ЕП усвои нови правила за отпадот од текстил и храна - Канал 5

Живот

ЕП усвои нови правила за отпадот од текстил и храна

Со документот се предвидува и поттик за економските оператори да ја донираат непродадената храна, која е безбедна за консумирање од страна на луѓето. 

ЕП усвои нови правила за отпадот од текстил и храна

Европскиот парламент денеска ги одобри новите регулативи на ЕУ за спречување и намалување на отпадот од храна и текстил и за циркуларност во автомобилскиот сектор, со што ќе биде опфатен целиот „животен циклус“ на возилата, од нивниот дизајн, до конечен третман по престанокот на нивното користење.

Со Регулативата за отпад од текстил и храна се предвидува намалување на отпадот на прехранбени продукти до 31 декември 2030 година за 10 отсто од капацитетите за нивна преработка и производство и за 30 проценти од малопродажбата, рестораните, останатите угостителски објекти и домаќинствата.

Овие цели ќе се пресметуваат на ниво на секоја земја членка врз основа на просечното количество на генериран отпад во периодот од 2021 до 2023 година.

Со документот се предвидува и поттик за економските оператори да ја донираат непродадената храна, која е безбедна за консумирање од страна на луѓето.

Во делот на отпадот од текстил се предвидува производителите да ги покриваат трошоците за собирање, сортирање и рециклирање на отпадниот текстил, одредба што ќе почне да се применува во рок од 30 месеци од стапувањето во сила на директивата.

Оваа одредба се однесува за производителите на облека и додатоци, обувки, ќебиња, постелнина, кујнска галантерија и завеси. Земјите од ЕУ можат индивидуално да воспостават вакви правила и за производители на душеци.

Секоја година, во ЕУ се создаваат речиси 60 милиони тони отпад од храна, односно 132 килограми по лице и 12,6 милиони тони текстилен отпад, при што само од облека и обувки се генерираат 5,2 милиони тони отпад или 12 килограми по лице. Се проценува дека во целиот свет во нови производи се рециклира помалку од еден отсто од целиот текстил.

Регулативата за автомобилскиот сектор пак има за цел да го поттикне неговиот премин кон циркуларна економија преку намалување на влијанието врз животната средина поврзано со производството и третманот на возилата по престанокот на нивното користење, како и зајакнување на одржливоста на индустријата за рециклирање автомобили во Европа.

Обврските предвидени со Регулативата нема да важат за возилата за специјална намена, оние за потребите на вооружените сили, цивилната одбрана, противпожарните тимови и службите за итна медицинска помош, како и за возила од историски и посебен културен интерес.

Новите возила треба да бидат дизајнирани така што ќе овозможат лесно отстранување на што е можно повеќе нивни делови и компоненти од страна на овластени капацитети за третман, со цел нивна замена, повторна употреба и производство и рециклирање, каде што тоа е технички можно.

На текстот на Регулативата одобрена од Советот на ЕУ, европратениците усвоија амандмани со кои се предвидува шест години по нејзиното стапување во сила секое ново возило да содржи најмалку 20 отсто рециклирана пластика, во рок од години – 25 проценти. Со амандманите се воведуваат и построги правила за третирање на возилата по престанокот на нивното користење, како и за извозот на стари возила, со кои се забранува нивно извезување доколку се смета дека повеќе не се соодветни за користење.

Сега Советот ќе треба да се изјасни по новата верзија на Регулативата со амандманите усвоени од ЕП.

Според статистичките податоци, во 2023 година во ЕУ биле произведени 14,8 милиони моторни возила, а регистрирани 12,4 милиони. Активно во просек се користат 285,6 милиони моторни возила, при што секоја година околу 6,5 милиони од нив завршуваат на отпад.

Тагови: ЕП храна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Божиновска на Techmech 2026: Зелената транзиција отвора нови можности за младите инженери

Министерката за енергетика, рударство и минерални суровини, Сања Божиновска, учествуваше на Саемот за пракса и вработување TECHMECH 2026 на Машинскиот факултет.

Божиновска на Techmech 2026: Зелената транзиција отвора нови можности за младите инженери

Министерката за енергетика, рударство и минерални суровини, Сања Божиновска, учествуваше на Саемот за пракса и вработување TECHMECH 2026 на Машинскиот факултет, каде ги посети штандовите на компаниите и се запозна со можностите за пракса и вработување на младите инженери.

На панел-дискусијата посветена на зелената транзиција, Божиновска истакна дека обновливите извори на енергија, енергетската ефикасност и новите технологии се важни двигатели на индустрискиот развој и конкурентноста.

„Нашата цел не е само да произведуваме повеќе чиста енергија, туку да изградиме економија што ќе ја користи енергијата поефикасно, ќе создава поголема додадена вредност и квалитетни работни места“, нагласи министерката.

Таа ја потенцираше важноста од поврзувањето на образованието со стопанството преку практична работа, заеднички проекти и истражување, со цел младите да ги применат своите знаења и да ја градат професионалната иднина во државата.

„Младите инженери и претприемачи имаат потенцијал своите идеи да ги претворат во иновативни решенија што ќе придонесат за модернизација на индустријата и економскиот развој“, порача Божиновска.

Саемот TECHMECH 2026 овозможува директно поврзување на студентите со компаниите и отворање нови можности за професионален развој и вработување.

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Прва научна експедиција за куче- робот, ќе ја истражува планината Ајлао (ВИДЕО)

Роботското куче M20S, развиено од DEEP Robotics, со седиште во Хангжу, учествуваше во научна експедиција за зачувување на биодиверзитетот во шумите на планините Ајлао во покраината Јунан во југозападна Кина

Прва научна експедиција за куче- робот, ќе ја истражува планината Ајлао (ВИДЕО)

„Глобал тајмс“ објави дека ова е прва примена на отелотворен робот со вештачка интелигенција во вистински научни истражувања.

Експедицијата, заеднички организирана од програмата за научна документарна литература ifeng.com и Кинеската асоцијација за научни експедиции, се фокусираше на истражување на биодиверзитетот во планините Ајлао, област позната по својата богата разновидност на флора и фауна и предизвикувачки терен.

Роботот, со тркала и нозе, се користеше во густи шуми, стрмни падини и други локации до кои е тешко или небезбедно пристапот на луѓето.

„За време на мисијата, роботот вршеше извидување на рутата, биолошки набљудувања, снимање слики и транспорт на снабдување, помагајќи им на истражувачите да собираат податоци со минимално нарушување на животната средина“, се вели во соопштението на DEEP Robotics.

YouTube video

Временските услови во оваа област во југозападна Кина можат брзо да се менуваат, со чести врнежи од дожд, магла и грмотевици, заедно со остри температурни промени, поставувајќи високи барања за сигурноста и прилагодливоста на опремата кон животната средина. Според DEEP Robotics, роботското куче LYNX M20S е дизајнирано за предизвикувачки терен и сурова надворешна употреба.

Тагови: куче Робот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите среде бел ден со дрон погодија продавница: Тоа е рускиот одговор до САД (ВИДЕО)

Денеска Русија погоди продавница во регионот Одеса со млазен дрон од типот Шахид. 

Русите среде бел ден со дрон погодија продавница: Тоа е рускиот одговор до САД (ВИДЕО)

Три лица се повредени, а зградата е делумно уништена. Украинскиот претседател Володимир Зеленски го објави ова на социјалните мрежи, објавувајќи фотографии од уништувањето, пренесува украинскиот медиум УНН.

„Застрашувачки руски напад од млазен авион Шахид врз обична продавница во регионот Одеса. Русија го продолжува својот крвав терор. Продавницата е делумно уништена, а оштетени се и автомобили. Три лица се ранети. Сите служби за итни случаи се на терен и им помагаат на жртвите“, напиша Зеленски.

„Ова е одговорот на Русија на сигналите од Америка“

Украинскиот претседател особено нагласи дека е потребно западните партнери да помогнат во одбраната од вакви напади. „Станбените згради, продавниците, енергетскиот сектор и другата клучна инфраструктура се буквално под постојани напади. Немаме ниту еден час мир“, предупреди Зеленски.

Потоа директно се осврна на неодамнешниот договор меѓу американскиот претседател Доналд Трамп и рускиот претседател Владимир Путин. „Она што се случува е всушност демонстративен одговор на Русија на сигналите што ги добива од Америка. За жал, ова се опасни сигнали што укажуваат на можно понатамошно укинување на санкциите. Овие санкции ги воведе светот, Америка, Европа и нашите партнери, поради агресијата против Украина и војната што ја водат против нас. Ништо не се промени, војната не престана“, рече тој.

„Санкциите не смеат да бидат укинати“

Зеленски решително рече дека санкциите против Русија не смеат да бидат укинати под никакви околности. „Русија мора да го запре колежот што го започна сама и кој трае веќе 1.695 дена. Дополнителни пари за убивање нема да помогнат. Тука е потребна сила, а Америка е посилна од рускиот терор“, нагласи украинскиот претседател.

На фотографијата објавена од Зеленски може да се види дел од натписот на уништената зграда, а украинските локални медиуми претходно објавија дека во нападот бил погоден супермаркет од синџирот „Таврија-В.ину“.

Тагови: дрон продавница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер