Епидемиологот кој го осмисли шведскиот модел: Затворањето на границите е смешно - Канал 5

Здравје

Епидемиологот кој го осмисли шведскиот модел: Затворањето на границите е смешно

Додека низ цела Европа се воведоа  строги мерки против ширење на коронавирусот во февруари и март, Шведска се истакнуваше од првиот ден.

Епидемиологот кој го осмисли шведскиот модел: Затворањето на границите е смешно

Шведска не воведе карантин или строги мерки на социјална оддалеченост. Наместо тоа, се потпира на довербата во своите граѓани - на постарите лица им се советува да не излегуваат надвор и да избегнуваат контакт со други луѓе, додека на другите им се препорачува да работат од дома, редовно да ги мијат рацете и да избегнуваат непотребно патување. Границите и училиштата останаа отворени, како и многу бизниси, ресторани и кафулиња.

Овој пристап доби многу критики. Меѓу критичарите минатата недела се најдоа 22 научници кои во весникот ,,Дагенс Нихтер’ објавија дека шведските здравствени власти потфрлиле и ги повикале политичарите веднаш да преземат построги мерки. Тие предупредија на големиот број смртни случаи во старечките домови.

Човекот кој стои зад шведскиот модел е Андерс Тегнел, епидемиолог во шведската агенција за јавно здравје. Тој објасни за списанието „Nature“ зошто го одбрал овој пристап.

„Мислам дека има доволно публицитет за тоа колку е уникатен нашиот пристап. Исто како и во другите земји, нашата цел е да ја израмниме кривата и да го забавиме ширењето на вирусот колку што е можно, во спротивно ќе се закани на нашиот здравствен систем и на целото наше општество.

Ова не е болест што може да се запре или искорени, барем додека не се произведе вакцина. Треба да најдеме долгорочни решенија кои ќе ги одржуваат стапките на инфекција на прифатливо ниво. Она што секоја држава се обидува да го направи е да ги користи мерките и традициите за да ги спроведе. И затоа решивме работите да ги правиме малку поинаку.

Законите за инфективни болести во Шведска главно се засноваат на доброволни мерки - тоа е индивидуална одговорност. Јасно се наведува дека граѓанинот има одговорност да не ја шири болеста. Ова е јадрото од каде што започнавме, затоа што според сегашниот закон, нема многу правна можност да ги затвориме градовите во Шведска. Карантинот може да се воведе за поединци или мали простори, како што е училиште или хотел. Но, правно не можеме да ставиме во карнатин географска област“, објаснува Тегнел.

„Тешко е да се зборува за научните основи на стратегијата со овие видови на болести, затоа што не знаеме многу за Ковид-19 и учиме од ден во ден. Според мое мислење, затворањето на границите и градовите, ниту едно од овие методи нема историска научна основа за да утврдиме дали има каква било анализа за ефектите од овие мерки пред да бидат воведени, а ние не откривме скоро ништо.

Затворањето на границите, според мене, е смешно, затоа што КОВИД-19 сега постои во секоја европска земја. Повеќе сме загрижени за неговото ширење во Шведска.

Како општество, постојано сме потсетувани дека луѓето користат мерки, а ние ги менуваме од ден на ден во области каде што гледаме дека треба да се променат. Не треба да затвориме сè целосно, бидејќи тоа би било контрапродуктивно “, заклучува тој.

„Околу 15 лица од агенцијата се состануваат секое утро и ги ажурираат одлуките и препораките според собраните и анализираните информации. Разговараме со регионалните власти двапати неделно.

Нашиот најголем проблем во моментов се нашите пензионерски домови, каде што бележиме зголемена појава на коронавирус. Ова е причината зошто смртноста е поголема во Шведска во однос на соседите. Истрагата е во тек затоа што треба да разбереме кои препораки не беа следени и зошто “, објаснува тој.

"Агенцијата за јавно здравје објави детално моделирање од регион до регион и донесе многу помалку песимистички заклучоци од другите истражувачи во врска со хоспитализациите и смртните случаи на илјада заразени. Има зголемување, но ситуацијата не е трауматична. Секако дека одиме во епидемиска фаза каде што ќе да се забележат многу повеќе случаи во следните неколку недели - со повеќе луѓе на интензивна нега - но ова е исто како и во која било друга земја. Ниту една земја во Европа не успеа значително да го намали ширењето на вирусот.

Што се однесува до училиштата, убеден сум дека тие ќе останат отворени на национално ниво. Ние сме во епидемија и според мене науката покажува дека затворањето на училиштата во оваа фаза нема никаква смисла. Требаше да ги затворите училиштата прилично рано на почетокот на епидемијата за да има влијание. Во Стокхолм, од каде што се повеќето заразени, сега сме близу до врвот на кривата, така што затворањето на училиштата е беспредметно во оваа фаза “, опишува Тегнел.

„Многу е тешко да се утврди; премногу е рано. Секоја земја мора да го достигне имунитетот на стадо (кога голем дел од населението е имуно на инфекцијата) на еден или друг начин, и ќе стигнеме до тоа на поинаков начин.

Досега, на глобално ниво се пријавени многу малку случаи на повторена инфекција. Не знаеме колку долго ќе трае имунитетот на стадото, но дефинитивно има имунолошкиот одговор “, вели шведскиот епидемиолог.

Ги потценивме проблемите во старечките домови и како тие ќе бидат имплементирани. Требаше да ги контролираме потемелно “, вели тој.

"Да! Знаеме дека КОВИД-19 е исклучително опасен за многу стари лица, што секако е лошо. Но, гледајќи ги пандемиите, има многу полоши сценарија од ова. Поголемиот дел од проблемите што ги имаме во моментов не се резултат на заболувања, туку заради мерките кои што во некои средини не се применуваат правилно. Смртта на старите лица е проблем со кој се бориме со децении. “ , заклучува епидемиологот во интервјуто за стручното списание Nature.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Петмина се уапсени поради кражба на четири ремек дела од музејот на Реноар

Француската полиција уапси најмалку пет лица поврзани со кражбата на четири уметнички дела од музејот Реноар на 8 септември.

Петмина се уапсени поради кражба на четири ремек дела од музејот на Реноар

Се верува дека меѓу уапсените се двајца директни сторители. Според весникот „Нис-Матен“, кој прв извести за апсењата, осомничените би можеле да бидат дел од организирана криминална група, пишува „Еуроњуз“.

Кражбата се случила во зори на 8 септември. Градоначалникот Брајан Масон изјавил за локалната станица „Иси Азур“ дека сторителите биле добро опремени и добро информирани. Тие влегле во музејот низ градината, каде што ја исекле оградата, а потоа го скршиле прозорецот на приземјето од зградата. Тие користеле електрична пила за да ги исечат држачите што ги прицврстувале рамките за слики. Масон додаде дека дуото било „забележано благодарение на градските камери за надзор“.

Плен вреден девет милиони евра

Вкупната вредност на украдената уметност се проценува на девет милиони евра. Две слики се пронајдени во градината на музејот. Според изјавата доставена до агенцијата АП, крадците ги отфрлиле за време на нивното бегство од полицијата, која била активирана од алармот. Потрагата по преостанатите две слики сè уште е во тек. Станува збор за делата „Портрет на г-ѓа Колона Романо“ од 1910 година и „Млада жена на бунарот“ од 1886 година.

Музејот на Реноар се наоѓа во медитерански град помеѓу Кан и Ница и е негова најпозната знаменитост. Музејот е отворен во 1960 година во куќата што била последниот дом на сликарот. Реноар живеел таму до својата смрт во 1919 година, кога починал од пневмонија на 78-годишна возраст.

Тагови: музејот Реноар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски во посета на Археолошкиот музеј: Македонија располага со исклучително богато археолошко и културно наследство

Минисерот за внатрешни работи беше во посета на Археолошкиот музеј во Скопје.

Тошковски во посета на Археолошкиот музеј: Македонија располага со исклучително богато археолошко и културно наследство

„Неодамнешните кражби на вредни историски и археолошки предмети од музеи во повеќе европски земји нè потсетуваат колку е значајна заштитата на културното наследство и колку е важно навременото преземање превентивни мерки.

Токму на оваа тема денеска разговаравме при мојата посета на Археолошкиот музеј во Скопје, каде што ги разгледавме можностите за унапредување на институционалната соработка и зајакнување на безбедноста на културните добра.

Македонија располага со исклучително богато археолошко и културно наследство, кое сведочи за долгата и разновидна историја на овие простори. Секој археолошки предмет, секој историски артефакт е дел од нашата колективна меморија и културен идентитет, богатство кое имаме обврска да го зачуваме за идните генерации.

Заштитата на ова непроценливо богатство не е само прашање на културата, туку и важно безбедносно прашање. Спречувањето на кражбите, нелегалната трговија со културни добра и другите облици на загрозување на културното наследство бараат постојана будност, превенција и координирано дејствување на надлежните институции.“- објави Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По нападите, повторно проработеа погоните на „Шел“ во Катар

Британско-холандскиот енергетски гигант „Шел“ објави дека делумно ги обновил операциите во катарскиот објект „Перл-ГТЛ“ за преработка на природен гас во течни горива, вклучувајќи дизел со ниска содржина на сулфур, како и керозин. 

По нападите, повторно проработеа погоните на „Шел“ во Катар

„Шел“ изјави дека овој потег ќе им овозможи да создадат ограничени залихи на производи, додека можноста за нивна испорака сè уште зависи од безбедносната состојба во регионот.

Енергетската компанија „КатарЕнерџи“, според трговците, започнала да нуди пратки на физичкиот пазар, вклучувајќи нафта од објектот „Перл-ГТЛ“, и продолжила со одредени договорени испораки. Така, производите од таа фабрика почнуваат да се враќаат на пазарот каде што понудата е ограничена.

Петтина од светските пратки минувале низ Ормускиот теснец

До почетокот на американско-израелската војна против Иран, околу 20 проценти од светските пратки на нафта и течен природен гас минувале низ Ормускиот теснец, потсетува „Ројтерс“. За време на војната, Техеран ја презеде контролата врз Хормуз и дозволи премин само на бродовите на група пријателски земји.

Во март, катарскиот гасен гигант QatarEnergy ги информираше клиентите дека поради оштетените објекти, нема да може да ги снабдува со течен гас според договорените услови. Потоа Иран ги нападна нафтените и гасните објекти во земјите од Персискиот Залив, вклучувајќи го и Катар, откако Израел го нападна гасното поле Јужен Парс во Иран.

Иранските напади уништија 17 проценти од капацитетот за извоз на течен природен гас во Катар, а нивното обновување може да трае од три до пет години, изјави тогаш шефот на QatarEnergy, Саад ал-Каби.

Неименувани извори запознаени со плановите изјавија за Ројтерс дека првата фабрика за течен природен гас во проектот за проширување на Северното поле Исток на QatarEnergy ќе биде подготвена да започне со работа во ноември. Ова треба да му овозможи на Катар да врати дел од изгубеното производство.

Поправките треба да бидат завршени до почетокот на следната година

Објектот Pearl, кој е во целосна сопственост на Shell, се снабдува со природен гас од Северното гасно поле во Катар и исто така беше оштетен во март. Ракетите оштетија еден од двата погони за преработка во Pearl GTL, кој со полн капацитет може да произведува 140.000 барели еквивалент на нафта дневно. Производството на Pearl е исто така дел од синџирот на снабдување со рафинерии на Shell, вклучувајќи го и бизнисот со мазива.

Поправките на оштетената фабрика за преработка на гас треба да бидат завршени во првиот квартал од следната година, изјави портпаролот на Shell. Во март, тие проценија дека ќе биде потребна една година за целосно поправање на Pearl. Shell забележува дека безбедното и сигурно работење на Pearl зависи од регионалната безбедност, вклучително и безбедното поминување на пратките низ Ормускиот теснец.

QatarEnergy објави тендер за продажба на нафта

Неколку трговци активни на пазарот изјавија дека QatarEnergy објавил тендер за продажба до 50.000 метрички тони од четири различни видови нафта на физичкиот пазар, вклучувајќи ја и онаа од Pearl GTL.

Продажбата се нуди со клаузула за транспорт FOB, односно бесплатно, од катарското пристаниште Рас Лафан, кое се наоѓа во рамките на Ормускиот теснец. Според таа клаузула, продавачот ја исполнува својата обврска кога ја испорачува стоката преку оградата на бродот во наведеното пристаниште за товарење.

Последниот тендер за продажба на нафта од страна на државната компанија, во кој учествуваше и Pearl GTL, беше склучен со попуст од 150 долари во споредба со пазарните цени на Блискиот Исток, исто така со клаузула FOB.

Катарската компанија продолжи да испорачува договорени количини нафта на индивидуални клиенти. Индиската „Халдија петрохемикалс“ ги доби своите 50.000 метрички тони закажани за овој квартал, изјави во понеделник претставник на компанијата.

Тагови: Катар Шел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер