Енди Мареј ја заврши соработката со Иван Лендл - Канал 5

Тенис

Енди Мареј ја заврши соработката со Иван Лендл

Олимпискиот шампион Енди Мареј по само две години ја заврши успешната соработка со тренерот Иван Лендл.

Енди Мареј ја заврши соработката со Иван Лендл
Мареј за време на двегодишната соработка со легендарниот Лендл ги освои први две Грен слем и стана првиот Британец кој ја освои титулата на Вимблдон по 77 години.

Шкотскиот тенисер покрај Вимбодон го освои и Грен слемот во Њујорк , Мареј и Лендл заедно стигнаа и до златниот медал на Олимписките игри во Лондон .

„Вечно ќе му бидам благодарен на Иван за целиот труд во претходните две години кои беа најуспешните во мојата кариера“, изјави Мареј.
Шестиот тенисер на АТП листата по повредата на грбот која го одвои од теренот неколку месеци полека се враќа во посакуваниот ритам. Во 2014 најдобриот резултат го забележа на турнирот во Акапулко каде стигна до полуфиналето.

Инаку само пофални зборови за соработката со Мареј има и легендарниот Лендл.

-Работата со Енди во изминатите две години беше фантастично искуство за мене. Тој е одличен човек и тенисер. Му помогнав да ги освои најважните титули во кариерата, мислам дека сега е време да им се посветам на сопствените проекти и да играм на повеќе натпревари на секаде низ светот во што навистина уживам. Секогаш ќе бидам во аголот на Енди , му посакувам многу успеси во новата фаза од неговата кариера, истакна Иван Лендл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Фото: Македонија обоена во зелено по повод Европскиот ден за донирање органи

.

Фото: Македонија обоена во зелено по повод Европскиот ден за донирање органи

По повод Европскиот ден на донирањето органи, ткива и клетки 2026, вечер, како и синоќа, повеќе објекти во државата ќе бидат осветлени во зелена боја, како симбол на надеж, солидарност и нов живот.

За таа цел речиси сите општини во повеќе градови низ Македонија и институции се приклучија кон иницијативата.

Министерството за здравство се заблагодарува за оваа симболична порака со која се дава поддршка за органодарителството и трансплантацијата. Светлината ја пренесува пораката дека хуманоста може да спаси животи.

Секој донор е надеж. Секое „да“ е нов живот.

Да ја шириме свесноста, да поттикнуваме хуманост и да даваме надеж за нов живот!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ураган од четврта категорија се движи кон брегот на Мексико

Моќниот ураган „Симон“ од четврта категорија се движи кон мексиканскиот брег со голема брзина.

Ураган од четврта категорија се движи кон брегот на Мексико

Националниот центар за урагани во Мајами утрово објави дека брзината на ветерот достигнала 225 километри на час.

Симон би можел да донесе помеѓу 25 и 50 сантиметри дожд во делови од југозападно Мексико, а на некои места и до 76 сантиметри, се вели во соопштението на центарот.

Жителите се повикуваат да се подготват.

Метеоролозите предупредија на поплави и свлечишта што претставуваат опасност по животот.

Државата халиско објави дека нема да има настава за понеделник и започна евакуација на десетици луѓе од загрозените подрачја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напади врз Запорожје загинаа осум лица, меѓу кои три деца

Најмалку осум лица, меѓу кои и три деца, загинаа, а 16 се повредени во руските воздушни напади што беа извршени рано утринава врз градот Запорожје, на југоистокот на Украина, соопштија украинските власти. Во нападите уште 12 лица се водат како исчез

Во руски напади врз Запорожје загинаа осум лица, меѓу кои три деца

Ова го потврди Иван Федоров, копретседавач на советот за одбрана на запорошкиот регион, откако претходните податоци на националната полиција и на регионалната воена управа укажуваа на седум жртви во овој регионален центар, што се наоѓа на само неколку десетици километри од линијата на фронтот.

„Рано утринава руските сили фрлија пет наведувани воздушни бомби врз станбените населби во регионалниот центар запорожје. Две од нив погодија станбени згради“, се наведува во соопштението на националната полиција.

Украинските служби за итни интервенции извлекуваа луѓе од урнатините, јави известувачот на франс прес од местото на настанот.

Русија во последните месеци ги засили нападите врз украинската територија, што доведе до зголемување на бројот на цивилните жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер