Ердоган се пофали со новиот брод за вадење нафта и гас во источен Медитеран, Грците лути - Канал 5

Балкан

Ердоган се пофали со новиот брод за вадење нафта и гас во источен Медитеран, Грците лути

Турција ја продолжи операцијата за дупчење на фосилни горива во источниот Медитеран по пауза од две години, а претседателот Реџеп Тајип Ердоган рече дека новиот брод за дупчење ќе оперира надвор од водите за кои исто така претендира Кипар.

Ердоган се пофали со новиот брод за вадење нафта и гас во источен Медитеран, Грците лути

Четвртиот турски брод за дупчење, наречен Абдулхамид Хан, ќе оперира на 55 километри од регионот Газипаша на јужниот брег на Анталија, рече Ердоган.

„Истражувањето и дупчењето што ги правиме во Средоземното Море се дел од нашите суверени води. За тоа не ни треба дозвола или согласност од никого“, рече Ердоган.

Соопштението доаѓа откако тензиите меѓу Турција и Грција повторно се зголемуваат бидејќи Ердоган ја обвинува Атина дека вооружува острови во Егејското Море кои имаат демилитаризиран статус, додека Атина тоа го побива.

Откритијата на природен гас во источниот Медитеран во изминатата деценија го направија регионот остварлив алтернативен извор на енергија за Европа, но исто така поттикнаа конфликти меѓу соседните земји во регионот околу правата на ресурсите. Портпаролот на грчката влада, Јанис Оиконому денеска изјави дека Атина внимателно ја следи ситуацијата.

„Мораме да бидеме внимателни. Секогаш го правевме она што треба за да имаме стабилност во нашиот регион и целосно да го браниме меѓународното право и нашите сопствени суверени права“, рече Оиконому.

Анкара соопшти дека со должина од 238 метри, Абдулхамид Кан е најголемиот и технолошки најнапредниот брод за дупчење во длабоко море во истражувачката флота.

Турција не испратила брод за дупчење во источниот Медитеран од повлекувањето на Јавуз од спорните води во септември 2020 година.

Бродовите за дупчење Јавуз, Фатих и Кануни работат во Црното Море, каде Турција откри резерви на природен гас од 540 милијарди кубни метри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По пукањето во Маниса приведени малолетникот, неговите родители и дедо му - 11 се ранети

Турскиот министер за правда, Акин Гурлек, изјави дека 11 ученици се повредени во вооружениот инцидент што утрово се случи пред средно училиште во Маниса, од кои двајца се тешко повредени.

По пукањето во Маниса приведени малолетникот, неговите родители и дедо му - 11 се ранети

Гурлек соопшти дека малолетникот кој пукал пред училиштето е приведен, како и неговите родители и дедо му.

Инцидентот се случил околу 8 часот наутро по локално време во градот Тургутлу, во близина на Измир. Напаѓачот побегнал од местото на настанот, но брзо потоа бил фатен и уапсен од полицијата. Тој е снимен од камери за видеонадзор – облечен е во темна облека, а во раката држи пушка.

Мотивот за нападот сè уште е непознат, а за случајот е покрената истрага.

Тагови: Маниса

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ќе отворат две нови воени бази на Гренланд во рамките на договорот со Данска

Данска кажа дека договорот ја става безбедноста на арктикот под надзор на НАТО, наместо да им биде препуштена исклучиво на САД и Данска.

САД ќе отворат две нови воени бази на Гренланд во рамките на договорот со Данска

САД планираат повторно да воспостават воена база од времето на студената војна во јужен Гренланд и да отворат уште една на источниот брег, во рамките на договорот што треба да го потпишат со Данска и Гренланд денеска во рамките на Генералното собрание на Обединетите Нации во Њујорк.

Текстот на договорот не е јавно објавен, а три лица запознати со него изјавија дека деталите нема да бидат финализирани сè додека договорот не се потпише.

Данска кажа дека договорот ја става безбедноста на арктикот под надзор на НАТО, наместо да им биде препуштена исклучиво на САД и Данска.

Договорот доаѓа по повеќемесечниот притисок од Доналд Трамп, кој бараше САД да имаат контрола врз Гренланд и во одредени моменти не ја исклучуваше можноста за употреба на воена или економска сила за преземање на оваа полуавтономна данска територија. Заканите на Трамп, кои го достигнаа својот врв во јануари, предизвикаа дипломатска криза во рамките на НАТО.

Тагови: Гренланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Белата куќа отвори „Трамп ТВ“ откако ги укина акредитациите на дел од медиумите

Белата куќаго отвори својот онлајн стриминг канал „Трамп ТВ“ откако ескалираше нејзиниот спор со главните американски медиумски куќи.

Белата куќа отвори „Трамп ТВ“ откако ги укина акредитациите на дел од медиумите

Каналот започна да се емитува синоќа, првично емитувајќи говори на Трамп и снимки од американски воени вежби.

„Емитувањето ќе оди 24 часа на ден, со минати моменти, најави и со најновите и најдобри информации од администрацијата, сè на едно место“, соопшти Белата куќа.

Лансирањето на „Трамп ТВ“ следува откако Трамп во петокот објави дека им забранува пристап до Белата Куќа на новинарите од телевизиите „Си-Ен-Ен“ и „Ем-Ес Нау“ и од сајтот „Политико“. Тој ги обвини медиумите за ширење лажни вести, но и дека не известуваат доволно за неговите постигнувања.

Трите медиуми вчера поднесоа тужба против администрацијата, велејќи дека нејзините постапки ги загрозуваат слободата на медиумите и правото на јавноста на независно новинарство. Други големи американски ТВ-мрежи и весници одговорија со намалување на нивното известување за претседателот.

Тагови: Белата куќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер