Енормно високо ниво на опасни хемикалии се откриени во житарки, брашно и леб низ Европа - Канал 5

Европа

Енормно високо ниво на опасни хемикалии се откриени во житарки, брашно и леб низ Европа

Високи нивоа на таканаречени трајни хемикалии, кои не можат да се разградат во природата, се пронајдени во житни производи во многу европски земји, покажа нова студија.

Енормно високо ниво на опасни хемикалии се откриени во житарки, брашно и леб низ Европа

Според истражувањето на Европската мрежа за акција против пестициди (PAN), овие производи содржеле 100 пати повисоки концентрации на трајни хемикалии (PFAS) отколку во водата од чешма, објави Гардијан.

Највисоките нивоа се забележани во житарките за појадок, а студијата покажа дека трифлуорооцетната киселина (TFA) се формира кога пестицидите што содржат PFAS продираат низ почвата во житарките што се користат за производство на тестенини, леб, слатки и други производи од брашно.

На трајните хемикалии им се потребни стотици, па дури и илјадници години за да се разградат, што значи дека ако влезат во вода или почва, можат да останат таму со векови.

Овие супстанции се штетни за здравјето на луѓето, а новите студии сугерираат дека овие хемикалии може да бидат поврзани со рак, како и потенцијално да ги оштетат репродуктивните функции, развојот на фетусот и да имаат негативни ефекти врз тироидната жлезда, црниот дроб и имунитетот.

Активистите ги повикаа владите да постават многу порестриктивни нивоа за овие супстанции, како и да ги забранат PFAS пестицидите. Студијата анализирала 65 производи од житни култури во 16 европски земји, а присуството на TFA киселини е откриено во 81,5 проценти од тестираните примероци.

Највисоки нивоа се пронајдени во ирските житарки за појадок, проследени со белгискиот и германскиот леб од цело зрно, како и во француските багети, но и во производи како што се шпагети и чизкејкови.

- Сите луѓе се изложени на TFA супстанции преку храната и водата за пиење, а нашите наоди укажуваат на итна потреба од итна забрана на PFAS пестицидите за да се спречи понатамошното загадување на синџирот на исхрана - изјави функционерката на PAN, Саломе Роанел.

Тагови: брашно хемикалии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер