Елвис Присли не починал од предозирање - тој генетски бил предодреден за рана смрт ?! - Канал 5

Елвис Присли не починал од предозирање - тој генетски бил предодреден за рана смрт ?!

Резултатите од деталната генетска анализа покажале дека кралот на рокенролот, Елвис Присли, страдал од генетска болест на срцевиот мускул.

Елвис Присли не починал од предозирање - тој генетски бил предодреден за рана смрт ?!
Приказната од документарната серија Dead Famous DNA која се емитува на Channel4, а ја пренесува Мирор, сигурно ќе го потресе неговото семејство и обожавателите кои и денес се бројат во милиони.

ДНК од влакно на косата на Присли покажала дека пејачот страдал од хипертрофична кардиомиопатија, а симптомите како неправилно отчукување на срцето, замор, несвестица и покачен крвен притисок се појавиле во последните години од неговиот живот.

Сето ова значи дека на музичката икона, без оглед на неговиот живот, во гените му била запишана рана смрт.

ДНК анализата била направена на косата откупена од пријател на фризерот на Елвис за 2 илјади долари, но авторите на серијалот тврдат дека е докажано автентична.

Според водителот на емисијата, Марк Еванс, резултатите се фасцинантни.

И Елвис и неговиот лекар со години ги обвинуваа за неговата смрт. Се мислеше дека на Кралот му пресудило прејадувањето и предозирањето со лекови. Иако тие зависности придонеле за лошото здравје, новите докази велат дека Елвис имал грешка во ДНК-та и дека раната смрт била негова судбина.

За време на тримесечното тестирање, утврдени се проблеми во 11. хромозом каде е пронајдена кобна варијација која предизвикува хипертрофична кардиомиопатија, болест која најчесто се случува кај мажите на возраст меѓу 20 и 40 години.

Исто така, на 19 хромозом е утврдена мутација поврзана со склоноста кон дебелеење, на 17-от мутација поврзана со глауком, односно очен притисок, а на првиот мутација поврзана со мигрена.

Доктор Стивен Кингсмор, кој ја правел анализата вели дека хипертрофичната кардиомиопатија дефинитивно е темпирана бомба.

Елвис Присли починал во својата бања на 16 август 1977 година во 42. година од животот. Боледувал од глауком, покачен крвен притисок, оштетување на црниот дроб и зголемено дебело црево.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Сидни Свини никогаш по провокативна

Жежок спектакл со  една од најубавите жани во Холивуд, актерката Сидни Свини.

Фото:  Сидни Свини никогаш по провокативна

Русокосата убавица се појави во десега најпровокативното издание.

Сидни Свини ја пречекува празничната сезона во мошне провокативно издание, кое повторно е дел од нејзината најнова колекција.

Актерката Сидни Свини позира облечена само во бела чипкана долна облека за новата кампања на нејзиниот бренд „Syrn“. Фотографиите, инспирирани од зимската магија, беа објавени како дел од серија фотографии на Инстаграм-профилот на нејзиниот бренд.

Сидни позираше пред снежна позадина, седејќи на црвен сатенски огртач со крзнени детали. Таа носи градник со прерамки околу вратот и соодветни гаќички со низок струк и исечоциа. Ова не е прва празнична колекција, но Сидни не сака да губи време.

„Првите снегулки во сезоната-заводничка“, стои во описот на објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Фатална српска пејачка во теретана: Утринско растегнување!!

Најфаталната Србинка го запали интернетот! Се појави „жежок“ материјал од атрактивната пејачка Теодора Џеферовиќ  – неверојатно е што прави оваа жена во теретана.

Фото: Фатална српска пејачка во теретана: Утринско растегнување!!

Сексапилната пејачка Теодора Џехверовиќ покажа како го започнува својот ден, а сцената од теретаната го привлече вниманието на нејзините следбеници.

Теодора очигледно не ги пропушта тренинзите, дури и кога станува збор за раните утрински часови.

На својот профил на Инстаграм таа објави видео од теретаната, на кое се гледа како напорно работи на својата форма и се посветува на вежбањето.

Таа носеше кафеав спортски комплет, составен од краток топ и тесен шорц, а вежбите ги изведуваше боса, во бели чорапи, со помош на спортски подлоги.

Покрај објавата, таа накратко напиша „Утринско растегнување“, придружено со емотикон на жена која медитира.

Пејачката уште еднаш покажа дека физичката активност е важен дел од нејзиното секојдневие, а судејќи според видеото, таа го започнува денот со вежбање и грижа за својот изглед и физичка подготвеност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вселенско летало по осум години стигна до Меркур

Вселенското летало „БепиКоломбо“ (BepiColombo) – заедничка европско-јапонска вселенска мисија – пристигна кај Меркур по патување кое траеше повеќе од осум години и сега е подготвено да влезе во неговата орбита, пренесува „Гардијан“. 

Вселенско летало по осум години стигна до Меркур

Мисијата „БепиКоломбо“ ќе стане втората во историјата што ќе орбитира околу оваа планета – најмалата во Сончевиот Систем – при што се планира мапирање на нејзината површина и проучување на нејзината внатрешност.

Целта на оваа мисија, вредна 1,6 милијарди евра, е да се утврди како Меркур се формирал толку блиску до Сонцето, зошто поседува магнетно поле, како и каков е составот на мразот скриен во кратерите на планетата кои се постојано во сенка.

Професорката Ема Банс од Универзитетот во Лестер, која работи на проектот веќе 20 години и е главен истражувач за инструментот „Спектрометар за рендгенско снимање на Меркур“ (MIXS) – дизајниран за анализа на геохемискиот состав на површината на планетата – ја опиша мисијата како „многу сложена и предизвикувачка“, на чија реализација се чекало долго време.

По влегувањето во орбитата на Меркур, MIXS ќе го анализира геохемискиот состав на површината на планетата; сепак, се очекува да поминат неколку месеци пред научниците да можат да започнат со набљудување на Меркур. На почетокот на декември, вселенското летало ќе се раздели на две орбитални единици – една европска и една јапонска – кои ќе маневрираат во посебни поларни орбити околу планетата.

Научните операции се планирани да започнат во април следната година. Европската сонда, „Орбитер за планетата Меркур“ (MPO), ќе ја мапира површината и составот на планетата во висока резолуција, истовремено проучувајќи ја внатрешноста на Меркур за да фрли светлина врз неговото необично големо јадро. Нејзиниот јапонски пандан ќе го мери магнетното поле на планетата и нејзината натриумова егзосфера – исклучително тенок слој од гас и атоми што ја опкружува планетата.

Иако Меркур е само 50 проценти поголем од Месечината, тој има четири пати поголема маса; едно од прашањата што мисијата ќе ги истражува е потеклото на оваа извонредно висока густина. Се очекува вселенските летала да кружат околу Меркур приближно три години, по што ќе останат без гориво, ќе изгубат височина и на крајот ќе удрат во површината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер