Еминем тужи австралиска компанија поради името - Канал 5

Шоу биз

Еминем тужи австралиска компанија поради името

Американскиот рапер Еминем поднесе тужба против австралиска компанија за облека и опрема за плажа наречена „Swim Shady“, тврдејќи дека нејзиното име е премногу слично на неговиот заштитен псевдоним за рап „Slim Shady“.

Еминем тужи австралиска компанија поради името

Според Би-Би-Си, во септември, Еминем, чие вистинско име е Маршал Б. Метерс III, поднел формално писмено барање до Канцеларијата за патенти и трговски марки на САД, барајќи поништување на трговската марка доделена на компанијата. Според американскиот закон, компанијата мора да одговори на барањето до следната недела. Адвокатите на 53-годишниот рапер го обвинија брендот со седиште во Сиднеј за создавање „лажни асоцијации“ со Еминем.

Компанијата се брани

Менаџментот на „Swim Shady“ изјави за Би-Би-Си дека ќе „ја брани својата вредна интелектуална сопственост“. Името на компанијата е регистрирано кај австралискиот бизнис регулатор во септември 2023 година и првично е лансирано под името „Slim Shade“. Официјално е лансирано во 2024 година. Брендот продава чадори, чанти и друга опрема за плажа.

Порано оваа година, брендот поднесе барање за заштита на трговска марка за името „Swim Shady“ во Соединетите Американски Држави, кое беше одобрено. Но, кратко потоа, тимот на Еминем поднесе барање за откажување. Еминем, исто така, поднесе тужба против името на брендот во Австралија.

Судските документи покажуваат дека Еминем го регистрирал името „Slim Shady“ како трговска марка во Соединетите Американски Држави во 1999 година, кога издал албум со истото име. Сепак, тој не го регистрирал името „Slim Shady“ во Австралија сè до јануари 2025 година.

Еминем се здоби со слава во 2000 година, кога го издаде хит синглот „The Real Slim Shady“, кој му донесе Греми за најдобра рап соло изведба. Неговите адвокати рекоа дека името станало „препознатливо и добро познато“ и е исклучиво поврзано со неговата рап кариера.

Извор: Индекс.хр

Тагови: Еминем тужба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Џенифер Лопез подготвена за тренинг

Светската музичка ѕвезда, 57 годишната Џенифер Лопез е фотографирана во Калифорнија при пристигнување на тренинг.

Фото: Џенифер Лопез подготвена за тренинг

За таа прилика, таа избрал спортска црна комбинација, тесни бициклистички и топ, што дополнително ја истакна нејзината совршена фигура.

Со овој аутфит атрактивната Џеј Ло уште еднаш потврди дека е жена со тело на кое може да и позавидат и двојно помладите девојки.

Сите веднаш забележаа колку е мускулеста латино-дивата, а за нејзината страст кон фитнесот веќе е зборувано толку многу пати.

Познатата пејачка со години го вклучува вежбањето како важен дел од својот животен стил, а нејзиното најново појавување во јавноста уште еднаш ги покажа резултатите од таа посветеност.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски до Филипче: Не би сакал да бидам ист со куклата на тие што ја уништија и ограбија Македонија

Претседателот на Владата Христијан Мицкоски денеска одговарајќи на новинарско прашање како ја коментира изјавата дека не се исти, дадена од претседателот на опозициската СДСМ Венко Филипче, истакна: 

Мицкоски до Филипче: Не би сакал да бидам ист со куклата на тие што ја уништија и ограбија Македонија

„Јас можам за прв пат да се сложам со претседателот на СДСМ дека не сме исти. Јас никогаш не би сакал да бидам ист со куклата на луѓето кои ја уништија и ограбија Македонија. Ниту во најлошиот сон не би сакал тоа да бидам. Така што еве за прв пат можам да се сложам дека не сме исти и точно граѓаните можат да направат разлика меѓу ова раководство на СДСМ кое што го води куклата на оние кои што ја уништија и ограбија Македонија, и Владата која што ја предводи ВМРО-ДПМНЕ“.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Управа за финансиска полиција поднесе кривична пријава за „Даночно затајување“ и „Оштетување или повластување на доверители“

Управата за финансиска полиција до Основното јавно обвинителство Скопје поднесе кривична пријава против В.Р.

Управа за финансиска полиција поднесе кривична пријава за „Даночно затајување“ и „Оштетување или повластување на доверители“

Управата за финансиска полиција до Основното јавно обвинителство Скопје поднесе кривична пријава против В.Р., управител и сопственик на правно лице, како и против правното лице, поради постоење основи на сомнение за сторени кривични дела „Даночно затајување“ од член 279 и „Оштетување или повластување на доверители“ од член 257 од Кривичниот законик.

Пријавениот В.Р., во периодот од 2019 до 2020 година, иако бил свесен дека правното лице е неспособно за плаќање и дека му претстои стечај, со намера да стекне противправна имотна корист и да ги оштети доверителите, го намалил имотот од кој доверителите можеле да ги намируваат своите побарувања. Притоа, присвоил 10 возила во вредност од 69.719.484 денари, скутери во вредност од 545.000 денари и трговска стока во вредност од 4.457.322 денари, кои не биле евидентирани со соодветна документација и не биле пронајдени од стечајниот управник, со што не станале дел од стечајната маса.

Поради наведеното, побарувањата на доверителите во вкупен износ од 12.069.922 денари, од кои 1.179.059 денари се побарувања на УЈП, останале целосно ненамирени.

Исто така првопријавениот В.Р. во периодот од 2011 година до 2019 година, свесно и со намера да се стекне со противправна имотна корист, подигнал парични средства во готово во износ од 53.872.587 денари, на име „материјални и патни трошоци“ без да изготви и достави документација (договори, фактури, испратници, сметкопотврди и сл.) за нивна економска оправданост во сметководствената евиденција, истите ги присвоил за себе и притоа не пресметал и не платил данок на добивка во вредност 5.387.259 денари и данок на личен доход во вредност од 5.985.244 денари.

Со наведените дејствија, преку правниот субјект, В.Р. се стекнал со противправна имотна корист и го оштетил Буџетот на Република Северна Македонија во вкупен износ од 23.442.425 денари, по основ на оштетување на доверителите, Данок на добивка и данок на личен доход.

Управа за финансиска полиција

Тагови: Управа за финансиска полиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер