Ексклузивни официјални фотографии од венчавката на ракометарот Дејан Манасков и Билјана Стојановска: Младенците блескаат, очекуваат и принова! - Канал 5

Живот

Ексклузивни официјални фотографии од венчавката на ракометарот Дејан Манасков и Билјана Стојановска: Младенците блескаат, очекуваат и принова!

Ракометарот Дејан Манасков, кој настапува за македонската ракометна репрезентација и РК Еурофарм Пелистер, последниот ден од јануари стапи во брак со својата сакана Билјана Стојановска.

Ексклузивни официјални фотографии од венчавката на ракометарот Дејан Манасков и Билјана Стојановска: Младенците блескаат, очекуваат и принова!

Еден од најдобрите македонски ракометари, крилото на „Еурофарм Пелистер“ Дејан Манасков и директорката на маркетинг и финансии во Канал 5 телевизија – Билјана Стојановска одлучија својата долгогодишна врска да ја крунисаат со брак на 31.01.2026.

Канал 5 телевизија официјално се придружува кон честитките на овој нов брачен пар со посебно задоволство бидејќи нивната прва средба беше токму во просториите на оваа телевизиска куќа.

Билјана го изговори судбоносното „да“ во креација од дизајнерот Марков, тоалета од свилен сатен со долг впечатлив шлеп, која за време на венчавката во црква беше дополнета со елегантна наметка од бел кашмир и детали од природни пердуви. Ракометарот пак се одлучи за темно кафен костум кој совршено му прилегаше.

Венчавката беше интимна, во кругот на најблиското семејство и пријателите, а се одржа во црквата Рождество на Пресвета Богородица. Свештеничката служба збогатена со пеењето на црковниот хор ги стоплија срцата на присутните.

Граѓанското склучување на брак и свечената вечера се одржаа во винаријата Камник, во топол зимски амбиент. Покрај фамилијата присуствуваа и нивните најблиски пријатели и личности од светот на спортот и музиката, а официјални сведоци на склучувањето на бракот беа ракометарот Гоце Ојлески (кум) и стилистката Јована Зука (старосватица).

По овој повод, Канал 5 телевизија ви открива ексклузивни фотографии од венчавката, воедно на младенците им посакува среќен и долг брак, богато потомство и бројни, прекрасни заеднички моменти!

Тагови: Билјана Стојановска венчавка дејан манасков Канал 5

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот. 

Видео: Бебе истрча на терен и прекина натпревар во американската МЛС

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовска: Владата инвестира денес, за граѓаните да имаат подобро здравство утре со нови болници, модерни здравствени центри и нов клинички во Скопје

Kога зборуваме за здравството, зборуваме за нешто што директно го засега секој граѓанин. 

Николовска: Владата инвестира денес, за граѓаните да имаат подобро здравство утре со нови болници, модерни здравствени центри и нов клинички во Скопје

Затоа определбата на Владата предводена од ВМРО-ДПМНЕ е да изградиме здравствен систем кој ќе биде модерен, функционален и достапен за сите.

Затекнавме здравство со сериозно запуштена инфраструктура, нефункционални установи, недоволна опрема и објекти во кои со години речиси ништо не било инвестирано.

За да ги подобриме состојбите, фокусирани сме на реализација на Клиничка болница во Штип, Клиничката болница во Тетово, Здравствениот дом во Кичево со проширена дејност, како и студентскиот дом и факултетот за медицински науки.

За овие проекти веќе беше објавен меѓународен повик за финансиери и веќе имаме добиено необврзувачки и индикативни понуди кои се поволни и прифатливи.

Паралелно ја разгледуваме изградбата на големиот клинички центар во Скопје.

Проект кој треба да биде еден од најзначајните здравствени проекти во современата историја на државата.

Една од локациите што се разгледува е кај базенот Борис Трајковски, која е стратешка локација која има пристап до два булевара, до гасоводна мрежа и е во непосредна близина на обиколницата.

Станува збор за локација во приватна сопственост и во тек се разговори со сопственикот за можност за замена на земјиштето.

Нашата визија е да изградиме ултрамодерен клинички центар кој нема да биде само за Скопје и за граѓаните на Македонија, туку ќе создаде можност за да привлекуваме пациенти и од соседните држави.

Планот предвидува и топол подземен премин под булеварот Илинденска кој ќе го поврзе новиот комплекс со постоечката болница 8ми Септември.

Во целина се вклопуваат и ПЕТ центарот кој го развиваме како и поликлиниката Букурешт. Тоа значи создавање на целосно заокружен здравствен комплекс со современа инфраструктура и поврзани здравствени услуги.

Од друга страна во изминатиот период целосно ги реконструираме оперативниот блок, интензивната нега, патологијата, клиничката лабораторија и кровната конструкција на болницата 8ми Септември.

Целосно е реконструирано и одделението за трауматологија во Старата градска болница, објектот во кој со децении немало сериозна инвестиција. А во ГАК вложени се околу 110 милиони денари, од кои околу 35 милиони денари во реконструкција и околу 75 милиони денари во современа медицинска опрема.

Во Клиничкиот центар Мајка Тереза веќе се реконструирани шест операциони сали, а во следните неколку месеци се очекува да бидат пуштени во употреба уште 4 современи операциони сали. Тоа значи дека ќе имаме вкупно 10 модернизирани операциони сали. Реновиравме повеќе од 10 здравствени објекти и клиники и набавивме современа медицинска опрема вредна неколку милиони евра.

Со ова покажуваме дека проблем по проблем, болница по болница и клиника по клиника здравството го менуваме.

Затоа нашата цел и заложба е граѓаните да добијат здравствени установи какви што заслужуваат современа опрема и здравствен систем кој ќе биде подготвен за иднината.

Владата предводена од ВМРО-ДПМНЕ инвестира денес за граѓаните да имаат подобро здравство утре.

Александра Николовска, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер