ЕП усвои извештај за вештачката интелигенција: Ако Западот ја загуби трката, се менува светот - Канал 5

Технологија

ЕП усвои извештај за вештачката интелигенција: Ако Западот ја загуби трката, се менува светот

Европската унија итно треба да развие заеднички правила за вештачката интелигенција, кои ќе се фокусираат на човекот и основните вредности на Унијата, а кои ќе важат во целиот свет.

ЕП усвои извештај за вештачката интелигенција: Ако Западот ја загуби трката, се менува светот

Ова го договорија европратениците на пленарната седница на Европскиот парламент во Стразбур.

Европратениците дебатираа за Извештајот за вештачката интелигенција во дигиталната ера, во кој се бара регулаторно опкружување кое овозможува ефективно управување и заштита на основните права, а извештајот е усвоен со 495 гласа „за“, 34 „против“ и 102 воздржани.

„Со овој европски пристап можеме да поставиме светски стандарди и тука треба да бидеме поактивни. Ќе ја пропуштиме шансата ако не го преземеме водството во целиот свет. Сега ЕУ заостанува во конкуренцијата, бидејќи немаме доволно пазарна моќ и знаење“, изјави известувачот Аксел Вос.

Еврокомесарката за конкуренција Маргрете Вестагер потсети дека вештачката интелигенција е алатка во постапките на луѓето, чија употреба зависи од одлуките што ги носат.

„Вештачката интелигенција со себе носи огромни можности за економски развој и просперитет, но нејзината употреба носи со себе и одредени опасности и може да ги загрози самите темели на нашите општества и демократијата“, рече Вестагер.

Вестагер додаде дека намерата е да се зголемат јавните и приватните инвестиции на вкупно 20 милијарди евра годишно во текот на следната деценија, потсетувајќи дека во моментов ширум Европа се инвестираат „приближно 14 милијарди евра“ во вештачката интелигенција.

Пратеничката Ева Мејдел изјави дека во иднина со светот ќе владеат оние кои владеат со вештачката интелигенција.

„Ако Западот ја изгуби оваа трка во социјалните, економските и другите придобивки од вештачката интелигенција, ќе има промена во светскиот поредок... Не можеме да дозволиме авторитарни држави како Русија и Кина да не победат во оваа технолошка трка“ , изјави таа.

Алекс Агиус Алиба, малтешки социјалистички пратеник, потсети дека не смеат да се занемарат етичките и правните тешкотии поврзани со работните места и правата на работниците.

„Дигиталните средства и дигиталните компании го контролираат и начинот на кој работат вработените. Затоа е од клучно значење да се внимава дали вештачката интелигенција се користи на начин кој ги почитува човековите права и е насочен кон човекот“, рече Агиус Алиба.

Ким ван Спарентак, холандскиот претставник на Зелените, потсети дека е неопходно да се заштити безбедноста и менталното здравје на работниците на оние работни места каде се користи вештачка интелигенција.

„Доставувачите ги следат разни апликации и се забележува дали се задоволни и уморни по пат, не само дали го доставиле пакетот. Работниците во центрите за повици се оценуваат според тоа колку весело звучат“, рече Ван Спарентак, додавајќи дека вештачката интелигенција не е „магично решение“ за ефикасноста.

Жил Лебретон, француски пратеник од екстремната десница, предупреди дека вештачката интелигенција не е без опасност и дека во рацете на авторитарните режими може да доведе до многу проблеми, како што е можноста за негирање на плурализмот.

„Не смееме да користиме вештачка интелигенција за да ја спречиме слободата на говорот. „Посебно да не се спречи слободата на политичкиот говор“, рече Лебретон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Скопје безбедна за пиење

Неделен лабораториски извештај за квалитетот и безбедноста на водата за пиење.

Водата во Скопје безбедна за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 29.06.2026 до 03.07.2026 зема 187 примероци за физичко-хемиска и 187 примероци за микробиолошка анализа на вода за пиење од 41 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Големи пожари беснеат во јужна Европа – во Франција евакуирани 10 илјади луѓе

Шумските пожари продолжуваат да беснеат низ јужна Европа, принудувајќи илјадници жители да ги напуштат своите домови, додека високите температури и силниот ветер дополнително ја влошуваат состојбата.

Големи пожари беснеат во јужна Европа – во Франција евакуирани 10 илјади луѓе

Најкритично е во југозападниот дел на Франција, во близина на Перпињан, каде што се евакуирани повеќе од 10.000 жители. Повеќе од 700 пожарникари, со поддршка од специјализирани авиони, се борат со огнената стихија, што досега зафати околу пет илјади хектари.

Поради опасноста, француските власти донесоа одлука третата етапа од велосипедската трка тур де франс низ пиринеите да се одржи без присуство на публика. Пожари се активни и во Португалија, Шпанија и Грција. Токсичниот облак предизвикан од пожарот во Орео-Кастро кај Солун со помош на ветерот се прошири на југ кон Атика и стигна дури до Пелопонез поради променливите ветрови.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: Мицкоски не се откажува од изборен грабеж, гласањето по пошта е само новиот обид за манипулација

​Мицкоски и ВМРО немаат намера да се откажат од обидите за манипулација и злоупотреби со над 200.000 гласови од дијаспората.

Кузеска: Мицкоски не се откажува од изборен грабеж, гласањето по пошта е само новиот обид за манипулација

Откако сфати дека не може да го протнешверцерскиот начин за електронско гласање на дијаспората без никака контрола, сега се обидува со некакво гласање по пошта.

И повторно без никаква контрола и гаранција за почитување на слободната волја на граѓаните - нов модел и можност за изборни манипулации и нерегуларности.

Не му е важна на Мицкоски реформската агенда - тоа му е само изговор. Важен му е само изборниот грабеж.

Позициите на СДСМ за Изборниот законик не се радикалистички како што сака Мицкоски да ги прикаже. Радикалистички е начинот на кој тој сака да го спроведе изборениот грабеж.

СДСМ не е против дијаспората да гласа, дијаспората гласа и сега. Тоа е лага на ВМРО.

Но, сме против начин на гласање кој не обезбедува сигурност, транспарентност и заштита на изборната волја.

Предлогот електронското гласање да се замени со гласање по пошта, без Државната изборна комисија да има можност со консензус да ги утврдува правилата и механизмите на контрола, не ја подобрува демократијата во изборниот процес.

Тоа создава нови ризици за нерегуларности, злоупотреби и изборни манипулации.

Опасно и загрижувачки е тоа што ВМРО категорично одбива ДИК, со консензус, да ги регулира процедурите за гласањето на дијаспората.

Од што се плаши власта?

Ако навистина нивната цел е фер и демократски изборен процес, тогаш зошто бегаат од механизам што обезбедува контрола, доверба и согласност меѓу сите политички чинители?

Но, вистината е дека нивната цел не е подобар изборен процес, туку отворање простор за изборен инженеринг и манипулација.

СДСМ нема да дозволи изборен грабеж, ние имаме обврска да го заштитиме гласањето и овие игри на ВМРО не ги прифаќаме.

Власта треба да се откаже од овие намери, да се повлече и да се достави предлог ДИК со консенсуз да може да го регулира гласањето на дијаспората.

YouTube video

Прес конференција на СДСМ, Богданка Кузеска - портпаролка и членка на ИО на СДСМ

Тагови: Богданка Кузеска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер