ЕП предлага нови мерки за побезбедни онлајн услуги за малолетниците - Канал 5

Свет

ЕП предлага нови мерки за побезбедни онлајн услуги за малолетниците

Комитетот за внатрешен пазар и заштита на потрошувачите на Европскиот парламент денеска со 32 гласа „за“, пет „против“ и девет „воздржани“ усвои Извештај со кои се прилагаат мерки за овозможување побезбедни онлајн услуги за малолетниците.

ЕП предлага нови мерки за побезбедни онлајн услуги за малолетниците

- Дигиталните услуги треба да се спроведуваат брзо и да се забранат штетни практики, како што се дизајни што предизвикува зависност и функции слични на коцкање во игрите, со цел да се заштитат малолетниците, се наведува во Извештајот.

Во документот европратениците „изразуваат загриженост поради неуспехот на главните онлајн платформи“ соодветно да ги заштитат малолетниците и предупредуваат на ризиците поврзани со зависноста, менталното здравје и изложеноста на младите на илегални и штетни содржини.

Пратениците предлагаат минимална возраст од 16 години за можност за пристап до социјалните медиуми, платформите за споделување видеа и програмите со вештачка интелигенција, освен ако не се добие одобрување за тоа од родител или старател, како и минимална возраст од 13 години за пристап до кој било социјален медиум.

Во текстот се поддржуваат напорите за развој на системи за проверка на возраста, при што се нагласува потребата за воспоставување на механизми за заштита на приватноста и почитување на правата на децата.

Со Извештајот се повикува Европската комисијата целосно да ги искористи механизмите предвидени со Законот за дигитални услуги на ЕУ (ДСА), вклучително и со изрекување казни или забрана на веб страници или апликации што ги загрозуваат малолетниците.

Европратениците бараат воведување лична одговорност за вишиот менаџмент на онлајн платформите во случаи на сериозни и постојани прекршувања на одредбите за заштита на малолетниците, забрана на алгоритмите за препораки насочени кон малолетни лица и оневозможување на пристап на малолетници до игри со елементи на коцкање.

Исто така, се предлага и забрана за давање финансиски или материјални стимулации на децата, како и надминување на „етичките и правните предизвици“ што произлегуваат од апликациите управувани од вештачка интелигенција што овозможуваат генерирање на манипулирани слики од поединци без нивна согласност.

Со Извештајот се предлага и во рамките на идниот Закон за дигитална праведност да се регулираат и прашањата со онлајн емитување и автоматско пуштање реклами, со функционирањето на т.н. дизајни што предизвикуваат зависност, како и справување со штетните практики за поттикнување на малолетниците подолго време да минуваат онлајн и да трошат средства.

Според известувачката по Извештајот, данската европратеничка Кристел Шалдемозе, документот јасно ја наведува потребата од зголемена онлајн заштита на малолетниците во два аспекта.

- Прво, ни треба повисока граница за пристап до социјалните медиуми, поради што предлагаме минимална возраст од 16 години во цела ЕУ и второ, ни требаат посилни заштитни мерки за малолетниците кои користат онлајн услуги, рече Шалдемозе.

Таа истакна дека Извештајот повикува на овозможување задолжителна безбедност и на забрана на најштетните механизми за привлекување на малолетници.

- Горда сум што Парламентот го презема овој прогресивен чекор за да го зголеми нивото на заштита на малолетниците, додаде данската европратеничка.

Европратениците би требало дебатираат по Извештајот и да гласаат за негово усвојување на пленарната седница предвидена за од 24 до 27 ноември.

Тагови: ЕП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес променливо облачно со повремени локални врнежи

Времето денес ќе биде променливо облачно со повремени локални врнежи од дожд. 

Денес променливо облачно со повремени локални врнежи

Претпладне по одделни котлини ќе има услови за појава на магла. Ќе дува слаб до умерен, наместа долж Повардарието повремено засилен ветер од северен правец (над 50 km/h). Минималната температура ќе биде во интервал од 5 до 11, а максималната ќе достигне од 14 до 20 степени.

Во Скопје, променливо облачно, претпладне ќе има услови за појава на магла. Ќе дува слаб до умерен ветер од северен правец. Минималната температура ќе се спушти до 10, а максималната ќе достигне до 16 степени.

Од вторник ќе преовладува променливо облачно и претежно стабилно време. Ќе дува слаб до умерен, а во понеделник и во вторник наместа долж Повардарието повремено засилен северен ветер. Во петок и за време на викендот ќе има услови за врнежи од дожд.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ си оди: Студентската листа освои апсолутно мнозинство и самата ќе може да ја формира новата српска влада

Поразот синоќа го призна и самиот Вучиќ, кој за тоа ги обвини европските земји и како што рече, длабоката американска држава.

Вучиќ си оди: Студентската листа освои апсолутно мнозинство и самата ќе може да ја формира новата српска влада

Студентската изборна листа „Студентите победуваат“ синоќа прогласи победа на предвремените парламентарни избори во Србија, откако првите процени на ЦЕСИД и ИПСОС покажаа дека освоила околу 52 проценти од гласовите и дека би можела да обезбеди самостојно мнозинство во народното собрание.

Според проекциите, студентската листа би освоила приближно 138 пратенички мандати, додека листата на александар Вучиќ околу 104. За парламентарно мнозинство во Србија се потребни најмалку 126 од вкупно 250 пратеници.

Поразот синоќа го призна и самиот Вучиќ, кој за тоа ги обвини европските земји и како што рече, длабоката американска држава.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 26. октомври 2026 година

Дневен хороскоп за понеделник, 26. октомври 2026 година. 

Дневен хороскоп за 26. октомври 2026 година

Шкорпија 24.10-22.11.

Љубов

Ќе покажете слабост кон пријателите , поради кои ќе потрошите некој денар повеќе. Нека не ви биде жал , па дури и ако ви приговори партнерот.

Кариера

Изгледа како сега се да ви е целосно јасно. Веќе нема никакви двоумења околу нешто што долго време сте го истражувале.

Здравје и совет

Почитувајте ги другите.

Стрелец 23.11.-21.12.

Љубов

Денеска ќе бидете расположени за ги минувате заедничките моменти со партнерот во топлината на домот. Само малкумина ќер излезат , но набргу ќе се вратат дома.

Кариера

На дневен ред ќе ви дојдат мал број заостанати работи. Се чини како лесна задача, но сепак ќе мора да одвоите дел од денот за да ја одработите.

Здравје и совет

Бидете поодговорни.

Јарец 22.12.-20.1.

Љубов

Ќе чувствувате како овој ден е добар за забави , а се знае што оди со тоа. Многу лица од спротивнуиот пол.

Кариера

Ќе се трудите да воведете новини или млади лица во работата . Во целиот тој процес ќе се покаже дека сте духовити.

Здравје и совет

Бидете она што сте.

Водолија 21.1.-19.2.

Љубов

Ќе се досетите како да ја надминете дистанцата во односот со саканата личност . Најверојатно ќе се нафрлите заедно на некоја работа.

Кариера

Денеска ќе бидете ангажирани со деловна кореспонденција , во која ќе бидете духовити и многу љубезни.

Здравје и совет

Искажете го она што другите ги интересира.

Риби 20.2.- 20.3.

Љубов

Денот е идеален за опуштена дружба со кафе. Одете и подружете се со пријатни луѓе или со саканата личност.

Кариера

Деловно патување или мала посета би можекла да резултира со оригинален план. Не се сомневајте во сопствените идеи , одлични се.

Здравје и совет

Изразете се.

Овен 21.3-20.4.

Љубов

Ќе имате убави идеи и позитивен став , со што ќе придонесете кон подобрување на односите меѓу вас и партнерот.

Кариера

Искористете ги погодностите што ви се нудат и покажњете што знаете. Немојте да бидете пасивни.

Здравје и совет

Нема другите ништо да одработат наместо вас.

Бик 21.4- 20.5.

Љубов

Тешко денеска ќе се ставите во положба на другата страна. Ќе се чувствувате фрустрирано , зашто ќе недостига разбирање.

Кариера

Секој ваш потег се мери исто како и на другите на работното место. Затоа немојте да мислите дека можете нешто да скриете.

Здравје и совет

Поработете на својот карактер.

Близнаци 21.5.-21.6.

Љубов

Најдобро ќе биде доколку денеска се смирите и се повлечете на осамено место , подалеку од љубовните акции.

Кариера

Вашите деловни предлози можеби нема да наидат на одобрување, но тоа не значи дека не можете да ги зачувате и да ги понудите во вистинско време.

Здравје и совет

Бидете нежни.

Рак 22.6-22.7.

Љубов

Заедно со саканата личност денеска ќе ги поместувате сите граници. Толеранцијата и почитувањето ќе бидат на задоволително ниво.

Кариера

Веројатни се деловни контакти со партнери од странство. Добро ќе се снајдете во деловните предлози.

Здравје и совет

Покажете се.

Лав 23.7-22.8.

Љубов

Иако вербално нема да знаете да ги искажете сопствените чувства , партнерот ќе ве разбере. Ќе чита меѓу редови. Уште еден убав ден.

Кариера

Нервозата што ви се јавува когга ќе помислите на работата и соработниците , потекнува од вашето минато. Сега нема причина за нервоза.

Здравје и совет

Верувајте во себе.

Девица 23.8.-23.9.

Љубов

Дека љубовта е во малите работи и секаде околу вас , ќе се уверите денеска. Не е потребна никаква сензација.

Кариера

На работа ќе се чувствувате како да скитате низ магливо утро. Држете се за сигурна потпора , а тоа се колегите околу вас.

Здравје и совет

Кашлица или вироза.

Вага 24.9.-23.10

Љубов

Некои ќе се впуштат во флерт на работното место. Ќе им биде забавно , но не и сосема јасно што всушност работат и очекуваат.

Кариера

Вашите надредени денеска ќе ве збунуваат , зашто ќе се покаже дека не знаат што сакаат. Држете се до проверените методи.

Здравје и совет

Постојано нешто очекувате. Опуштете се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер