Пазарот на труд во најдобро време е садистичка игра на столчиња, но вештачката интелигенција би можела да биде таа што ќе ги „згрне“ најголем дел од местата пред да престане музиката, оставајќи голем број луѓе без работа.

Во поголемиот дел од човечката историја, луѓето користеле свој труд за да ги добијат работите и парите што им се потребни, но ако економијата повеќе не ја бара таа работа и вредноста на човечкиот труд драстично падне, тоа ќе претставува огромна промена.

Во интервју за подкастот „Diary of a CEO“, експертот за вештачка интелигенција, д-р Роман Јамполовски, предупреди дека до 2027 година најверојатно ќе имаме општа вештачка интелигенција, а заедно со развојот на функционални хуманоидни роботи тоа ќе значи дека „нема смисла да се вработуваат луѓе за повеќето работни места“.

„Во рок од пет години, целиот физички труд може да се автоматизира,“ предупреди тој за промените во светот на трудот до 2030 година.

„Значи, гледаме свет со ниво на невработеност какво никогаш претходно не сме виделе. Не зборувам за 10 проценти невработеност, што е страшно, туку за 99 проценти.“

Сепак, постојат пет сектори кои би можеле да преживеат:

1. Човечки допир за оние кои можат да си го дозволат

Д-р Јамполовски рече: „Сè што ќе остане се работи каде, поради било која причина, ќе преферирате друг човек да ја изврши задачата за вас.“

Тој наведе дека сметководството би можело да биде таква улога, бидејќи иако вештачката интелигенција може многу брзо да извршува пресметки, луѓето „го сакаат традиционалниот начин на работа“, бидејќи тоа го задржува човечкиот допир.

„Ворен Бафет нема да премине на вештачка интелигенција. Тој би го користел својот човечки сметководител,“ додаде тој.

2. ‘Фетиш’ за рачно изработени креативни производи

Јамполовски смета дека ќе постои мал дел од пазарот за луѓе кои сѐ уште преферираат рачно изработени производи, но дека тоа е „приближно фетиш“ и нема да биде доволно за одржување на голем број работни места.

Тоа е слично на ситуацијата каде што луѓето плаќаат повеќе за рачно изработени локални производи отколку за масовно произведени во Кина, но тој додава дека тоа ќе остане „мал дел од пазарот“.

3. Консултанти и терапевти

Иако постојат луѓе кои користат вештачка интелигенција како терапевт, постојат многу предупредувања за ризиците од тоа. Луѓето повеќе ќе ги вреднуваат оние со личен животен опит отколку алгоритми.

„Во свет со суперинтелигенција – дефинирана како подобра од сите луѓе во сите области – што можете да допринесете? Вие знаете подобро од било кој што е да си човеч,“ вели Јамполовски.

4. Растечки индустрии што ќе зависат од вештачка интелигенција

Ќе бидат потребни луѓе кои ќе ја регулираат вештачката интелигенција. Идеално, нема целосно да се елиминира човечката одлука од сите процеси на вештачката интелигенција, па ќе постојат луѓе чие работно место ќе биде да ѝ даваат надзор.

Јамполовски не мисли дека долгорочно е возможно да се држи вештачката интелигенција строго контролирана, но вели дека надзорот сега би довел до постепено воведување на вештачка интелигенција и суперинтелигенција во следните 50 години наместо за пет.

5. Професии за објаснување на вештачка интелигенција

Ќе постојат работни места за посредници кои ќе ја објаснуваат вештачката интелигенција на луѓето кои не знаат како да ја користат. На пример, ќе биде потребно лице кое разбира како функционира вештачката интелигенција и знае како да ја објасни на луѓето, особено ако се имплементира во некоја компанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.