Енергетската иднина е во добивање енергија од вода - Канал 5

Технологија

Енергетската иднина е во добивање енергија од вода

Енергетската иднина е во добивање енергија од вода. Златен фонд за обновлива енергија на планетата е водородот!

Енергетската иднина е во добивање енергија од вода

Македонската компанија Металотехника Прилеп разви специјална технологија за добивање енергија од вода!

Енергијата добиена од вода, со раздвојување на водород и кислород по посебна технологија може да се искористи во секојдневието и индустријата од мали, до средни и големи проекти, тоа да биде ефтин и неисцрпен ресурс и притоа да не се загадува животната средина, сметаат од Металотехника Прилеп.

Енерегетската иднина на Македонија е во искористувањето на обновливите извори на енергија добиени од ветар, сонце, биомаси и вода. Потреба што особено се наметнува во услови на зголемена потрошувачка на енергија, на константно зголемување на цената на енергетските ресурси, посебно на цената на суровата нафта, и особено важно поради константното загадување на животната средина која е неповратен ресурс.

Станува збор за извори на т.н зелена енергија кои се добиваат со релативно ниска цена, не ја загадуваат околината, нема потреба од увоз и се високо ефективен извор. Ветерниците, хидро централите, како и енергија од биомаси се познати на македонската јавноста, но она што е новитет во светот, што во некои високо развиени земји е хит, е добивање на енергија од вода, односно со нејзиното раздвојување на водород и кислород. А токму македонската компанија Металотехника Прилеп која оваа година слави 34 години од своето постоење, има создадено специјална технологија за раздвојување на водород и кислород, која може да се искористи на различни нивоа во секојдневието како и во индустријата од мали, до средни и големи проекти.

“Водата е материја во која најмногу се крие топлина, само е прашање на начинот и цената за одвојување на таа топлина. Водата гори, но за да даде топлина претходно треба да ги одвоиме водородот од кислородот. Благодарение на нашите повеќегодишни истражувања, како и анализа светските трендови за добивање енергија од обновливи извори, создадовме специјална технологија со која може да произведуваме ефтина, сигурна а еколошка енергија, која при нејзино добивање ќе емитува 40 пати помалку штетни гасови од дозволените. А резервите и ресурсите на вода во Македонија се огромни, и не треба да стравуваме дека овој ресурс ќе биде во недостиг во иднина”, смета Јандре Здравески Директор и еден од сопствениците на Металотехника Прилеп.

Со овој проект ние сакаме да изградиме мини термоцентрала до 1 Мегават јачина, а со тоа би добиле ефтина и чиста обновлива енергија, а би користеле водород кој нема потреба од складирање или дистрибуција на истиот, бидејќи се произведува на лице место според потребите на капацитетот на мини термоцентралата, односно обезбедува 100% автономност. Прашање е дали Државата е спремна, овој вид на енергија кој во светот е на далеку познат да го уврсти во обновливи видови на енергија и во нашата земја, додава Здравески.

Македонија има обврска, 20% од вкупното производсто на електрична енергија да ја добива од обновливи извори на енергија, што е просек и на дел од земјите членки на ЕУ, како Бугарија и Естонија, а што е предвидено и според ЕУ регулативите. Исто така и генералната светска политика ја задолжува секоја држава во наредните години до 2025 година да обезбеди од сопствени извори чиста енергија, односно енергија од обновливи извори, и да има своја енергетска стратегија. Македонија е планинска земја богата со вода, со предуслови за енергија која ќе се добива од вода. Во земјава најзастапени се хидропотенцијалот, ветерната енергија, сончевата енергија, и во сосем мали количини енергија добиена од био маса и био гас. Додека енергијата добиена од геотермални води, како и производство на енергија од водород е нешто што постои само во теоријата. А токму енергијата добиена од вода може да биде најефтината

Што би добиле: подобрување на енергетскиот баланс, помала увозна зависност на земјава, помал буџетски и трговски дефицит, на долг рок постабилни извори на енергија и секако намалена цена на електричната енергија, што ќе влијае позитивно на конкурентноста на домашните индустриски капацитети, кои и се најголеми потрошувачи на електрична енергија, и кои поголемиот дел од нив ја добиваат по субвенционирана цена, смета Здравески.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Kia PV5 е најпродаваното електрично комбе во Европа

Според најновите податоци на ACEA, Kia PV5 стана најпродаваното електрично комбе во Европа. 

Kia PV5 е најпродаваното електрично комбе во Европа

Продажбата на електрични лесни комерцијални возила во Европа порасна за 37,5% на годишно ниво, достигнувајќи пазарен удел од 13,9%.

Продадени над 13.000 возила Во првите шест месеци од годината беа продадени 13.116 примероци од моделот PV5, со што тој освои 37% од пазарот на електрични комбиња во конкурентниот Ц-сегмент.

PV5 го зазеде првото место во 12 европски земји, вклучувајќи ги Германија и Обединетото Кралство, додека во Данска, Холандија, Норвешка и Шведска беше најпродаваниот модел во категоријата комбиња, без оглед на видот на погонот.

„Реакцијата на купувачите на лансирањето на PV5 во Европа е исклучителна“, изјави Сјурд Книпинг, главен оперативен директор на Kia Europe, истакнувајќи дека стратегијата на Kia за PBV (возила наменети за специфични деловни потреби) опфаќа целосно интегриран екосистем од софтвер, услуги и флексибилни опции за сопственост.

PV5 е развиен врз основа на платформата E-GMP на Kia, со акцент на практичноста: мал радиус на вртење, ниска висина за товарење и модуларна каросерија што го олеснува сервисирањето. Моделот освои повеќе од 50% од пазарниот удел во пет земји, вклучувајќи ги Данска (63%) и Ирска (62%). Возилото освои бројни награди, меѓу кои и титулата „Меѓународно комбе на годината 2026“, додека патничката верзија беше прогласена за „Семеен автомобил на годината“ на доделувањето на наградите на BBC TopGear.com. Моделот PV5 Cargo исто така постави Гинисов светски рекорд, поминувајќи 693,38 км со едно полнење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Одбиено барањето за алиментација на поранешната свршеница на НБА ѕвездата Лука Дончиќ

Барањето за алиментација, поднесено од Анамарија Голтес против НБА ѕвездата  од Словенија, Лука Дончиќ, е официјално отфрлено , а завршницата на постапката е одбележана со вжештена расправа меѓу адвокатите, пренесува „Њујорк пост“. 

Одбиено барањето за алиментација на поранешната свршеница на НБА ѕвездата Лука Дончиќ

Адвокатите на НБА-ѕвездата и на неговата поранешна свршеница учествуваа на рочиште во округот Лос Анџелес преку видео-повик.

Адвокатката на Дончиќ, Лора Васер, веднаш упати критики кон застапникот на Анамарија Голтес, Еван К. Ицковиц.

Кога судијката Мелиса К. Лајонс ја праша Васер за предлогот за отфрлање на случајот, адвокатката одговори дека Голтес и Ицковиц непотребно го трошеле времето на судот и на нејзиниот клиент со покренувањето на постапката.

„Сметам дека тоа е наведено и во нашите поднесоци, Ваша чест – оваа постапка воопшто не требаше ни да биде покрената“, изјави Васер, реномирана адвокатка за разводи, позната како „Кралица на разводите“. „Сепак, верувам дека г-дин Ицковиц сега ќе Ви каже оти побарал повлекување на целото барање, така што нема ни да морате да одлучувате по нашиот предлог за отфрлање. Нели е така, г-дине Ицковиц?“

Ицковиц ја потврди нејзината изјава и му објасни на судот дека тој побарал повлекување на тужбата уште на 3 август.

„Всушност, веќе го поднесовме барањето, но тоа беше одбиено бидејќи недостасуваше потписот на г-дин Дончиќ – иако тој не е задолжителен. Повторно го поднесовме по препорака на судски службеник“, изјави тој.

Судијата Лајонс набрзо го одобри барањето за отфрлање на тужбата без прејудицирање, што значи дека постапката би можела повторно да се покрене во иднина. Васер и Ицковиц му се заблагодарија на судот и го завршија видео-повикот.

Со ова сослушување заврши правниот спор во Калифорнија што започна на 9 март, кога Анамарија официјално побара издршка за детето од Дончиќ.

Таа тужба го принуди шесткратниот учесник на НБА Ол-стар натпреварот јавно да го потврди крајот на врската со словенечката манекенка и инфлуенсерка.

Неколку недели подоцна, Дончиќ ја ангажираше адвокатката Васер. Таа веднаш поднесе барање за отфрлање на случајот, тврдејќи дека тужбата во Калифорнија претставува „очигледен обид за избор на најповолна јурисдикција со цел да се искористат исклучително високите износи за издршка на деца по кои е позната таа сојузна држава“.

Во своето барање за повлекување на тужбата од 3 август, Голтес наведе дека сака спорот со Дончиќ да го реши „пријателски и преку меѓусебен договор што е во најдобар интерес на нивните деца“.

Според медиумските извештаи, Голтес во меѓувреме побарала спогодба од 50 милиони долари од Дончиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Големо откритие во Босна и Херцеговина: Пронајден нов вид на човечка рипка

Новите истражувања покажаа дека човечката рипка  не е еден вид, туку дека постојат девет вида. Меѓу нив е и босанската човечка риба од Краина.

Големо откритие во Босна и Херцеговина: Пронајден нов вид на човечка рипка

Човечката рипка , еден од најпознатите жители на подземните води на Динарскиот карст, со децении се сметаше за единствен вид.

Сепак, новите меѓународни истражувања покажауваат дека зад тековното име *Proteus anguinus* всушност се кријат дури девет различни видови.

Три од нив се сосема нови за науката, а меѓу нив е и босанската човечка рипка (*Proteus bosniensis*), чие издвојување како посебен вид е од особено значење за Босна и Херцеговина.

Во истражувањето, објавено во списанието *Amphibia-Reptilia*, учествувале и босанските биолози Емина Шуње од Природно-математичкиот факултет при Универзитетот во Сараево и Аднан Зимиќ од Националниот музеј на Босна и Херцеговина.

*Proteus bosniensis* е поврзан со подземните водни системи на Краина, особено со областа под планината Грмеч во Босна и Херцеговина.

Како и другите единки од видот „човечка рипка“, тој го поминува поголемиот дел од својот живот во целосна темнина на подземните води. Поради тоа, многу е тешко да се истражи неговата распространетост и прецизно да се утврди големината на популацијата.

Важно е да се напомене дека тоа не значи оти животното е тукушто откриено.

„Човечката рипка“ во областа на Краина е позната со децении, но дури современите истражувања потврдиле дека таа претставува посебен вид – *Proteus bosniensis*.

Покрај босанската „човечка рипка“, на територијата на Босна и Херцеговина живее уште еден вид, *Proteus carrarae*, кој е поврзан со подземните води на херцеговскиот карст.

„Човечките рипки“ се многу слични меѓу себе. Имаат издолжено тело, закржлавени очи и бледа кожа, а животот во целосна темнина го обликувал нивниот изглед.

Поради големата сличност, било речиси невозможно да се утврди колку различни еволутивни линии се кријат зад името *Proteus anguinus* врз основа само на надворешните карактеристики.

Современите генетски и морфолошки анализи покажаа дека некои од овие лози еволуирале независно во текот на милиони години. Иако по изглед се речиси идентични, тие претставуваат различни видови.

Според тоа, *Proteus bosniensis* е пример за таканаречената криптична разновидност – појава при која различни видови изгледаат толку слично, што нивните разлики долго време остануваат незабележани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер