Ексл Роуз веќе нема да го фрла микрофонот во публика, откако сериозно повреди обожувателка - Канал 5

Шоу биз

Ексл Роуз веќе нема да го фрла микрофонот во публика, откако сериозно повреди обожувателка

Американскиот пејач Ексл Роуз вети дека ќе престане да го фрла микрофонот во публиката, откако една обожавателка наводно била повредена на неодамнешниот настап во Австралија.

Ексл Роуз веќе нема да го фрла микрофонот во публика, откако сериозно повреди обожувателка

Роуз, пејачот на американската рок група Ганс енд Роузес, кој оваа година го прослави својот 60-ти роденден, редовно ги завршуваше своите настапи давајќи ѝ можност на публиката да го земе неговиот микрофон.

Меѓутоа, за време на настапот во Аделаида Овал во вторникот, обожувателката од публиката, Ребека Хоу била погодена со микрофонот во лицето, јавуваат австралиските медиуми.

„Ако ова е вистина, очигледно не сакаме некој да биде повреден... на кое било наше шоу каде било“, напишал Ексл Роуз на Твитер.

„Фрлајќи го микрофонот на крајот од нашите шоуа повеќе од 30 години, отсекогаш чувствувавме дека тоа беше познат дел од самиот крај на нашето шоу што обожавателите го посакуваа и знаеја дека имаат шанса да го зграпчат“, додаде Роуз.

„Без разлика, во интерес на јавната безбедност, отсега ќе се воздржуваме од фрлање микрофони или било што на навивачите за време на нашите шоуа“, напиша Роуз.

Роуз рече дека некои сакале да го прикажат инцидентот во „негативно и неодговорно светло“, што според него не е точно.

„Голема благодарност до сите за разбирањето“, заклучи Роуз.

Инцидентот во градот Аделаида наводно се случил за време на завршната песна на бендот, „Рајски град“. Фотографиите објавени во локалните медиуми покажуваат дека Хау покажува модринки под очите и исеченици на работ на носот. Ганс енд Роузес следната година за прв пат треба да настапат на фестивалот „British Summer Time“ во лондонскиот Хајд Парк.

Американските рокери, пејачот Роуз, гитаристот Слеш и басистот Даф МекКаган ќе бидат главна атракција во петок на 30 јуни. Освен нив, на фестивалот беа најавени Take That, P!nk, Billy Joel, Bruce Springsteen, E Street Band и Blackpink, кој изведува корејска поп музика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај утре во Скопје поради посета на делегација од Република Косово

На 27.10.2026 (вторник) во официјална посета нa Македонија ќе присуствува претседателката на Собранието на Република Косово, Н.Е. г-ѓа. Албулена Хаџиу.

Посебен режим на сообраќај утре во Скопје поради посета на делегација од Република Косово

Од тие причини Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на Град Скопје.

Апелираме до сите граѓани учесници во сообраќајот да се почитуваат наредбите кои ќе ги даваат полициските службеници.

Тагови: режим на сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Упад на Информер: Драма на телевизија, Вучиќевиќ повика полиција

Група од неколку десетици луѓе, се собраа пред ТВ Информер вечерва, а подоцна упаднаа во редакцијата.

Упад на Информер: Драма на телевизија, Вучиќевиќ повика полиција

Меѓу нив е и Дијана Хрка, мајка на една од жртвите од уривањето на настрешницата на железничката станица во Нови Сад.

Видео на кое се гледа групата пред Информер беше објавено на социјалните мрежи.

„Да одржиме колегиум заедно“, стои во описот на видеото, во кое се слуша викање од толпата.

Група луѓе насобрани упаднаа во Информер

Главниот уредник на Информер, Драган Ј. Вучиќевиќ, рече дека групата тропала по прозорците и вратите и дека, како што тврди, „скршиле една од вратите на влезот во телевизиската станица“.

„Тропаат по прозорците, скршија една врата, сега одат на другиот влез. Сакаат да провалат“, рече главниот уредник на Информер.

За време на емисијата, тој ја повика полицијата да реагира.

Вучиќевиќ го повика лидерот на Студентската листа, Илија Срдановиќ, да реагира во живо на програмата.

Потоа толпата упадна во редакцијата, вклучувајќи ја и Дијана Хрка.

Како што може да се види во преносот во живо на телевизија, неколку компјутери беа скршени.

Полицијата пристигна пред Информер во полна опрема.

Драган Ј. Вучиќевиќ ја напушти редакцијата во придружба на група насобрани луѓе

По расправија со Дијана Хрка и другите присутни, главниот уредник на Информер Драган Ј. Вучиќевиќ ја напушти канцеларијата во придружба на насобраните луѓе.

Извор: Блиц

Тагови: Србија Информер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Теа Таировиќ итно оперирана поради внатрешно крварење

Според пишувањата на локалните медиуми, Теа Таировиќ била подложена на итна операција поради внатрешно крварење.

Теа Таировиќ итно оперирана поради внатрешно крварење

Веста за здравствената состојба на популарната пејачка предизвика загриженост во јавноста, откако се појавија информации дека таа во текот на ноќта била хоспитализирана, нејзиниот ПР-тим излезе со соопштение.

Како што пренесува „Блиц“, лекарите одлучиле да извршат итна операција по извршениот преглед. Во соопштението од нејзиниот тим се потврдува дека Теа сега е добро.

Веста за итната операција на Теа Таировиќ ги вознемири нејзините бројни обожаватели, кои со нетрпение очекуваат нови информации за нејзиното закрепнување. Извори за „Блиц“ наведуваат дека пејачката била примена во болница синоќа, а по лекарските прегледи, лекарите утврдиле дека е неопходна итна операција.

Медиумот пренесува дека станувало збор за внатрешно крварење, а според изворите, животот на пејачката бил загрозен. Сериозноста на ситуацијата ја потврдува и фактот што медицинскиот тим реагирал веднаш.

Теа Таировиќ сега е добро, потврдува нејзиниот ПР-тим

По веста за итната операција, стигна информација и од тимот на пејачката. Нејзиниот ПР-тим потврди дека Теа Таировиќ сега е добро, но одбија да изнесат повеќе детали за нејзината здравствена состојба.

„Теа Таировиќ сега е добро. Не сакаме да откриваме детали за нејзината здравствена состојба. Таа лично ќе ѝ се обрати на јавноста штом ќе биде во можност. Ве молиме за разбирање“, изјавија од ПР-тимот на Теа Таировиќ.

Засега нема дополнителни информации за настаните што довеле до хоспитализацијата, ниту пак за тоа колку долго ќе трае нејзиното закрепнување.

Тагови: Теа Таировиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер