Сирените од времето на Југославија не работат, а засега само идеа остана и планот граѓаните во случај на итност да се предупредуваат со СМС пораки.

Во незавидна состојба се и скривниците, за чие одржување надлежност имаат и ДЗС, општините и граѓаните.. Директорот на ДЗС – Ангелов вели дека оние со кои тие стопанисуваат во рок од една година ќе бидат целосно функционални.

-Имаме и неколку специјални скривници на територијата на државата, карактеристика е дека дел од нив се во лоша состојба, од оваа позиција директор на ДЗС правам обиди оние кои што се под наша надлежност да бидат ставени целосно во функција и на добар пат сум тоа да биде реализирано во наредната една година, останатите, кои се во надлженост за локалната самоуправа, треба да се зборува со градоначалниците,- Стојанче Ангелов – Директор за заштита и спасување.

Иранските проектили имаат дострел до Македонија, но за среќа, според експертите, властите во Техеран немаат никаков интерес да не гаѓаат. Сепак, подготвеноста на земјава според универзитетскиот професор Методи Хаџи Јанев е загрижувачка. Само влезот во НАТО не е доволна одбрана за систем што 30 години еродирал и кој, и покрај воведување на современи системи, покажува сериозна слабост на сајбер напади, кои можат да предизвикаат значителна штета.

-Приказните со бомбите, приказните кои ни се случуваа со сајбер нападот на Фондот само ни покажуват дека системот е ранлив на вакви сегменти и покажуваат дека безбедноста ја земаме здраво за готово, што за жал, мора да кажам дека е резултат на ерозија, како во врвната мисла во доменот на безбедносниот сектор во измиантиве 30 години, така и во однос на политичката посветеност. Не може да очекувате дека сега ако сте НАТО – членка дека сега работата е завршена, мораме многу повеќе и посериозно да се посветиме на тоа и да размислиме кои се следните чекори. Што е тоа што треба да го направиме, дали ќе имаме капацитети ако се случи најлошото сценарио да бидеме инволвирани во глобален конфликт. Мора да најдеме одговор на сите овие прашања кои сега се празни и неодговорени,- Методи Хаџи – Јанев.

Од почетокот на војната на Блискиот Исток, на мета на сајбер напад се најде Албанија, каде има преку 3000 ирански опозиционери. Хакерскиот нападот се изврши на парламентот во Тирана и од интерес за Иран во регионов, според експертите би бил токму западниот сосед. Минимални можности постојат и за Бондстил, базата на САД во Косово, но и тој сега е под оператива на европските сојузници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.