ЖивотЕкипаж на крузер заборавил жена на рајски остров- кога се вратиле, била мртва Катарина Рис, ќерката на Сузана Рис (80), која била заборавена на островот од страна на екипажот на крузер, по што жената починала, е скршена од тага по смртта на нејзината мајка.Сузана беше заборавена од екипажот на крузерот во саботата на остров во Големиот корален гребен, каде што патниците се согласија да одат на екскурзија. Дури навечер сфатија дека Сузана е исчезната на бродот. Кога се вратија да го пребаруваат островот, ја пронајдоа несреќната жена мртва! Катарина вели дека е во шок и многу тажна поради фактот што екипажот на крузерот „Корал Адвенчер“ го напуштил островот без нејзината мајка. Таа истакнува дека Сузана била здрава, активна жена која обожавала градинарство и планинарење,објави Би-Би-Си. „Од малкуте информации што ги добивме, ми е јасно дека станува збор за недостаток на грижа и здрав разум“, изјави Катарина денес за медиумите. Она што е познато е дека Сузана, која е од Нов Јужен Велс, платила богатство за 60-дневно крстарење низ Австралија. Бродот испловил неколку дена пред трагедијата, а билетите чинеле десетици илјади евра. На судбоносниот ден, туристите од бродот биле префрлени со брод на рајски остров каде што, доколку сакале, можеле да нуркаат или да планинарат. Сузана одлучила да оди на планинарска тура. Таа била со група која тргнала по патека до највисокиот врв на островот, „Куковиот поглед“, но во еден момент рече дека треба да се одмори и се одвоила од групата. „Колку што разбираме, денот беше многу топол и на мајка ми ѝ се слоши додека планинареа. Ѝ беше кажано да се врати назад, но не ѝ доделија придружба. Потоа бродот замина без никој да изброи дали сите патници се таму“, рече Катарина. „Мајка ми почина сама“ Катарина е скршена од фактот дека нејзината мајка ги поминала последните моменти сама. „Во одреден момент за време на целиот овој хаос или кратко потоа, мајка ми почина сама“, вели скршената Катарина. Таа додаде дека се надева дека извештајот на мртовечникот ќе открие „што требало да направи компанијата за да може да го спаси животот на нејзината мајка“. Австралискиот орган за поморска безбедност (AMSA) соопшти дека истражува смртта и дека ќе се сретне со екипажот на крузерот кога ќе се закотви во Дарвин подоцна оваа недела. Портпарол на AMSA изјави дека агенцијата првпат била известена за исчезнатата жена околу 21 часот по локално време во саботата од страна на капетанот на бродот. Спасувачките екипи се вратиле на островот неколку часа подоцна, но напорите за пронаоѓање на Сузан беа откажани во раните часови на неделата пред хеликоптер да го пронајде нејзиното тело наутро. Вчера, извршниот директор на Coral Expeditions изјави дека компанијата е „длабоко погодена“ од смртта и ѝ нуди поддршка на семејството на жената. Coral Adventurer, крузерот на кој патувала Сузана, може да прими до 120 гости и има 46 членови на екипажот, според веб-страницата на компанијата. Бродот е наменски изграден за пристап до оддалечените делови на австралискиот брег и е опремен со чамци - мали чамци што се користат за еднодневни патувања од страна на патниците. „Инциденти како овој се ретки, а крузерите имаат системи за евидентирање кои патници се качуваат или се симнуваат. Скришното пристанување на брегот или враќањето на бродот едноставно не е опција“, изјави за Би-Би-Си Хариет Малинсон, уредник за крузери во „Саилавазе“. Крузерската компанија ги сфаќа овие процедури многу сериозно и има паметна технологија за да спречи вакви инциденти.Тагови: крузер остров Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МетеоУтрото ќе биде студено, во текот на денот сончево со умерена облачностУтрото ќе биде ведро и студено. Во текот на денот сончево со мала до умерена облачност.Ќе дува слаб до умерен ветер од северен правец. Минималната температура ќе биде во интервал од -2 до 7, а максималната ќе достигне од 19 до 27 степени. Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 3, а максималната ќе достигне до 26 степени. За време на викендот времето ќе биде сончево. Од понеделник ќе биде сончево со променлива облачност во текот на денот. Утрата ќе бидат ведри и студени со ниски температури кои наместа ќе се спуштат под нула степени.Тагови: УХМР Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ХороскопДневен хороскоп за 3. октомври 2026 годинаДневен хороскоп за сабота, 3 октомври 2026 година. Вага 24.9.-23.10. Љубов Вашите емоции ќе испливаат на површина. Некои ќе се затекнат како излегуваат или ќе бидат поврзани со млади личности. Кариера Посебните задачи ќе ги решавате со својата креативност и уметнички талент . Ќе успеете во тоа. Здравје Уживајте во спортот или во уметноста. Шкорпија 24.10-22.11. Љубов Ќе бидете задоволни со своите лични односи. Ќе се потрудите својата среќа да ја споделите со широк круг на луѓе. Кариера Во деловната кореспонденција ќе внесете од својот шарм , а љубезниот пристап ќе ви отвори бројни врати. Здравје Денеска знаете што сакате. Стрелец 23.11.-21.12. Љубов Колку и да се трудите за да го подобрите својот личен живот , денеска работите поврзани со него ќе ви излегуваат од контрола. Кариера Ќе покажете дека вашиот однос со надредените доста хаотичен. Како тука да се знае кој тука пие , а кој плаќа. Здравје Ќе водите војна со апетитот. Јарец 22.12.-20.1. Љубов Кај вас денеска ќе се јави потреба за слобода , па оние мкои се во врска ќе сакаат малку да бидат сами или пак ќе одат во големо друштво. Кариера Ќе бидете многуз адоволни од изврпшените анализи или со резултатите од претходниот период. На тоа се надоврзуваат нови идеи. Здравје Помогнете му на член од семејството. Водолија 21.1.-19.2. Љубов Ќе сфаттите дека минувате низ еден доста фрустрирачки ден кога станува збор за љубовта. Едноставно издржете. Кариера Вашата потреба за да ги наметнете своите идеи ќе биде силна , но реалната состојба ќе биде таква што никој нема да ве сфати сериозно. Здравје Трпение, спасение. Риби 20.2.- 20.3. Љубов Повеќето од вас ќе бидат расположени за раскажување бајки , ддодека реалната ситуација ќе биде поинаква. Не правете драма ако некој ве спушти на земја. Кариера Мали приходи ќе доцнат , а вие поради тоа ќе се чувствувате помалку сигурни. Сепак , контактите и натаму ви се добри. Здравје Не истражувајте премногу. Овен 21.3-20.4. Љубов Ќе бидете упорни во изразувањето на своите идеали. Некои би можеле да претерат со тоа. Одрекнете се од совршенството. Кариера На службено патување или на поголем состанок би можело да дојде до непрофесионално однесување . Здравје Прво смислете што ќе кажете , па потоа зборувајте. Бик 21.4- 20.5. Љубов Тешко дека нешто може да ја помати вашата среќа. Дури и малите семејни недоразбирања ќе ги решите со леснотија. Кариера Ќе најдете оригинален начин за да победите во малите битки .Вашата стратегија е за секоја пофалба. Здравје Не се напрегајте толку многу . Близнаци 21.5.-21.6. Љубов Без оглед што не го наоѓате она задоволство во љубовта какво што очекувате , ќе успеете се за да свртите во насока на добра забава. Кариера Во соработката со другите ќе покажете како може да се работи поинаку , понеобично и пооригинално. Здравје Може да ве прогласат за генијалец на денот. Рак 22.6-22.7. Љубов Повторно малку ќе загубите компас , а другата страна ќе се прашува што вие всушност сакате. Дефинирајте го својот став. Кариера Своите шефови денеска би можеле пријатно да ги изненадите со еден свој необичен финансиски предлог. Здравје Слушајте го својот внатрешен глас. Лав 23.7-22.8. Љубов Многумина денеск ќе бидат маѓепсани , вљубени и она што не е типично за нив , ќе ја заборават реалноста. Но , ќе им биде убаво. Кариера Веројатно ќе ги анализирате резултатите од една работа и ќе заклучите дека тие би можеле да бидат подобри. Сепак , генерално , работите подобро. Здравје Немојте да бидете практични. Девица 23.8.-23.9. Љубов Во сегашните одлични лични односи денеска ќе внесете малку фантазија и така дополнително ќе ги подобрите. Некои ќе бидат навистина оригинални. Кариера Работата ќе ја одработувате со уживање и леснотија , а покрај сето тоа би можеле да предложите и некои сосема нови методи во работата. Здравје Силни сте и здрави.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизЌерката на Никол Кидман го оствари сонот што го имала на 16 години: „Плачев од среќа“Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари. „Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм. Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез. Советот на Никол Кидман за нејзината ќерка Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“. „Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера. View this post on Instagram A post shared by 🧚🏻♀️ (@sundayrose) „Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“Тагови: никол кидман Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter