ЕЛИФ уред за укажување опасност од врнежи и поплави - Канал 5

Технологија

ЕЛИФ уред за укажување опасност од врнежи и поплави

 Борис Секирарски од Куманово годинава го доби  Златниот медал на „ИНОВАМАК 2018“ за идејата електронски водена интернет прогноза или популарно ЕЛИФ (кратенка од Electronically Leed Internet Forecast).

ЕЛИФ уред за укажување опасност од врнежи и поплави

Покажувачот кој наликува на семафор ги покажува можностите за обилни врнежи и поплави на одредено место во одреден момент, а главната цел е да спасува животи со точно укажување на опасност од брзи поплави.

Водејќи се од оваа идеја, Секирарски инаку метеоролог со повеќе од тридецениско искуство и вљубеник во информатиката го креирал овој систем неколку години.

„Семафорот“ на Секирарски има четири бои, бела која означува дека е во функција, сино кое алармира општа поплава, жолто за дополнителни врнежи и црвено за наидување на брза поплава.

- Целата ЕЛИФ идеја во голема мера веќе е и функционална. Таа е систем од неколку целини. Компјутер - сервер на кој на секои петнаесет минути се повторуваат пресметки за критични региони кај нас и на неколку места на Балканот. Вклучени се и две интернет локации (адреси) на кои постојано се обновуваат информации за ниво на опасност по региони. Исто така направен е посебен ИоТ уред (кратенка од Internet Of Things) се разбира со име ЕЛИФ и чија намена е да ја изнесе прогнозата на конкретна микролокација и да известува во моментот, вели Секирарски.

Трета целина на покажувачот е наменета за корисниците на мобилните уреди со андроид оперативен систем. Тоа е апликацијата MELIF која исто така умее да ги прочита нивоата на опасност од интернет локацијата и најслично со обичен семафор тоа и да го покажува.

Идејата на изумот е граѓаните да имаат информации каква е состојбата со врнежите во нивниот град, село, нивната улица. На идејата за креирање на ваков покажувач работел од 2015 година со различен интензитет.

- Осоебно силно ме мотивираа поплавите во Македонија, на реката Пена кога имаше и жртви и дополнително поплавата во Стајковци со голем број жртви, по што настојував да го забрзам процесот на креирање на покажувачот, додава Секирарски.

Електронски водената интерент прогноза за поплавите треба да ја посочи микролокацијата каде има обилни дождови. Доколку жителите на одредено имаат претстава во кое количество се обилните врнежи и можностите за поплави не би излегувале надвор.

- Оваа година, особено во Медитеранот имаше бројни појави на брзо поплавување. Некаде имаше и жртви. Материјалните штети беа големи, но тие се надоместливи. Од брзите поплавувања луѓето губеа живот и во Франција и во Италија и во други заедници и тоа во последен момент. Тие имаа прогноза за денот и за поширокиот регион, но немаа за нивната населба и во тој момент. ELIF треба токму тоа да го премости, појаснува Секирарски.

Деловите за составување на покажувачот ги набавувал преку интернет. ЕЛИФ може да се постави насекаде на улици, плоштади, училишта. Доколку покажува црвено, тогаш не смее да се излегува.

- Минатата година на југот од Франција луѓето загинаа симнувајќи се во приземните гаражи за да ги спасат своите автомобили, вели Секирарски.

Системот ЕЛИФ е пријавен за учество на Саемот на Иновации во Хрватска и доколку влезе во конкуренција ќе биде прикажан и таму.

Место за презентација и примена, појаснува Секирарски има насекаде во светот. Покажувачот е патентиран.

- Сите случувања поврзани со промените на климата, а и тие кои се поврзани со идејата на умни градови, па и умни села ќе сакаат да ја чујат оваа идеја. Не само да ја чујат, туку таа и да стане дел од секојдневното ефикасно и подобро живеење, заклучува Секирарски./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер