Ердоган од Тирана: Довербата на меѓународната сцена бледее, ни треба нов глобален систем - Канал 5

Балкан

Ердоган од Тирана: Довербата на меѓународната сцена бледее, ни треба нов глобален систем

 Турскиот претседател Реџеп Таип Ердоган денеска во Тирана изјави дека на светот му е потребна нова архитектура на глобално управување со цел да се надмине бледнеењето на довербата на меѓународната сцена, јави Анадолија.

Ердоган од Тирана: Довербата на меѓународната сцена бледее, ни треба нов глобален систем

Ердоган говореше на шестиот Самит на Европската политичка заедница кој се одржува во главниот град на Албанија, Тирана.

- За да го надминеме падот на довербата на меѓународната сцена, треба да изградиме фер и инклузивна архитектура на глобално управување, нагласи турскиот претседател.

Тој ја повика Европската Унија да ја ажурира Царинската унија и да се преиспитаат визните практики како Шенген за зајакнување на економската и социјална мобилност.

Ердоган нагласи дека „визните практики како Шенген, кои ја ограничуваат мобилноста на нивните граѓани и следствено, циркулацијата на стоки, услуги и капитал, мора да бидат преиспитани“.

Тој рече дека Турција верува дека „ажурирањето на нивната Царинска унија со ЕУ ќе придонесе за безбедноста на синџирите на снабдување“. Додаде дека тековните ограничувања не само што го попречуваат движењето на граѓаните, туку негативно влијаат и на трговските врски и пошироката економска интеграција со Европа.

- Како европски континент, мора да почнеме трансформација дома врз основа на принципите на неделива безбедност и пофер распределба на просперитетот, истакна тој.

- Додека разговараме за иднината на безбедноста на Европа во ова критично време, сметаме дека напорите на ЕУ за развој на својата одбранбена индустрија се корисни, нагласи тој.

Ердоган, исто така, ги повика европските земји да ги покажат потребната подготвеност и интерес за помош во воспоставувањето прекин на огнот во Газа.

Во врска со војната во Украина, Ердоган нагласи дека охрабрувањето и на Русија и на Украина без наметнување услови, со оглед на чувствителноста на процесот, е клучно за постигнување праведен и траен мир.

Одговарајќи на новинарско прашање за мировните преговори меѓу Русија и Украина, Ердоган рече: „Заедно со мојот брат (албанскиот премиер Еди Рама), ќе повикаме на мир до целиот свет од Албанија“.

Ердоган беше пречекан од Рама на влезот на плоштадот „Скендербег“, каде што се одржа Самитот.

Во Оперската куќа, каде што се одржуваат сесиите на Самитот, Ердоган досега кусо разговараше со неколку лидери, вклучувајќи ја данската премиерка Мете Фредериксен, азербејџанскиот претседател Илхам Алиев и косовската претседателка Вјоса Османи.

Тагови: Ердоган

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер