Тенис

Елиминирани Ферер, Шарапова и Јанковиќ на УС Опен

На отвореното првенство на САД во тенис ноќеска завршија натпреварите за неколку носители, а од фаворитите елиминирани се Давид Ферер кај мажите и Марија Шарапова и Јелена Јанковиќ кај жените.

Во рамките на третото коло во машка конкуренција четвртиот носител Давид Ферер загуби со 3:1 во сетови од Жил Симон. Лош почеток имаше и вториот носител Рожер Федерер, па откако го загуби првиот сет ги доби следните три за пласман во осминафиналето. Пласман во следната рунда по синоќешните победи обезбедија уште: Григор Димитров, Томаш Бердих, Гаел Монфилс и Марин Чилиќ.

Кај дамите во најинтересниот осминафинален меч Каролине Возниацки (финалистка 2009 година) ја победи со 2:1 во сетови Марија Шарапова (победничка 2006). Сара Ерани со истиот резултат ја совлада Мирјана Лучиќ – Барони, додека Белинда Бенчиќ (САД) беше подобра од Јелена Јанковиќ со 2:0. Пласман во четвртфиналето избори и Шуаи Пенг со триумфот над Луси Сафарова.

Другите осминафинални мечеви се играат вечерва, кога и почнуваат машките осминафинални дуели.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Историски триумф на Швајцарија за мундијалско четвртфинале!

Репрезентацијата на Швајцарија е последниот учесник во елитното четвртфинале на 23 Светско фуудбалско првенство.

Швајцарската фудбалска репрезентација по понал рулет и триумф со (0-0) 4-3 над Колумбија се пласираше во четвртфиналето на Светското првенство

По регуларниот дел од натпреварот немаше голови, мрежите мируваа и по двете продолженија од по 15 минути по што следуваше пенал рулетот, во кој поконцетрирани и попрецизни беа фудбалерите на Швајцарија кои мја добија серијата со 4-3.

Со овој триумф Швајцарија го постигна својот најголем успех на светските првенства (точно е дека играла во четвртфиналето во 1938 и 1954 година, но тогаш имало помалку учесници), а за пласман во полуфиналето ќе игра против бранителот на тронот Аргентина.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со сончеви периоди, попладне услови за локална нестабилност

Променливо облачно со сончеви периоди. Во попладневните и вечерните часови ќе има локална појава на нестабилност со пороен дожд и грмежи, информираат од УХМР.

Ќе дува слаб до умерен ветер од северозападен правец, кој попладне наместа долж Повардарието повремено ќе засилува. Минималната температура ќе биде во интервал од 9 до 20, а максималната ќе достигне од 29 до 36 степени.

Според УХМР денеска во Скопје ќе биде променливо облачно со сончеви периоди. Попладне во делови од котлината ќе има услови за појава на нестабилност со пороен дожд и грмежи. Ќе дува слаб до умерен ветер од северозападен правец. Минималната температура ќе се спушти до 18, а максималната ќе достигне до 34 степени.

ВРЕМЕТО ВО НАРЕДНИТЕ ДЕНОВИ

Следува период на претежно стабилно време. Ќе дува умерен, наместа повремено засилен северен ветер. Во четврток и во недела се очекува локална појава на нестабилност со пороен дожд, грмежи и засилен ветер.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Скопје без струја

Од ЕВН Македонија АД информираат дека на денес поради планирани работи на електродистрибутивната мрежа, без електрична енергија ќе останат корисници во повеќе скопски општини.

Во општина Сопиште, од 08:30 до 15:00 часот без струја ќе бидат дел од корисниците на улица 8 во селото Горно Соње, на местото викано Коштан, а од 09:00 до 12:00 часот прекин ќе има и за дел од корисниците на улица 4 во Сопиште, на локалитетот Ветрила.

Во општина Бутел, од 09:00 до 11:00 часот без електрична енергија ќе останат дел од корисниците на булеварот „Македонско-косовска бригада“, во близина на Сервис Бутел.

Во општина Аеродром, од 09:00 до 14:00 часот без струја ќе бидат корисниците на улицата „Тодор Чангов“ – крак 21.

Во истиот период, од 09:00 до 14:00 часот, прекин во снабдувањето со електрична енергија ќе има и за дел од корисниците на улиците „Хашка“, „Будимпештанска“ и „Душко Бојковски“ во општина Карпош.

Во општина Ѓорче Петров, од 09:30 до 14:30 часот без струја ќе останат корисниците на улиците „Александар Македонски“, „Борис Сарафов“ и „Смилевска“, како и објектот на месната заедница, бензинската пумпа и дел од корисниците на улицата „Црногорска“.

Исто така, од 12:00 до 14:00 часот, без електрична енергија ќе бидат корисниците на улицата 95 и околните улици во селото Волково, во општина Ѓорче Петров.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.