Елегантно пополнета манекенка: Јадам што сакам, вежбам само ако сум расположена! - Канал 5

Елегантно пополнета манекенка: Јадам што сакам, вежбам само ако сум расположена!

26 годишната манекенка Витни Томпсон ја претстави новата линија на долна облека за полни жени на „Panache“.

Елегантно пополнета манекенка: Јадам што сакам, вежбам само ако сум расположена!
Кој вели дека полните манекенки не можат да бидат успешни? 26 годишната Витни Томпсон направи убава кариера со својот вишок килограми, соработуваше со Ријана и отвори сајт за љубовни познанства на пополни мажи и жени. Нејзината последна кампања е промоцијата на долна облека на брендот „Panache“.

Stellar career: Whitney won America's Next Top Model back in 2008 and has since landed top campaigns and even launched her own dating site

- Ако мажите ги привлекуваат само жени кои изгледаат како Викторија Бекам, сите ќе бевме како неа. Но не е така, и затоа не има во сите форми и големини - вели веселата Американка.

Таа одржува предавања на факултети во рамките на својата кампања да се превенираат проблемите со исхраната кај младите луѓе кои се решаваат често пати на нездрави диети кои водат кон анорексија.

- Младите луѓе се дефинираат што ќе бидат цел живот, додека се на факултет. Среќна сум што можам да влијаам - вели Витни, која годинава е прогласена како една од највлијателните жени, заедно со Хилари Клинтон и Мишел Обама.

- Јас јадам што сакам и мислам дека тука е проблемот - луѓето не го слушаат своето тело туку ги слушаат медиумите - вели Витни.

Таа признава дека не и е лесно кога некои ја нарекуваат „дебела крава“ или „огромна“, но нема да се откаже од своето мото - биди промената која сакаш да ја видиш во светот.

Таа смета дека стандардот на виткост го наметнува мултимилијардерската индустрија на диети, а животот е прекус за да го правиме она што не го сакаме. / извор: Дејли меил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Удар врз тротинетите и електричните велосипеди, во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело,.

Удар врз тротинетите и електричните велосипеди,  во Њујорк сакаат да ги забранат опасните батерии во становите

Градскиот совет на Њујорк предложи закон според кој поседувањето или користењето батерии за електрични велосипеди и скутери што не ги исполнуваат безбедносните стандарди би се третирало како тешко кривично дело, а исто така би се забранило и чувањето на такви батерии во станови.

Градските власти предложија нови мерки поради порастот на бројот на пожари предизвикани од литиум-јонски батерии во станбените делови на Њујорк.

Според „Њујорк тајмс“, од почетокот на годината досега, бројот на вакви пожари е за околу 70 отсто поголем во споредба со истиот период минатата година.

Претставници од администрацијата на градоначалникот Зоран Мамдани, како и од Противпожарната служба на Њујорк, упатија критики кон предлозите за построги законски ограничувања. Тие наведуваат дека ваквите мерки би ги казниле луѓето што секојдневно користат електрични велосипеди и скутери за патување, како и доставувачите со ниски примања.

Извештај на Комисијата за безбедност на потрошувачки производи на САД, објавен во април, утврди дека во периодот од 2017 до 2024 година, во Соединетите Држави се случиле 45 смртни случаи поврзани со пожари предизвикани од литиум-јонски батерии.

Од нив, 19 се поврзани со електрични велосипеди, 15 со електрични тротинети, а 11 со самобалансирачки скутери, познати и како „ховерборди“. Проблемот е особено изразен во Њујорк, каде што бројот на пожари предизвикани од литиум-јонски батерии оваа година достигна рекордно ниво.

Според податоците на противпожарната служба, на кои се повикува Градскиот совет, до почетокот на ноември биле регистрирани 406 вакви пожари, во споредба со 241 пожар во истиот период минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Објавен план за примирје меѓу Украина и Русија

Американскиот претседател Доналд Трамп изјави дека Соединетите Држави работат на постигнување поширок прекин на огнот меѓу Украина и Русија.

Објавен план за примирје меѓу Украина и Русија

Целта е да се прошират претходните хуманитарни договори што овозможија евакуација на цивили од воените подрачја.

Во интервју за „Фокс њуз“, Трамп ја истакна улогата што првата дама Меланија Трамп ја имаше во претходните хуманитарни иницијативи. Според него, Вашингтон сега се обидува да примени сличен модел на многу поголема територија.

„Беше прекрасно. Тоа беше прекин на огнот. Луѓето беа евакуирани од градовите и населените места, што веројатно им ги спаси животите. Сега работиме на верзија од тоа, но во поголеми размери“, рече Трамп.

Американскиот претседател не изнесе детали за тоа како би функционирало новото примирје, кои области би ги опфатило, ниту пак дали Русија и Украина веќе се согласиле на американскиот предлог.

Трамп, исто така, ја пофали Меланија Трамп за нејзиниот ангажман во хуманитарни иницијативи и за соработката со официјални лица и посредници вклучени во евакуацијата на цивили. „Сега преминуваме кон поширок формат“, рече американскиот претседател.

Според „Фајненшал тајмс“, администрацијата на Трамп се обидува да постигне договор за ставање крај на војната до почетокот на јануари, пред демократите да го преземат мнозинството во двата дома на американскиот Конгрес.

Демократите ќе ја преземат контролата врз Претставничкиот дом и Сенатот по победата на изборите на 3 ноември, што би можело да го промени политичкиот контекст во кој Трамп ги води преговорите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Честитка од претседателката Сиљановска-Давкова по повод 22 Ноември – Денот на албанската азбука

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Честитка од претседателката Сиљановска-Давкова по повод 22 Ноември – Денот на албанската азбука

Почитувани сограѓани Албанци,

22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука.

Конгресот во Битола од 1908 година означи пресвртница и нова фаза во развојот на албанската нација, преку образование и култура на унифициран албански јазик.

Јазикот е основниот белег на националната посебност. Тој е најсилниот инструмент за градење и изразување на колективната меморија на еден народ, неговото духовно наследство и искуство. Албанскиот јазик, вам Албанците ви овозможи да изразите почит кон претците, но и одговорност кон потомците.

Во македонското мултикултурно општество и демократски политички систем, Албанците и албанскиот јазик имаат долга традиција на постоење во уставниот, политичкиот, економскиот, образовниот, научниот, културниот, спортскиот, медиумскиот, забавниот и секојдневниот живот.

Дозволете ми како претседателка на државата, да изразам став дека наша заедничка должност е да градиме општество во кое единството нема да ги негира, туку ќе ги респектира различностите, третирајќи ги како трајни општествени вредности.

Посакувам 22 Ноември да не биде само ден на сеќавање, прослава и гордост, туку и поттик за нови образовни, научни и културни дострели на албански јазик!

На сите граѓани Албанци им упатувам искрени честитки по повод 22 Ноември – Денот на албанската азбука!

Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер