Емили е жена-пилот изложена на предрасуди (фото) - Канал 5

Забава

Емили е жена-пилот изложена на предрасуди (фото)

„Татко ми се сомневаше во мене, но се омажив за човек што ме разбира и се грижи за нашите деца“! 

Емили е жена-пилот изложена на предрасуди (фото)

Таа е прв виш офицер, но и мајка на три деца која со семејството живее во Дубаи.

Емили Сидоти (37) е Австралијка и е една од жените пилоти во светот кои се со околу 5% застапеност. На само 18 години решила да стане професионален пилот, но наишла на бројни предрасуди, пред сè од посилниот пол.

- Татко ми се сомневаше во мене, а да не зборувам за остатокот од машката популација. Сепак, бев упорна во она што го сакам и никогаш не се откажав. Ако ме прашувате мене, нема разлика меѓу машки и женски пилоти - објаснила Сидоти за порталот 7Лајф, а за тоа пишувал и Сан.

Официјалната титула на Емили е Виш прв офицер. Повеќе од една деценија летала на комерцијални летови во Австралија, додека, пак, пред четири години почна да управува со авиони и на меѓународни летови. Таа официјално е првата Австралијка која била капетан на летот А380 за Обединетите Арапски Емирати, а пред четири години со семејството се преселила во Дубаи.

- Имав среќа да го запознаам мојот сопруг, кој целосно ја разбира мојата работа со која се занимавам речиси 20 години. Тој е мојата сигурност и најголема поддршка. Како круна на љубовта, добивме три ќерки, за кои тој се грижи додека сум на работа. Мојата работа е таква што бара отсуство од дома неколку дена, а за тоа време, мојот сопруг се грижи за нашите три деца. Тој ми е неверојатна поддршка и за тоа сум му благодарна – истакнува таа.

Емили признава дека и по нецели две децении во оваа напорна работа, сè уште наидува на негативни коментари на сметка на женските пилоти.

- Многумина веруваат дека мојот пол и мојата способност играат улога во работата со која се занимавам... Тоа што сум жена нема никакво влијание врз мојата способност да успеам во воздухопловната индустрија и да ја вршам работата одговорно. Од друга страна, моето семејство, со тек на време, научи како да се справува и да живее со мојата работа. Мојот сопруг и децата имаат одредени придобивки во кои уживаат. На пример, летање во бизнис-класа низ целиот свет со услуги на персоналот, бидејќи сите ми се колеги - истакнува Сидоти и додава дека 2-3 часа пред секој лет вежба со цел да се подготви за долгото седење за време на летот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Официјално: Мечот на Ѓоковиќ е одложен!

Организаторите на Вимблдон во текот на ноќта потврдија дека четвртфиналниот меч на Новак Ѓоковиќ ќе биде одложен.

Официјално: Мечот на Ѓоковиќ е одложен!

Според распоредот, Ѓоковиќ требаше да игра втор на Централниот терен во вторник, но сепак ќе настапи трет.

Пегула и Коф ќе излезат први на теренот, како што претходно беше планирано, а по нив ќе продолжи дуелот меѓу Зверев и Лехечка, кој претходната вечер беше прекинат поради „полицискиот час“ при резултат 2-0 во сетови и 3:3 во гемови.

Тоа значи дека дуелот меѓу Ѓоковиќ и Оже-Алијасим ќе започне веднаш потоа; почетокот може да доцни околу половина час, но и многу повеќе доколку Чехот го освои третиот сет и ја искомплицира ситуацијата.

Претходно се очекуваше мечот да се одигра околу 16:00 или 16:30 часот... Ситуацијата на Теренот 1 останува непроменета – први ќе играат Синер и Штруф со почеток во 14:00 часот, а по нив ќе настапат Осака и Мухова.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пронајдено тело во близина на Киев; Дали станува збор за атентаторката?

Во близина на Киев е пронајдено безживотното тело на жена. Се претпоставува дека таа е осомничената за обидот за атентат врз украинскиот бизнисмен Вадим Јермолаев во Монако.

Пронајдено тело во близина на Киев; Дали станува збор за атентаторката?

Според украинските медиуми, телото е пронајдено во понеделник, а според неофицијални информации, починатото лице е застрелано. Инаку, на 3 јули Интерпол издаде црвена потерница по Анастасија Березовски, 39-годишна државјанка на Украина, која е назначена за главен осомничен за експлозијата во Монако во која беше ранет украинскиот бизнисмен Вадим Јермолаев вечерта на 29 јуни.

Интерпол исто така објави две фотографии од осомничената, придружени со известување дека таа има тетоважа на десната рака – од рамото до лактот – за која се верува дека прикажува змија.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аморим: Милан е поголем предизвик од Јунајтед

Рубен Аморим призна дека преземањето на Милан претставува уште поголем предизвик од оној со кој се соочи кога го презеде Манчестер Јунајтед. 

Аморим: Милан е поголем предизвик од Јунајтед

Португалскиот тренер официјално ја презеде функцијата шеф на стручниот штаб на италијанскиот гигант на 6 јули; по пристигнувањето во Италија, тој разговараше со медиумите и објасни зошто ја прифатил новата работа, иако претходно изјавуваше дека би избрал помалку захтевен проект.

„Ако погледнете некое мое старо интервју, ќе видите дека ова е клуб што навистина ми значи многу. Тоа е огромен предизвик. По претходниот (Манчестер Јунајтед), си ветив дека ќе изберам помал предизвик. Но, еве ме тука – а предизвикот е уште поголем“, изјави Аморим.

Поранешниот тренер на Спортинг потпиша двегодишен договор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер