Автомобилизам

Електричен кросовер од Ауди со 496 коњски сили

Ауди „E-Tron S“ и „E-Tron S Sportback“ се новите членови во семејството на електрични автомобили.

Од Ауди кај овие модели се фокусирале на перформансите и во таканаречениот „Boost Mode“ овие модели можат да произведат дури 496 коњски сили, додека постоечките модели можат само 402 коњски сили.

Во нормална состојба, „S“ моделот развива 405 коњски сили, а останатите, да ги наречеме стандардни верзии, произведуваат 355 коњски сили.

„E-Tron S“ моделите забрзуваат од 0 до 100км/ч за 4,5 секунди и можат без проблем да ја достигнат електронски ограничената максимална брзина од 211 км/ч. Тие имаат исти капацитет на батеријата како и кај стандардните модели 95 kWh.

Од Ауди не се потрудиле многу да направат „S“ моделите да се разликуваат од постоечките верзии. Воочлив е новиот браник, поголемите отвори за воздух како и поистакнат дифузор. Исто така, тука е и нов сет од 20 инчни бандажи, но купувачите можат да одберат и сет од 22 инчи.

Фудбал

Салфетката на Меси се продава на аукција, веќе се понудени 300.000 евра

Денеска е отворено наддавањето за салфетката на која фудбалскиот клуб Барселона го напиша своето ветување дека ќе потпише со тогаш 13-годишниот Лионел Меси, а предвремените понуди достигнаа речиси 300.000 долари.

Салфетката беше потпишана во декември 2000 година кога Карлес Рексах, тогаш спортски директор на Барселона, се договори со агентот Хорасио Гаџиоли да го ангажира аргентинскиот тинејџер кој подоцна стана најдобар стрелец на клубот на сите времиња.

Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (274.824,00 долари) набргу по отворањето на продажбата, според веб-страницата на аукционерот. „Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.

Меси ѝ помогна на Барселона да освои 35 трофеи, со рекордни 782 настапи и 674 голови. Меси ја напушти Барселона во 2021 година и сега игра за Интер Мајами. „Ако го сакате фудбалот, ќе знаете сè за Лионел Меси и ќе знаете дека тој го дефинираше фудбалот со генерации. Ако сакате дел од акцијата, ова е местото“, рече Сендс. Онлајн продажбата завршува на 17 мај.

притисни ентер