Експресно Врховен ја одби жалбата на таткото на Вања како неоснована - Канал 5

Македонија

Експресно Врховен ја одби жалбата на таткото на Вања како неоснована

Неполни два часа од рочиштето, Врховниот суд експресно го потврди притворот на Александар Ѓорчевски, таткото на Вања осомничен за помогање на нејзиното грабнување пред да биде убиена.

Експресно Врховен ја одби жалбата на таткото на Вања како неоснована

Неговата жалба ја одби како неоснована, но во соопштението нема никакво образложение за ваквата одлука.

Претходно тој растревожен, во очигледно тешка психичка состојба и со остарен изглед во кратко и драмтично обраќање пред судот кажа дека единствено важно му е случајот да дбоие разрешеница, а потоа самиот ќе одлучи за својот живот.. На неговите зборови, освен официјалните лица, сведоци беа и неговите родители и сестрата кои добија и неколку минути за блиска средба со Александар.

-Јас сум поделен на два света во моментов, едното дете ми е тука, другото ми го одзедоа, воопшто не ми е битно каде ќе ја дочекам разрешницата, само сакам да ја дочекам, а потоа за себе како возрасен човек да донесам одлука дали ќе продолжам на овој свет или кај другото дете,- - Александар Ѓорчевски.

Обраќањето во судот имаше и обвинителката Наталија Тасевска која побара жалбата на одбраната да биде отфрлена поради стравувања дека Ѓорчевски може да избега или да влијае на сведоците. Но, неговиот адвокат Владимир Туфегџиќ, смета дека немало никакви докази за ваквите тврдења.

Па дајте докази да видиме, како тоа смета јавниот обвинител и кои се фактите и доказите дека осомничениот ќе се даде во бегство, за такво нешто нема ниту индиција ниту помисла така да за мене како бранител состојбите се чисти, освен за обвинителот кој што сака да ги гледа работите од една друга перспектива. – ЈО преземало дејствија за преслушување на шест сведоци кои јас сум ги обезбедил како бранител, а доколку има некои други сведоци, ЈО треба да излезе и да каже кои се тие сведоци врз кои тој би можел да влијае. Сослушани се клучните шест сведоци кои биле во тој критичен период од 27 до обзнанувањето на трагедијата биле во непосреден контакт малтене 24 часа со осомничениот.

Ѓорчевски беше уапсен на 3ти декемри и притворот го отслужува во затворот во Шутка. Неговата одбрана, непосредно по неговото апсење тврдеше дека тој наместо во грабнувањето, учествувал во расчистувањето на случајот на неговата ќерка.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Владеењето на правото се мери преку конкретни постапки. Секој доследно спроведен закон ја зајакнува довербата на граѓаните во институциите.

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Проектот „Безбеден град“ е доказ дека кога има политичка волја, професионална работа и примена на современа технологија, државата може да функционира. Кога законите важат еднакво за сите, резултатите не изостануваат.

Затоа врхушката на СДС се спротивставува на сѐ што е успех. Нив ги плашат функционални институции. Тие впрочем ги градеа институциите за да можат ним да им бидат потчинети. Нив ги плаши Македонија и граѓаните да успеат.

Затоа се талог и се наоѓаат на дното. На талогот во општеството не му одговараат победи, чесност, работа и систем на право и правда. Во таков систем никогаш нема да се вратат на власт, туку ќе завршат зад решетки. Затоа наместо политика и идеи, продаваат цинизам, песимизам, и недоверба кон иднината, бидејќи сакаат да го убијат духот на народот, на овој народ кој бил непокорен и кој се борел за слобода и своја држава.

Нема да успеат! Македонија оди напред.

Ќе победи работата. Ќе победи правдата.

Бране Петрушевски

Тагови: ​Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил погоден во напад со беспилотни летала во Црното Море во близина на Одеса, предизвикувајќи пожар и оставајќи го бродот без дел од своите технички системи, објавија германските медиуми.

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил цел на напад со беспилотни летала во Црното Море, објави германскиот весник „Билд“. Според извештаите, бродот бил погоден неколку пати, предизвикувајќи пожар и прекин на работата на неколку технички системи, со што бродот не можел да маневрира.

Додека екипажот бил евакуиран на безбедно место, бродот повторно бил нападнат, според германскиот весник. Во моментот на нападот на бродот имало 11 членови на екипажот, од кои ниту еден не бил германски државјанин. Според достапните информации, нема повредени.

Бродот „ЕМИЛ“ наводно бил погоден во Црното Море, на околу 21 наутички милји од украинското пристаниште Одеса. Бродот моментално плови под знамето на Либерија и е во сопственост на германската бродска компанија „Johann M. K. Blumenthal GmbH & Co. KG“, со седиште во Хамбург.

Руското Министерство за одбрана ги потврди нападите на својот Телеграм канал. Москва соопшти дека нејзините беспилотни летала погодиле два товарни брода во Црното Море, јужно и источно од Одеса, преку ноќ, тврдејќи дека превезуваат воен товар.

Другиот брод за кој се тврди дека е погоден е товарниот брод „Мера Квин“, кој плови под знамето на Гвинеја-Бисао. Според германскиот весник, еден член на екипажот е убиен во нападот.

Извор: Б92

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погребан руски генерал– загина во експлозија во Москва?

Рускиот генерал-мајор Валериј Плохотњук, кој наводно загинал во експлозија во Москва на 1 август, е погребан денес, објави рускиот независен медиум Медиазона, повикувајќи се на податоци од отворени државни бази на податоци.

Погребан руски генерал– загина во експлозија во Москва?

Претходно, каналот Чека-ОГПУ на Телеграм објави дека погребот на генерал-мајор Валериј Плохотњук се одржа вчера на гробиштата Троекуровски во Москва. Според каналот, тој загинал во експлозија во ресторанот „Балзи Роси“ на 1 август.

Во 2022 година, Плохотњук бил заменик-командант на 49-та комбинирана вооружена армија на Руската Федерација.

Медиазона забележува дека, според податоците од државните регистри, Плохотњук починал на 1 август.

Експлозијата на терасата на ресторанот „Балзи Роси“ во центарот на Москва се случила на 1 август.

Руските канали на Телеграм првично објавија дека експлозијата е предизвикана од истекување на гас, но рускиот Национален антитерористички комитет подоцна соопшти дека е детонирана рачно изработена експлозивна направа донесена од жена. Таа, обезбедувањето на ресторанот кое одбило да ја пушти внатре, и еден од гостите починале на самото место, а 21 лице биле повредени.

Утрото на 2 август, медиумите објавија дека бројот на жртви се искачил на пет, а најмалку шестмина се во сериозна состојба.

Руските медиуми објавија дека целта на експлозијата во елитниот московски ресторан можеби бил врховниот командант на руските воздухопловни сили, Александар Чајко, кој е на судење во Украина за воени злосторства, особено во Буча.

Фактот дека Чајко бил цел на експлозијата го објавија и рускиот воен командант Кирил Федоров и каналот на Телеграм „Записки ветеринар“. Прорускиот пропагандист Анатолиј Шариј објави видео од подготовките за прославата во објектот. На ѕидот зад сцената пишувало „Александар 55“ – толку години Чајко наполнил на 27 јули.

Извор: Б92

Тагови: москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер