поддршка на ЕУ за градење доверба во Западен Балкан“, финансиран од Европската Унија и имплементиран од Програмата за развој на Обединетите нации УНДП. Една од главните цели на проектот е зајакнување на владеењето на правото и поддршка на ефективната регионална соработка во постапувањето по предмети за воени злосторства и други тешки кривични дела, со примена на пристап заснован на човековите права и насочен кон потребите и правата на жртвите.

Конференцијата ќе заврши на 24 септември со усвојување заклучоци и препораки, со цел дискусиите и разменетите искуства да се преточат во практични насоки за натамошно унапредување на соработката меѓу обвинителските институции во регионот.

Свет

Рубио: „Знаеме како ќе заврши војната во Украина“

Американскиот државен секретар Марко Рубио во интервју за радио „WABC“ изјави дека војната во Украина не е добра за ниту една од страните и дека Вашингтон знае како таа ќе заврши.

Затоа, додаде тој, има целосна логика таа да се запре. „Но, за жал, во надворешната политика и во вакви прашања, она што е логично не е секогаш она што навистина се случува“, истакна Рубио.

Според него, американскиот претседател Доналд Трамп изјавил дека Америка „ќе продолжи да презема активности“.

„Значи, секаде каде што постои можност за напредок и за надминување на јазот меѓу двете страни, претседателот ќе биде подготвен да го стори тоа. И ние ќе продолжиме да се обидуваме да го постигнеме тоа“, додаде Рубио.

Американскиот државен секретар исто така рече дека војната на Русија против Украина нема да заврши со воена победа за ниту една од страните, туку преку преговори: „Таа нема да заврши со одлучувачка воена победа за едната или за другата страна. Ќе заврши со договор постигнат преку преговори. И колку побрзо се случи тоа, толку помалку животи ќе бидат загубени и помало ќе биде уништувањето“.

Извор: Б92

Тагови: Марко Рубио

Македонија

СДСМ: Арамијата Мицкоски ги турна земјоделците во длабока криза - мерките на СДСМ се спас

Арамијата Мицкоски ги турна земјоделците во катастрофлано лоша состојба.

Нема откуп. Родот им скапува на нивите. А и тоа малку што се откупува, се плаќа по понижувачки цени.

Земјоделците работат од утро до мрак, вложуваат сè што имаат, а на крајот не можат ниту да ги покријат трошоците.

Сите земјоделци се погодени од лошите и криминални политики на Арамијата Мицкоски.

Затоа, поднесовме Закон за финансиска поддршка на земјоделците.

Сега кога им е неопходна.

За лозарите - 8 денари за секој килограм произведено и продадено грозје од сортите „Вранец“ и „Кратошија“.

За оние кои нема да успеат да го продадат грозјето – 300.000 денари по хектар за пријавни лозови насади.

-За производителите на пиперка „ајварка“ 10 денари по килограм продадена пиперка, плус 200.000 денари по хектар за евидентираните засадени површини.

-За производителите на пченица 5 денари по килограм, без разлика дали пченицата е продадена на регистриран откупувач или е складирана во евидентиран склад.

-За сточарите 8.000 денари по грло говедо за производство на млеко и месо.

-За оризарите 10 денари по килограм произведена и продадена оризова арпа кај регистриран откупувач во 2026 година.

Корисници ќе бидат и земјоделските стопанства регистрирани во Единствениот регистар на земјоделски стопанства.

Земјоделството е производство, егзистенција и сигурност за илјадници семејства.

Не да се распродава македонската земја зa туѓи профити.

Не земјата и водата да им се ставаат на располагање на туѓи бизнис-интереси.

Не луѓето што произведуваат храна да се оставаат без земја, без вода, без откуп и без поддршка.

Поддршка за земјоделците сега!

Да, за Македонија да застане зад оние кои ја хранат!

Прес конференција на СДСМ, Симона Цветаноски – членка на ИО

Скопје, 23.09.2026

СДСМ