Свет

Екс-партнерката на учесникот во нападите во Париз во 2015 година, Салах Абдеслам осомничена за „терористички заговор“

Според бриселскиот весник „Соар“, во рамките на истрагите за „заговор за напад“ и за „криминален терористички заговор“, Маева Б. и уште две други лица биле приведени вчера и им е одредена мерка притвор до судењето.

Во пресрет на десетгодишнината од терористичките напади во Париз од 13 ноември 2015 година, француското Национално обвинителство за борба против тероризмот (ПНАТ) покрена две нови истраги за терористички заговори против поранешната партнерка на првоосомничениот за париските напади Салах Абдеслам, Маева Б.

Според бриселскиот весник „Соар“, во рамките на истрагите за „заговор за напад“ и за „криминален терористички заговор“, Маева Б. и уште две други лица биле приведени вчера и им е одредена мерка притвор до судењето.

Обвинителството соопшти дека истрагите се покренати врз основа на сознанија за „дискусии водени преку дигитални медиуми за посебен план за насилна акција, неповрзана со Салах Абдеслам“, кој како учесник во нападите во Париз во 2015 година е осуден на доживотен затвор без право на условно ослободување.

Постоењето на овие „дискусии“ е откриено при претрес на домот на Маева Б., спроведен откако кај Абдеслам бил пронајде УСБ стик, што таа му го предала.

Според обвинителството, осомничената при сослушувањето признала дека „го набавила УСБ уредот, го наполнила со џихадистичка пропаганда и му го предала на Салах Абдеслам за време на посета“ во затворот.

- Анализите на дигитални содржини покажаа дека тие главно се однесуваат на официјалната пропаганда на терористичките организации Исламска држава или Ал Каеда, соопшти Обвинителство, кое заклучува дека 27-годишната Маева Б. покажува „јасна радикализација и фасцинираност од џихадот“.

Покрај, Маева Б. во рамки на истрагата се уапсени и нејзиниот 20-годишен сопруг и еден 17-годишен малолетник.

Адвокатите на сопругот на Маева Б. изјавија дека нивниот клиент целосно ги негира обвиненијата против него и го обвинија ПНАТ дека со објавување на детали од истражната постапка „сериозно ја поткопува презумпцијата на невиност и го загрозува интегритетот на истрагата“.

Во рамки на новата истрага, Абдеслам изминатава недела во два наврати биле одведен на сослушување во Обвинителството за борба против тероризмот. По сослушувањата, Обвинителството информира дека иако „се уште е радикализиран“, Абдеслам „не бил вмешан во никакво планирање на напад“.

Ваквите информации ги потврдија и неговите адвокати, кои соопштија дека „правосудниот систем во никој случај не го сомничи дека, директно или индиректно, е вмешан во каков било криминален план“.

Инаку, Абдеслам, кој е роден во Брисел во 1989 година, има мароканско потекло и покрај белгиско, има и француско државјанство. Покрај, на доживотната затворска казна во Франција, тој е осуден и на 20 години затвор во Белгија, поради учество во престрелка во Брисел.

Серијата координирани терористички напади, што се случија во петокот на 13 ноември 2015 година во Париз, започна во 21:16 часот кога тројца бомбаши самоубијци се разнесоа пред стадионот „Стад де Франс“ во париското предградие Сен Дени за време на меѓународен фудбалски натпревар, откако не успеале да влезат на стадионот. Втора група напаѓачи потоа отвори оган врз неколку преполни париски кафулиња и ресторани, при што едниот од нив се саморазнесе со активирање на експлозивот што го носел на себе. Трета група терористи упаднаа во театарот „Батаклан“, каде стрелаа врз публиката, по што задржа дел од гледачите како заложници се до интервенцијата на полицијата.

Во нападите загинаа 137 лица, од кои 90 во „Батаклан“, а 416 лица беа ранети, од кои речиси 100 сериозно. Од десеттемина терористи вклучени во нападите, седуммина беа убиени од страна на полицијата или се саморазнесоа. Двајца од напаѓачите беа Ирачани, додека останатите се со арапско потекло, но родени во Белгија или Франција. Дел од нив се бореле во конфликтот во Сирија, а во Европа се вратиле во налетот на бранот сириски бегалци.

Одговорност за нападите презеде групата Исламска држава. Истрагата утврди дека нападите биле планирани во Сирија, а организирани од терористички ќелија со седиште во Белгија.

Тагови: Париз Салах Абдеслам

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Хобија со речиси ист ефект врз умот како и медитацијата

Кога станува збор за медитација, повеќето луѓе замислуваат мирно седење со затворени очи и фокус на дишењето.

Иако ова е најпозната форма на медитација, постојат неколку хобија кои можат да го смират умот и да го насочат вниманието на сегашниот момент.

Психолозите долго време истакнуваат дека одредени активности можат целосно да го преокупираат нашето внимание, така што секојдневните грижи и брзите мисли привремено исчезнуваат од фокусот, нивото на стрес се намалува.

1. Градинарство

Без разлика дали садите цвеќе, полевате зеленчук, плевите коров или ги посматрате растенијата, вниманието спонтано се насочува на она што се случува пред вас.

Растенијата растат по свое темпо, а градинарството нè потсетува дека некои работи не можат да се забрзаат, туку бараат грижа и внимание. Затоа ова хоби развива чувство на смиреност и прифаќање на природниот ритам на животот.

Особено радува кога ќе видите како вложениот труд во текот на неколку недели или месеци постепено се претвора во цвеќе, плодови или бујни билки. Видливиот напредок смирува, а свежиот воздух, движењето и фокусираното внимание ментално ве ослободува од товарот.

2. Печење од основни состојки

Правењето леб, колачи или други печива бара целосна концентрација - од мерењето на состојките и месењето тесто до крајниот производ.

За разлика од многу активности каде постојано го префрламе вниманието помеѓу пораките, електронската пошта и социјалните медиуми, печењето нè прави трпеливи. На тестото му треба доволно време да нарасне, а колачите не можат да се печат пред да им дојде времето. Во свет каде што сме навикнати на брзи резултати, печењето нè потсетува на важноста да успориме и да веруваме во процесот.

Споделувањето на она што сте го подготвиле со семејството или пријателите додава дополнителна емоционална вредност на ова хоби бидејќи поттикнува поврзување со другите.

3. Набљудување птици

Набљудувањето птици е еден од наједноставните начини да го вежбате вниманието. Наместо да размислуваме за утрешните задачи или минатите настани, фокусот се префрла на природата - движењето меѓу гранките, пеењето на птиците или воочувањето разлики меѓу видовите.

Ова хоби не бара никакво посебно предзнаење, ниту посета на национални паркови. Многу луѓе кога ќе обрнат внимание откриваат колку е разновиден дивиот свет во соседството, градските паркови, па дури и низ прозорецот.

4. Плетење или хеклање

Повторувањето на движењето со рацете има речиси терапевтски ефект. Плетењето и хеклањето бараат доволно концентрација за да го окупираат умот, но не дотолку за да предизвикаат дополнителен стрес. Затоа многу луѓе ги опишуваат овие активности како исклучително смирувачки.

Ритмот на движењата создава чувство на предвидливост и сигурност, а грешките не се причина за фрустрација. Доволно е да се расплетат неколку редови и да се продолжи понатаму, што исто така нè потсетува дека напредокот не мора да биде совршен за да биде вреден.

Друга предност на овие хобија е што напредокот е лесно видлив. Ред по ред, се создава шал, ќебе или друг предмет, што дава чувство на цел и покажува како малите, доследни чекори со текот на времето произведуваат конкретни резултати. По ментално напорен ден, комбинацијата од повторување, креативност и чувство на исполнетост може да има исклучително релаксирачки ефект.

5. Пешачење

Престојот во природа е еден од најприродните начини за смирување на умот. За време на подолга прошетка, вниманието спонтано се насочува кон патеката, пејзажот, временските прилики и на ритамот на сопствените чекори, наместо на мобилниот телефон и листата со обврски.

За разлика од вежбањето во затворен простор, природата постојано нуди нови глетки, звуци и мириси што нè враќаат во сегашниот момент и помагаат секојдневните проблеми да добијат поинаква перспектива.

6. Сликање или цртање

Изборот на бои, скицирањето форми, мешањето нијанси или испробувањето нови техники бара доволно концентрација што загрижувачките мисли постепено ја губат својата моќ.

Во уметноста, честопати не постои еден точен начин на работа, овозможува слобода за истражување, експериментирање и играње.

Многу возрасни се откажуваат од цртањето или сликањето зашто веруваат дека не се доволно талентирани или се премногу стари за такво хоби. Но, откажувањето од потребата за совршенство е често она што ги прави овие активности корисни за менталното здравје. Целта не е да се создаде ремек-дело, туку да си дозволите целосно да се посветите на креацијата.

Не постои универзален начин за опуштање

Важно е да се нагласи дека не постои „вистинско“ хоби или универзален метод на релаксација. Заедничко за сите овие активности е тоа што ни помагаат да го успориме темпото, да го намалиме нивото на стрес и барем накратко, да го стишиме ројот на мисли, токму како медитацијата.

Извор: ordinacija.vecernji.hr

Здравје

Урамнотежениот појадок е клучен за енергија во текот на денот

– Што е најдобро да се јаде наутро?

За појадокот да обезбеди доволно енергија за цел ден би требало да вклучува сложени јаглехидрати, протеини и здрави масти. Намирниците како овес, јајца и авокадо спречуваат ненадејни промени во нивото на шеќер во крвта, како и последичен замор, за разлика од појадокот што се сведува на кафе и печива.

Веројатно ви е познато чувството на краткотраен наплив на енергија после печиво од пекара, по кое набргу следува умор и повторно чувство на глас. За стабилно ниво на енергија, клучна е рамнотежата на макронутриенти кои гарантираат бавно и постепено ослободување на гликоза во крвотокот.

Сложените јаглехидрати се основа на енергијата

За појадокот да биде вистинско гориво за телото, тој мора да содржи избалансиран сооднос на сложени јаглехидрати, протеини и здрави масти. Комплексните јаглехидрати се клучни за утринската енергија бидејќи се варат побавно поради нивната висока содржина на влакна, за разлика од едноставните шеќери.

Кога го започнувате денот со овесна каша од цело зрно или интегрален леб со кисело тесто, на организмот му обезбедувате стабилен доток на гликоза без ненадејни скокови на шеќер. Хељдата и киноата имаат сличен ефект, а можат да се подготват и како топла утринска каша.

Протеини за долготрајна ситост

Само јаглехидратите не се доволни. За да се избегне пад на енергијата и да си обезбедите долготрајна ситост, важно е да се вклучат квалитетни протеини во оброкот. Јајцата се чест избор за појадок бидејќи содржат висококвалитетни протеини и витамини од групата Б, кои помагаат храната да се претвори во енергија.

Добри алтернативи се грчкиот јогурт и сирењето со малку маснотии, богати со казеин, протеин кој бавно се вари и на тој начин го продолжува чувството на ситост. За луѓето кои јадат храна базирана на растенија, тофуто е одличен извор на протеини и железо, чиј недостаток може да предизвика хроничен замор.

Улогата на здравите масти

Третиот важен елемент се здравите масти, кои обезбедуваат долготрајна издржливост. Авокадото, бадемите, оревите, чиа семето и ленено семе го забавуваат варењето на храната, го продолжуваат чувството на ситост и содржат магнезиум, минерал неопходен за производство на енергија во клетките. Лажица путер од кикирики или бадеми може да претвори обична чинија житарки во многу похранлив оброк.

Примери за избалансиран појадок

Сите горенаведени елементи можат лесно да се комбинираат. За солен појадок, можете да подготвите омлет од спанаќ и да го послужите со тост од цело зрно и малку авокадо. За оние кои сакаат слатки, овесната каша зготвена во вода или млеко може да се збогати со лажица протеини, шака боровинки и лажица семе од чиа за добар сооднос на влакна и антиоксиданси.

Кога немате многу време, решението е грчки јогурт измешан со шака бадеми и половина исечена банана. Таквиот оброк комбинира природни шеќери за брз почеток на денот и протеини кои обезбедуваат стабилност.

Што да се избегнува

За да се избегне ментална магла и замор кон средината на утрото, се препорачува да се избегнуваат печива направени од бело брашно и житарки во форма на снегулки и мусли, кои често содржат скриени шеќери.

Исто така, пиењето кафе на празен стомак веднаш по будењето може да го наруши природниот ритам на кортизол. Подобро е да го започнете денот со чаша вода, да јадете квалитетен појадок и да го испиете првото кафе дури околу еден час подоцна.

Извор: ordinacija.vecernji.hr

Автомобилизам

Шефот на „Aston Martin“ за рачните менувачи: „Многу покомплицирано отколку што изгледа“

„Aston Martin Valiant“ беше претставен на саемот за автомобили во Монтереј оваа недела, а изјавата на извршниот директор на компанијата за инсталирање рачни менувачи во „Aston Martin“ привлече внимание.

Извршниот директор на „Aston Martin“, Адриан Холмарк, објасни дека инсталирањето рачен менувач во модерен „Aston Martin“ е многу покомплицирано отколку што изгледа на прв поглед. Компанијата нудела рачни менувачи низ целата своја историја, но тие биле поврзани со постари архитектури на возила и електронски системи.

„Проблемот не е наоѓање рачен менувач, туку создавање електронски и адаптиран систем што може да работи со рачен менувач“, објасни Холмарк за „Road & Track“.

Голем дел од проблемот лежи токму во модерната електроника. Современите автомобили имаат сè поголем број системи за активна безбедност и помош на возачот, а некои од нив не се лесни за комбинирање со рачен менувач.

Холмарк особено ги издвои адаптивниот темпомат и системите за ублажување на последиците од судири. Според него, отстранувањето на овие функции или нивното прилагодување на рачниот менувач може да биде поскапо од развивањето на целосно нов рачен систем.

Сепак, примерите од други производители покажуваат дека не е технички невозможно да се комбинираат напредни системи за помош на возачот со рачен менувач. На пример, „Toyota GR86“ има адаптивен темпомат во сите верзии, додека „Honda Civic Type R“ исто така го има.

Затоа, останува уште едно важно прашање: дали развојот на таков систем е финансиски исплатлив?

Побарувачката за рачни менувачи повторно се зголеми меѓу ентузијастите, но тие сè уште претставуваат релативно мал дел од купувачите на скапи автомобили. Затоа, производителот мора да процени дали потенцијалната продажба ќе ги оправда трошоците за развој.

Холмарк, исто така, спомена интересно решение имплементирано од „Ferrari“ на „12Cilindri Manuale“. Иако автомобилот изгледа како да има класичен шестстепен мануелен менувач, тој всушност користи осумстепен менувач со двојна спојка, додека рачката на менувачот и педалата на спојката се дизајнирани да ја симулираат класичната конфигурација.

Според Холмарк, „Aston Martin“ потенцијално би можел да имплементира сличен концепт, но извршниот директор на компанијата досега одби да потврди дека такво решение е во фаза на изработка.

Извор: Б92

Тагови: Aston Martin мануелен менувач