Експерти: Нема простор за загриженост околу безбедноста на вакцините против ковид – 19 - Канал 5

Македонија

Експерти: Нема простор за загриженост околу безбедноста на вакцините против ковид – 19

Место за загрижност за вакцините против коронавирусот нема, тврдат експертите. 

Експерти: Нема простор за загриженост околу безбедноста на вакцините против ковид – 19

Доцент Д-р Мери Киријас од Институтот по имунобиологија и хумана генетика при Медицинскиот факултет за Канал 5 вели дека за да се употребува вакцина претходно минува низа механизми што ја потврдиле нејзината ефикасност и безбедност.

Таа појаснува, актуелните „Фајзер“ и „Модерна“ имаат над 95% успешност.

- Ова значи дека од 100 луѓе што се вакцинирани, 95 имале детектирани антитела или клеточен имунитет, докажале дека се создал имунитет кон SARS-CoV-2 вирусот. Едната гранка опфаќа одговор на тоа дали вакцината е ефикасна, треба да поттикне создавање на имун одговор, што е задача на секоја вакцина. Другата гранка, пак, се однесува на безбедноста. Секако и тоа се испитува, а подложи на многу строги контроли пред да биде одобрена од страна на било која институција или држава, вели Доц. Д-р Мери Киријас.

Негативни ефекти се болка на местото каде што се прима вакцината, замор или блага температура, а иако целосно не се исклучува, нема доказ дека вакцината може да предизвика алергиска реакција.

- Одреден процент од индивидуите може да почувствуваат благи симптоми како главоболка, неспрецифични симптоми што траат еден до два дена. Ова не значи дека сите ќе ги почувствуваат тие симптоми. Досега нема податоци, нема објавено дека алергија на некоја храна ќе предизвика и алергиска реакција на вакцината. Самата вакцина не содржи такви состојки, а производителите имаат објавено дека вакцината содржи протеини од јајце, или нешто слично, вели Киријас.

Според досегашните информации, вакцините што веќе се употребуваат во светот, би требало да се ефикасни и против новиот мутиран сој на коронавирусот чие присуство освен во Велика Британија е потврдено во Холандија, Данска и Австрија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-фото: Џеј Ло воодушеви во Милано, Ѓердан од 74 карати и фустан за кој зборува светот

Светската музичка ѕвезда, Џенифер Лопез официјално пристигна во Милано и веднаш се фати за работа, создавајќи незаборавни моменти на Модната недела.

Видео-фото: Џеј Ло воодушеви во Милано, Ѓердан од 74 карати и фустан за кој зборува светот

Латино дивата Џенифер Лопез се појави во италијанската престолнина на модата за време на Модната недела во Милано и, со внимателно одбран елегантен, но и впечатлив стајлинг – луксузен црн балски фустан достоен за модерна принцеза – ги остави сите без здив.

57 годишната, Џеј-Ло беше фотографирана како шета низ Милано во впечатлива креација во целосно црна боја. Скулптуралниот фустан со потпис на „Долче и Габана“ се одликуваше со припиен корсет инспириран од долната облека, украсен со нежна тантела и романтично, длабоко деколте.

Од половината, силуетата драматично се ширеше во раскошно здолниште со полна должина, прекриено со црни цветни апликации со тродимензионален ефект и блескави украси.

Во еден момент, Џенифер Лаупер дури и заигра со еден маж од публиката и направи неколку вртења – погледнете како изгледаше тоа.

@voguemagazine From the block to the Galleria runway. #Jlo just walked #VogueWorld: Milan in #DolceAndGabbana ♬ original sound - Vogue
Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ал Пачино повторно со поранешната партнерка 54 години помлада од него- Еве што ги спои повторно

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Ал Пачино повторно со поранешната партнерка 54 години помлада од него- Еве што ги спои повторно

Поранешните партнери се појавија заедно во Лос Анџелес, а фотографијата и описот што ги објави Нур ја открија причината за нивното повторно обединување.

Холивудскиот великан, актерот Ал Пачино и неговата поранешна партнерка Нур Алфалах – која е 54 години помлада од него – повторно го привлекоа вниманието на јавноста со тоа што се појавија заедно во Лос Анџелес.

Легендарниот 86-годишен актер и 32-годишната продуцентка присуствуваа на отворањето на Музејот на наративна уметност „Лукас“, а Нур сподели нивна заедничка фотографија на Инстаграм.

Покрај фотографијата, таа остави краток, но впечатлив опис: – Мајката и таткото на Роман – напиша таа, додавајќи емотикон со црвено срце.

Со ова таа покажа дека, без оглед на природата на нивната моментална врска, ги поврзува нивниот тригодишен син Роман, кој се роди во 2023 година.

За таа пригода, и двајцата избраа црни комбинации, а нивната блискост повторно поттикна прашања за тоа каква е нивната врска денес.

Нејзината сестра, Софија Алфалах, во коментарите напиша „Вечерно излегување за родителите“, со што дополнително ја истакна нивната заедничка улога како родители.

Пачино и Нур претходно беа во романтична врска, но кога во интервју за списанието „Пипл“ (People) во 2024 година беше прашан дали е во врска, славниот актер одговори: „Не. Имам пријателски однос.“

Неговиот претставник тогаш исто така изјави дека Пачино и Алфалах останале добри пријатели и заеднички се грижат за својот син, Роман.

Тагови: Ал Пачино

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Дефанзивецот на англискиот премиерлигаш од Енфилд Роуд, Енди Робертсон јавно зборуваше за смртта на својот соиграч и пријател Диого Жота и за тоа колку тешко му било на целиот тим на Ливерпул.

Робертсон проговори за целосниот распад во Ливерпул-„Бев на неговата свадба, а една недела подоцна тој почина“

Диого Жота за жал почина минатата година на само 28-годишна возраст, во тешка сообраќајна несреќа заедно со својот брат Андре Силва.

Тоа беше тежок удар за неговите најблиски, но и за сите во Ливерпул. Енди Робертсон беше еден од неговите најблиски пријатели во клубот и нему сè уште му е тешко да зборува за тоа.

„Тешко е да се опише и да се зборува за она низ што сите поминавме. Беше ужасно. Ако зборуваме за новите засилувања... Новите играчи дојдоа во клуб чие срце беше скршено. Многу ми беше жал за нив. Дојдоа за големи пари – зборувам за фудбалот. Им требаа неколку месеци за да се прилагодат. Искрено, не ни беше грижа за фудбалот. Тоа беше вистината. Изгубивме еден од нашите најдобри пријатели од соблекувалната“, рече Робертсон, кој донекаде застана во одбрана на Флоријан Вирц, Александар Исак и скапите засилувања што пристигнаа во тоа време.

Тој призна дека најтешко му паднало тоа што претходно бил на свадбата на Жота – сите биле среќни и весели. А потоа... „Сите фудбалери го имаат тоа нешто, таа предност. А кога ќе го изгубите тоа, не можете да играте на највисоко ниво. Кога се навраќам на минатата сезона, гледам дека ја изгубивме решителноста. Се прашувавме: 'Која е поентата на сè? Погледнете го семејството и децата на Жота'. Бевме во жалост; тој за нас не беше само играч – беше навистина тешко. Само една недела претходно бев на неговата свадба – една од најтешките ситуации во мојот живот – а веќе следната недела го гледав неговото семејство скршено од болка.“

Тагови: Ливерпул

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер