Енергетски компании ја тужат ЕУ поради обврската за изградба складишта за јаглерод диоксид до 2030 - Канал 5

Живот

Енергетски компании ја тужат ЕУ поради обврската за изградба складишта за јаглерод диоксид до 2030

Најмалку 15 нафтени и гасни компании поднесоа тужби против Регулативата на Европската Унија за складирање на јаглерод, со барање за продолжување на рокот од 2030 година до кога треба да изградат складишта за најмалку 50 милиони тони јаглерод.

Енергетски компании ја тужат ЕУ поради обврската за изградба складишта за јаглерод диоксид до 2030

Најмалку 15 нафтени и гасни компании поднесоа тужби против Регулативата на Европската Унија за складирање на јаглерод, со барање за продолжување на рокот од 2030 година до кога треба да изградат складишта за најмалку 50 милиони тони јаглерод диоксид годишно.

Компаниите тврдат дека е невозможно да се исполни поставениот рок за изградба на складиштата до 31 декември 2030 година, со оглед на технолошките и логистичките пречки со кои се соочуваат во исполнувањето на строгите барања за складирање на јаглеродот.

Според нив, барањето за изградба на овие складишта потенцијално ќе доведе до значителен финансиски и оперативен притисок врз секторот за нафта и гас.

Компанијата „ЕксонМобајл“ во својата тужба оценува дека постигнувањето на поставената цел е „невозможно“, а „Орлен“ бара измена на Регулативата и поставување на „реален“ рок за изградба на складиштата. „Шел“, пак, наведува дека поддржува воспоставување на складиштата во предвидениот обем, но смета дека компаниите треба да добијат подолг рок за нивна изградба.

Компаниите се согласни дека со идејата за складирање на јаглерод диоксидот, Регулативата на ЕУ само создава „регулаторна стапица“. Според нив, Регулативата целиот товар за складирање на јаглеродот го префрла на нафтените и гасните компании, додека такви барање нема за останатите фирми.

Европската Унија, од своја страна, смета дека оваа Регулатива го намалува ризикот од складирање на индустрискиот јаглерод во целиот синџир на снабдување, вклучително и во секторите за производство на цемент, челик и хемикалии.

Европската комисија ја усвои Регулативата за складирање на јаглерод диоксид во мај годинава врз основа на Стратегијата на ЕУ за управување со индустриски јаглерод и Договорот за чиста индустрија.

Според Комисијата, оваа Регулатива ќе го забрзаат развојот на решенија за управување со индустриски јаглерод и ќе игра клучна улога во декарбонизацијата на индустријата низ цела Европа.

Регулативата предвидува јаглеродните складишта и транспортната инфраструктура до нив да добијат статус на „стратешки проекти“ за нулто ниво на емисии на јаглерод диоксид.

Во Анекс на Регулативата се наведени 44 компании од кои Комисијата бара „да придонесат“ во постигнувањето на целта на ЕУ за складирање на јаглеродот, согласно нивниот удел во производството на сурова нафта и природен гас во Унијата во приодот од 2020 до 2023 година.

Тагови: гас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 16 возачи за „безобѕирно управување возило“, девет возеле без положен возачки испит

Во текот на изминатото деноноќие на целата територија на државата, полициските службеници лишија од слобода 16 возачи поради „безобѕирно управување возило“.

Лишени од слобода 16 возачи за „безобѕирно управување возило“, девет возеле без положен возачки испит

Од нив, девет управувале возило без положен возачки испит, од кои четворица во Скопје, и по еден во Прилеп, Гевгелија, Богданци, Велес и Боговиње. Под дејство на алкохол возеле по едно лице во Битола, Македонска Каменица, Кичево и Кавадарци, а по еден возач во Македонски Брод и Велес управувале возило под мерка забрана за управување со моторно возило. Од слобода е лишен и државјанин на Шведска, кој на автопатот А- 1 возел со двојно поголема брзина од дозволената. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Путин нема да нападне територија на НАТО

Американскиот претседател Доналд Трамп изјави дека е сигурен дека Русија нема да ги нападне американските сојузници од НАТО.

Трамп: Путин нема да нападне територија на НАТО

Прашан дали рускиот претседател Владимир путин се согласил или се обврзал да се воздржи од таква офанзива, Трамп одговори: „Имав добри разговори со него. Тој нема да напаѓа територија на НАТО“. „Вол Стрит Џурнал“ и „Политико“ претходно објавија, повикувајќи се на неименувани извори, дека директорот на ЦИА, Џон ретклиф, за време на тајната посета на Москва пред три дена ја предупредил Русија да не напаѓа членки на НАТО. Трамп одби да ги коментира медиумските извештаи во врска со целта на патувањето на Ретклиф. Од друга страна, Кремљ извештаите за можни руски подготовки за напад врз НАТО ги нарече „хорор приказни“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Србија потврди: Ратко Младиќ ќе биде погребан со највисоки државни почести

Поранешниот командант на босанските Срби, Ратко младиќ ќе биде погребан со највисоки државни почести, потврди српскиот министер за правда Ненад Вујиќ за медиумите.

Србија потврди: Ратко Младиќ ќе биде погребан со највисоки државни почести

„Неговата улога е позната, но она што му припаѓа на генералот Младиќ сигурно ќе биде почитувано. Би сакал да истакнам дека Република српска не е таа што одлучува тука, семејството ќе одлучи и за местото каде што ќе биде погребан бидејќи тоа е прашање на неговото семејство“, изјави Вујиќ за АТВ. Младиќ кој почина вчера во затворот во Хаг на 85-годишна возраст, беше осуден на доживотен затвор за геноцидот во Сребреница, злосторства против човештвото и воени злосторства извршени за време на војната во Босна и Херцеговина.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер