Забава

Елегантната Хајди Клум,воодушеви на Филмскиот фестивал во Кан

Тоалетата со цветни ливчиња на црвениот тепих беше комплетирана со сребрени сандали и обетки.

Организаторите на Филмскиот фестивал во Кан годинава воведоа строги кодекси на облекување, а освен кинеската актерка Ван Киjан Хуи, меѓу оние кои ги прекршија правилата е и Хајди Клум.

Имено, германската манекенка на свеченото отворање на францускиот фестивал, т.е. прикажувањето на „Напушти еден ден“ (Partir Un Jour), се појави во розов фустан со долг остаток наземи и висок шлиц на едната нога.

Тоалетата со цветни ливчиња на црвениот тепих беше комплетирана со сребрени сандали и обетки. За потсетување, прописите на Канскиот фестивал годинава (коишто не се нови, но се повторно нагласени) налагаат неносење фустани со остаток зад дамата, како и обемни тоалети, но и голотија - со цел поголема пристојност на овој фестивал.

„Оваа година, Канскиот филмски фестивал истакна одредени правила во својата повелба, коишто одамна постојат. Целта не е нужно да се регулира облеката, туку да се забрани целосна голотија на црвениот тепих, во согласност со институционалната рамка на настанот и францускиот Закон“, соопштија организаторите.

Фестивалот, според тоа, го задржа правото да оневозможи пристап на лица чија облека може да го попречи движењето на другите гости, или пак, би го комплицирало распоредот на седење во салите за прикажување кинкопроекции.

Утредента, супермоделката, и на киноприкажувањето на „Невозможна мисија: Финална одмазда“ (Mission: Impossible - The Final Reckoning), се појави во сино-сребреникав фустан со остаток, но и подлабоко деколте.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Aроганцијата на Мицкоски и ВМРО-ОКГ нема крај - ја исмејуваат грижата за здравјето на граѓаните

По враќањето на Христијан Мицкоски од „научната екскурзија“, речникот на ВМРО-ОКГ стана уште поарогантен.

Сега ја исмејуваат грижата за здравјето на граѓаните.

СДСМ деновиве постојано предупредува за загадена вода низ Македонија, токму затоа што власта на Мицкоски и неговата организирана криминална група ги крие податоците.

Поради таа тајност еден цел град од 50.000 жители беше изложен на труење - над 5.000 луѓе побараа лекарска помош.

Мицкоски од екскурзија „пушти“ вода за пиење во Гостивар.

А документ за исправност на водата сè уште нема.

Клековски, кој исто така беше на екскурзија, сè уште не се огласил, иако самиот најави дека првите резултати ќе ги има дури околу 20 август.

Наместо премиерот и министерот за здравство - полицаец држи здравица и објаснува колку е „вкусна“ водата.

Во случајот со Гостивар видовме целосна негрижа: иако анализите покажаа дека водата е загадена со фекалии, никој не ги предупреди граѓаните. Тие со денови пиеја отруена вода. Се отру и самата болница.

Прво еден „полицаец“ (министерот Тошковски) ја хиперхлорираше, потоа друг (Ангелов) ја пушти во употреба со здравица.

Од почетокот на кризата - нема ниту едно стручно лице. Ниту еден документ со анализи. Ниту една институција и одговорно лице што стои зад исправноста.

Обвинителството на чело со Савевски е целосно на екскурзија. Ниту трага, ниту глас. Пет недели - ниту еден одговорен за Гостивар.

Единствено што слушаме се соопштенијата на Мицкоски и ВМРО-ОКГ, преку нивните и Орбановите медиуми, дека „сончаницата му го заматила мозокот“ на проф. д-р Венко Филипче и на целиот СДСМ.

Откако повеќегодишните лажни вести и измислени афери граѓаните веќе ги препознаа, сега преминуваат на нов вид кампања - отворено исмејување.

Над 50 места во Македонија немаат објавени анализи на водата.

Само во последните три дена - уште два случаи со отровни материи во водата во Демир Капија и минералната вода во Кривогаштани.

Четири реки се загадени - сè уште нема одговорни.

Ова е власт составена од тендер-патриоти, предводена од човек кој во најголемата здравствена криза во последните две години (труење со вода, епидемија на жолтица и западнонилска треска) одлучи да оди на екскурзија - заедно со половина од својата влада.

Ароганцијата нема крај. А одговорност сè уште нема.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Две лица загинаа на грчкиот остров Саламина, во близина на Атина

Пожарите во регионот продолжуваат да земаат жртви.

Две лица загинаа во пожарот што беснее на островот Саламина во близина на Атина, каде што речиси истовремено избувнаа два пожари, предизвикувајќи евакуација на стотици туристи и локални жители, објавија противпожарните служби.

Мобилизирани се околу 150 пожарникари, а на терен дејствуваат и четири авиони и шест хеликоптери. Крајбрежната стража распореди пет брода. Островот Саламина е омилено одредиште на атињаните, особено за време на викендите.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Состојбата со пожарите се смирува, утринава регистрирани се 25 пожари од кои 4 се активни

Состојбата со пожарите се смирува , утринава регистрирани се 25 пожари од кои 4 се активни, 3 се под кобнтрола , а 18 се изгаснати.

Активен е пожарот во општина Студеничани каде гори шума, во општина Македонски Брод кај месноста Видуш, во општина Велес и Зелениково и во Јегуновце и Сарај.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.