Екс-вишиот обвинител Мустафа Хајрулахи обвинува дека му се загрозени правата во истрагата што се води против него - Канал 5

Екс-вишиот обвинител Мустафа Хајрулахи обвинува дека му се загрозени правата во истрагата што се води против него

Додека го чека исходот од истрагата покрената пред седум месеци, суспендираниот шеф на Вишото јавно обвинителство Скопје Мустафа Хајрулахи, со нови обвинувања дека постапката против него е „хајка“.

Екс-вишиот обвинител Мустафа Хајрулахи обвинува дека му се загрозени правата во истрагата што се води против него

Вели дека поднел уште една кривична пријава против Обвинителката од Штип која ја води постапката во која тој е осомничен за малтретирање во вршење на службата и злоупотреба на положбата. Хајрулахи тврди дека освен тоа што таа не постапувала според основните начела, сега, како што вели тој, записници за испитување на сведоци .

-Истата направила невиден преседан, односно фалзификувала јавна исправа, записник за испитување на сведок. Во четири записници за испитување на сведок навела време на сослушување и време на завршување на сослушувањето кое се поклопува во сите четири документи. Оттаму, може да се контатира дека не може еден ист јавен обвинител со ист дактилограф истовремено да присуствува и да сослушува четворица сведоци. Од тие причини поднесов и против нејзе и против дактилографот, односно записничарот, кривична пријава за фалсификување на јавна исправа. За истото го извештив и Вишиот јавен обвинител на Вишото јавно обвинителство Штип, но очигледно спрегата помеѓу Коцевски, вишиот јавен обвинител Бојаџиски и Јавниот обвинител Татјана Кацарова е толку јака и цврста,--Мустафа Хајрулахи.

Пред неколку месеци, освен против обвинителката што ја води истрагата, Хајрулахи поднесе кривична за злоупотреба на службената положба и против Јавниот обвинител Љупчо Коцевски, а и уште тројца. Според него, со постапувањето, меѓудругото, прекршени му се и човековите права.

Ваквите обвинувања, од Обвинителството не ги коментираат. Оттаму за Канал 5 велат дека истрагата е во завршна фаза, и како што наведуваат, во целост се води според законските прописи.

-Предметот е во завршна фаза на истражната постапка која се води целосно во согласност со одредбите на ЗКП. Обвинителството не е во можност да коментира наводи од осомничени лица,--Јавно обвинителство.

Во меѓувреме, советот на јавни обвинители допра треба да одлучува за негово разрешување, откако пред една недела, Комисијата за дисциплински постапки при Обвинителството даде ваков предлог, поради, како што наведоа, неправилности во начинот на заведување предмети и носење нестручни одлуки од страна на Хајрулахи.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пејач на свадба ја прекина песната за да му одржи лекција на пијан гостин: Покажи малку почит! (ВИДЕО)

Снимка од свадба во Узбекистан привлече големо внимание на социјалните мрежи откако пејачката среде настап ја прекина музиката и јавно се обрати на еден од гостите.

Пејач на свадба ја прекина песната за да му одржи лекција на пијан гостин: Покажи малку почит! (ВИДЕО)

Видно изнервиран од неговото однесување, решил да му одржи лекција за учтивост и почит пред сите гости.

Непријатна ситуација настанала кога пијан гостин му пришол на пејачот за да го накити со пари. Меѓутоа, наместо да го продолжи настапот, пејачот ја прекина песната, го зеде микрофонот и грубо му порача дека парите не значат дека може да се однесува како што сака.

- Добро брат, покажи малку почит. Покажете малку почит. Не кажувај: „Ќе правам што сакам само затоа што ти дадов пет илјади“. Дали разбираш? Ќе те пријавам ако е потребно. Луѓето не се однесуваат вака кога пијат. Повлечете се заедно. Ако веќе пиеш, занимавај се со тоа, пиј колку што можеш – рече пејачот со повишен тон.

По неговите зборови, во салата завладеа непријатна тишина, додека видеото набрзо почна да се споделува на социјалните мрежи.

Во коментарите нагласија дека бакшишот никому не му дава за право да ги понижува музичарите или да бара од нив да направат нешто против нивна волја, а алкохолот не е изговор за недолично однесување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Почина лидер на неонацистичка организација- срцето му застанало пред судот, каде што давал исказ

Енрике Лемус, основач на неонацистичката организација „Нуклео Национал“ (Núcleo Nacional) и претседател на партијата „Новиембре Национал“, почина во вторник, 17 ноември, откако неколку дена претходно доживеа срцев удар во шпанскиот град Ваљадолид.

Почина лидер на неонацистичка организација- срцето му застанало пред судот, каде што давал исказ

Неговата смрт се случи само 11 дена откако беше уапсен во полициска операција насочена кон раководството на организацијата, чии членови се осомничени за нелегално здружување и злосторства од омраза.

Според шпанскиот портал elDiario.es, повикувајќи се на полициски и медицински извори, Лемус доживеал срцев удар во петок, 13 ноември, помеѓу 16 и 17 часот, во близина на судницата на улицата Ангустијас во Ваљадолид.

Не е познато дали во тој момент се упатувал кон судницата или само ја напуштал. Имено, по апсењето, судијата, како една од мерките на претпазливост, му наредил да се јавува на суд еднаш неделно, како и забрана за напуштање на Шпанија.

Лемус прво бил однесен во Универзитетската болница Клинико во Ваљадолид, а потоа примен во одделот за коронарна нега на болницата Рио Ортега, каде што починал. Веста за неговата смрт се појави на социјалните мрежи во вторник попладне, откако беше објавена од партијата Национална демократија.

Уапсен во голема полициска операција

На 6 ноември, шпанската национална полиција спроведе операција во неколку провинции, за време на која беа уапсени 14 лица поврзани со организацијата „Нуклео Национал“. Меѓу приведените беа нејзиниот портпарол Иван Рико, како и неонацистичката активистка Изабел Пералта.

Полицијата претресе неколку имоти поврзани со осомничените, вклучувајќи ја и куќата на Лемус на улицата Рекондо во Ваљадолид, каде што беше пронајдено огнено оружје наменето за спортски активности.

Истрагата ја води Судот за инструкции бр. 1 во Хихон, а истражителите ја испитуваат структурата и активностите на неонацистичката организација, чии членови се осомничени за нелегално здружување и злосторства од омраза.

Во судските документи, судијата опиша група која, под изговор на културни и спортски активности, била организирана според строга хиерархиска структура, со цел ширење идеолошка омраза, дискриминација и насилство. Според проценката на судот, постојат индикации дека станува збор за здружение од паравоена природа, со јасно дефиниран синџир на команда и подреденост меѓу нејзините членови.

На 12 ноември минатата година, судот нареди прекин на активностите на организацијата, затворање на нејзините канцеларии во Мадрид, Бургос и Ваљадолид и блокирање на нејзината дигитална содржина.

Лемус имаше долгогодишно искуство во екстремно десничарските движења. Пред основањето на „Нуклео Национал“, тој имаше позиции во партијата Национална демократија во Ваљадолид.

Тој беше генерален секретар на новата организација и беше одговорен за нејзината внатрешна организација и финансии. Исто така, учествуваше во административни процедури поврзани со организирање митинзи и демонстрации.

Во февруари 2026 година, тој ја иницираше регистрацијата на партијата „Новиембре Национал“ пред шпанското Министерство за внатрешни работи. Целта беше да се прошират активностите на организацијата на институционалната политичка сцена.

Според информациите објавени од радио станицата Кадена СЕР, формирањето на партијата беше и обид за создавање легална политичка алтернатива во случај „Нуклео Национал“ да биде забранет.

Во раководството на партијата беа вклучени Лемус како претседател, Давид Рико како секретар и Хесус Руиз како благајник.

Други лица вклучени во истрагата се Алберто Гонзало де Хуан, познат по прекарот „Пуџилато“, за кого истражителите се сомневаат дека бил задолжен за правната и советодавната работа на организацијата. Изабел Пералта, според она што е досега дознаено, била поврзана со нејзините меѓународни контакти.

Полициската истрага беше покрената по инцидентите што се случија на почетокот на 2026 година во близина на училиштето Ла Инмакулада во Хихон. Потоа истражителите ја проширија истрагата за да ги вклучат активностите, внатрешната организација и раководството на „Нуклео Национал“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дете ја дигна полицијата на нозе со фотографија од питон во тоалет- по два дена следуваше шок

Фотографија од питон во тоалет предизвика тревога во едно италијанско село, по што пожарникарите и карабинерите се упатија на местото на настанот.

Дете ја дигна полицијата на нозе со фотографија од питон во тоалет- по два дена следуваше шок

Сепак, вистината се покажа сосема поинаква.

Пребарувањето траеше 48 часа

Необичен инцидент се случи во селото Кастелфидардо, каде што гореспоменатата фотографија го вознемири едно семејство и соседството.

Зад сето тоа стоеше деветгодишно момче, кое на своите родители и пријатели им ја покажа сцената создадена со вештачка интелигенција на својот телефон - претставувајќи ја како вистинска, објавува Вера ТВ.

По речиси 48 часа пребарување, случајот беше решен кога момчето им призна на карабинерите дека сè измислило и дека станувало збор за шега.

Приказната се прошири низ интернет

Паниката беше крената во четврток вечерта. Пожарникарите отидоа на местото на настанот, темелно го прегледаа станот, но не ја пронајдоа змијата. Следниот ден, во потрагата се придружија и членови на специјализирана карабинерска единица.

Приказната брзо се прошири низ интернет и насмеа многу луѓе, но во исто време покрена важно прашање за можностите на вештачката интелигенција. Благодарение на оваа технологија, сè полесно е да се креираат фотографии/видеа што изгледаат толку убедливо што е тешко да се разликуваат од вистинските.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер