Наводно, сакал веднаш да го кремира нејзиното тело и планирал да искешира животно осигурување од 500.000 долари.

Докторот Конор Бауман (30) од Минесота е обвинет за убиство од втор степен на неговата сопруга Бети Бауман (32), фармацевт, која исто така работела во светски познатата болница.

Бети била примена во болница на 16 август поради гастроинтестинални тегоби и дехидрација, симптоми слични на труење со храна.

Нејзината состојба се влошила - развила проблеми со срцето, почнало да се акумулира течност во нејзините бели дробови и ѝ бил отстранет дел од дебелото црево - пред да умре од откажување на органите четири дена подоцна.

Конор се обидел да ги убеди властите да не вршат обдукција и побарал телото на неговата сопруга веднаш да биде кремирано, тврдејќи дека нејзината смрт е природна, пренесува New York Post.

Тој исто така рекол дека неговата сопруга „не сака да биде мртовец“ и прашал за временската рамка за токсиколошки тест, објави CBS News.

Во изводот на смртта тој рекол дека неговата сопруга боледувала од ретка болест наречена ХЛХ, при која имунолошкиот систем ги напаѓа органите во телото. Се вели дека Бети починала по ненадеен почеток на автоимуна и заразна болест.

Меѓутоа, нејзината болест никогаш не била дијагностицирана, а полицијата на 21 август била известена дека нејзината смрт е сомнителна.

Еден од пријателите на Бети им кажал на инспекторите дека нејзиниот брак бил пред развод поради неверство и други проблеми и дека парот имал посебни банкарски сметки поради долговите на Конор.

Конор му рекол на еден пријател дека е подготвен да искешира 500.000 долари за животно осигурување, според изјавата.

Инспекторите разговарале со маж кој се допишувал со Бети пред таа да умре.

Вечерта пред да биде хоспитализирана, Бети му испратила порака дека е дома и пие со Конор. Следното утро му напишала дека ѝ се гади и дека мисли дека смутито е виновно.

Полицијата добила налог за проверка на лаптопот на Конор и открила дека тој барал информации за колхицин, лек кој се користи за лекување на гихт кој бил пронајден во нејзиниот систем откако таа се разболела.

Тие, исто така, забележале интернет пребарувања поврзани со криење информации од полицијата, како и каде да се набави натриум нитрат, лек кој се користи за ограничување на кислородот во крвта.

Конор ја барал и ја нашол смртоносната доза на колхицин со претворање на тежината на неговата сопруга во килограми и множење со 0,8 - каде што 0,8 mg/kg се смета за смртоносна количина, објави KSTP, цитирајќи ја тужбата.

Таа не боледувала од гихт, состојба која предизвикува интензивна болка во зглобовите, изјавија официјални лица. Сепак, токсиколошките извештаи покажале дека супстанцата била присутна во нејзиниот систем ден откако била хоспитализирана.

Конор, исто така, наводно ги проверил медицинските досиеја на Бети и во еден момент бил ставен во нејзиниот тим за нега, давајќи му пристап до нејзините медицински досиеја без да мора да ги внесува неговите ингеренциите.

Конор бил уапсен во петокот откако нејзината смрт била прогласена за убиство. Тој е обвинет за убиство од втор степен, а кауцијата е одредена на два милиони долари.

Полицијата во неговиот дом пронашла сметка од банкарски депозит од 450.000 долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.