Ел Паис: Постои реална можност Трамп да добие Нобелова награда за мир - Канал 5

Свет

Ел Паис: Постои реална можност Трамп да добие Нобелова награда за мир

Шпанскиот весник „Паис“ денес процени дека еден од 338-те кандидати со реални шанси да ја освои Нобеловата награда за мир е американскиот претседател Доналд Трамп, иако обложувалниците му даваат шанса од само три проценти.

Ел Паис: Постои реална можност Трамп да добие Нобелова награда за мир

Трамп со месеци инсистира дека ја заслужува наградата за мировните иницијативи што ги започнал како посредник во преговорите меѓу земјите што се непријатели, објави весникот.

Оваа година, Норвешкиот Нобелов комитет доби вкупно 338 номинации, од кои 244 се од поединци и 94 од организации.

Директорката на Институтот за истражување на мирот во Осло (PRIO), кој го советува Комитетот, Нина Грегер, потврди дека Трамп е меѓу номинираните, иако списокот на номинации не е објавен.

Во својот тестамент, Алфред Нобел, кој ги воспостави наградите именувани по него, го опиша идеалниот кандидат за Наградата за мир како личност која најмногу придонела за промоција на братството меѓу народите, укинувањето или намалувањето на армиите и промоцијата на мировните конгреси.

Според Грегер, овој опис е во спротивност со некои од иницијативите на Трамп.

Таа како примери ги наведе повлекувањето на САД од глобалните договори и трговската војна, кои го нарушуваат принципот на промовирање на меѓународната соработка, додека намерата за заземање на Гренланд, доколку се реализира, би претставувала кршење на меѓународното право.

Според Грегер, најголемата пречка е претерано „деловниот“ став на американскиот претседател кон мировните преговори, бидејќи, како што вели таа, „не станува збор само за ракување“.

Таа не ја исклучува можноста Трамп да ја освои Нобеловата награда, иако смета дека е малку веројатно, а нејзиното мислење го делат и обложувалниците кои вчера му дадоа само три проценти шанси за победа на платформата Полимаркет.

Најверојатен добитник на Нобеловата награда за мир е Иницијативата за хуманитарна помош на Судан, каде што избувна граѓанска војна во 2023 година, „Собите за итни интервенции во Судан“ (ERR) со 32 проценти шанси, по што следуваат Лекари без граници со 13 проценти и вдовицата на рускиот опозициски лидер Алексеј Навални, Јулија, со 10 проценти шанси.

Потоа тука е Меѓународниот суд на правдата, на кој обложувалниците му даваат седум проценти шанса, како и Агенцијата на ОН за помош и работа за палестинските бегалци (UNRWA) со три проценти.

Директорот на норвешкиот Нобелов институт, Кристијан Берг Харпвикен, одби да коментира за номинацијата на Трамп поради клаузула за доверливост.

Нему и на другите пет члена на панелот, политичари назначени од норвешкиот парламент, им е забрането да откриваат какви било информации за кандидатите од безбедносни причини.

И покрај ригорозната проценка на профилот на секој кандидат од страна на Комитетот, конечната одлука за победникот понекогаш предизвикува значителни контроверзии и критики, според „Ел Паис“.

Еден од најзначајните случаи од ваков вид беше доделувањето на наградата на Хенри Кисинџер и Виетнамецот Ле Дук То во 1973 година за нивните напори за постигнување прекин на огнот во Виетнамската војна.

Оваа одлука предизвика протести во Норвешка, а како причина се наведува дека нивните напори не го завршиле конфликтот.

Ле Дук То одби да ја прими Нобеловата награда, додека Кисинџер не присуствуваше на церемонијата на доделување, потсетува весникот.

Тагови: Доналд Трамп Нобеловата награда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер