ЕППО: Двајца грчки поранешни министри се вмешани во злоупотреба на земјоделските фондови на ЕУ - Канал 5

Балкан

ЕППО: Двајца грчки поранешни министри се вмешани во злоупотреба на земјоделските фондови на ЕУ

 Европското јавно обвинителство (ЕППО) проследи информација до Парламентот на Грција за наводна вмешаност на двајца поранешни министри во измама со земјоделските субвенции од Европска Унија.

ЕППО: Двајца грчки поранешни министри се вмешани во злоупотреба на земјоделските фондови на ЕУ

Брисел пред неколку дена ја казни Грција со 400 милиони евра поради повеќегодишната измама со средствата на ЕУ за земјоделството. Грчки граѓани со години добивале субвенции врз основа на фиктивни договори за сопственост или наем на земјиште, а ништо не произведувале. Поради оваа измама Владата на Грција ја затвори Агенцијата одговорна за доделување на повеќе милијарди земјоделски субвенции од ЕУ.

Во соопштението на ЕППО не се наведуваат имињата на грчките министри, но според неименувани извори станува збор за Макис Воридис, кој беше министер за земјоделство од 2021 до 2023 година и Лефтерис Авгенакис, кој ја извршуваше истата функција во периодот од 2023 до 2024 година.

Согласно грчките закони, само Парламентот има овластување на истражува и кривично да гони активни и поранешни владини членови, што ЕППО, кое е формирано да ги истражува злоупотребите на фондовите од ЕУ, нема овластување да иницира такви случаи во Грција.

Тагови: ЕППО фондови на ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

​Трето вонредно прскање против комарци во Драчево

​Трето вонредно прскање против комарци во Драчево

Центарот за јавно здравје, во соработка со Општина Кисела Вода, вечерва спроведува трета вонредна акција за дезинсекција. Третманот ќе го опфати подрачјето на населбата и селото Драчево, со цел заштита на граѓаните и спречување на масовно размножување на комарците.

Прскањето ќе се реализира во периодот од 22:00 до 24:00 часот, при што со специјализирано возило ќе се дејствува против возрасните комарци. Оваа трета вонредна интервенција се надоврзува на досегашните активности кои започнаа кон крајот на минатиот месец со првото прскање, кое исто така беше насочено кон возрасните инсекти. Континуитетот продолжи пред два дена со втората акција, кога екипите на терен вршеа уништување на ларвите со соодветен ларвицид во каналите и влажните места.

Уште еднаш ги потсетуваме пчеларите навремено да ги преземат потребните мерки за заштита на своите пчелни семејства поради вечерашните активности. Истовремено, за акцијата да се реализира безбедно и ефикасно, ги замолуваме граѓаните во наведениот временски период, доколку се во можност, да ги држат затворени прозорците и вратите од своите домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Родри – светски шампион на лет на „ниско буџетна авио компанијата

Капитенот на светскиот фудбалски шампион Шпанија, Родри дефинитовно  не е опседнат со луксуз како многу од фудбалерите, тоа го покажа при враќањето од  Шпанија во Манчестер.

Видео: Родри – светски шампион на лет на „ниско буџетна авио компанијата

Скромниот светски шампион со Шпанија и ѕвезда на Манчестер Сити е снимен како чека во ред за пријавување на летот на аеродромот во Мадрид, од каде што патувал за Ливерпул.

Тој не изнајмил приватен авион ниту си обезбедил некаков вид ВИП-транспорт – како што тоа го прават многу фудбалери од негов ранг – туку, како и секој обичен смртник, застана во редот пред шалтерот, онаму каде што одат сите патници пред полетувањето.

На истиот лет со Родри била и новинарката на Би-би-си, Емили Бробин, која сподели снимки и фотографии од шпанскиот фудбалер на аеродромот.

Ова не е неочекувано од Родри, кого славата и парите не го промениле . Оние што го познаваат велат дека Родри е сè уште истиот оној Родри што бил и пред големиот подем во кариерата.

Се разбира, глетката на фудбалер кој може да си дозволи сопствен авион, а сепак стои во ред со обичните луѓе, ги воодушеви корисниците на социјалните мрежи.

Покрај тоа што со недели е во центарот на вниманието поради успехот со Шпанија, Родри веќе неколку дена е тема на европските спортски портали поради можниот трансфер во Барселона.

Според последните информации, играчот постигнал договор со Каталонците, но трансферот моментално е „закочен“ од Сити, кој бара повеќе пари за „слободата“ на својот фудбалер.

Тагови: Родри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО собори дрон над Летонија, воздушна тревога во региони покрај Русија

Борбени авиони на НАТО соборија беспилотно летало што рано утрово навлезе во воздушниот простор на Летонија.

НАТО собори дрон над Летонија, воздушна тревога во региони покрај Русија

Инцидентот се случил во регионот балви, на североистокот на земјата, а вооружените сили по интервенцијата соопштија дека воздушната закана е завршена.

Пред соборувањето бил прогласен портокалов степен на воздушна тревога во неколку области во источна Летонија. Жителите добиле предупредување преку мобилните телефони, а околу еден час подоцна тревогата била укината.

Армијата засега не го објави потеклото ниту типот на дронот. Познато е дека леталото било соборено на релативно голема височина, поради што остатоците може да бидат расфрлани на поширок простор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер