ЕК за следната недела закажа состанок со министри од Западниот Блакан околу проблемите на превозниците - Канал 5

Македонија

ЕК за следната недела закажа состанок со министри од Западниот Блакан околу проблемите на превозниците

Европската комисија за следната недела закажа состанок со министри од шесте земји од Западниот Балкан околу прашањата што ги иницираа камионџиите од регионот, кои изминатите денови ги блокираа граничните премини кон шенген-зоната.

ЕК за следната недела закажа состанок со министри од Западниот Блакан околу проблемите на превозниците

Европската комисија за следната недела закажа состанок со министри од шесте земји од Западниот Балкан околу прашањата што ги иницираа камионџиите од регионот, кои изминатите денови ги блокираа граничните премини кон шенген-зоната, најави денеска портпаролот на ЕК за внатрешни работи Маркус Ламерт.

- Свесни за загриженоста што ја изразија транспортните оператори од Западниот Балкан. Внимателно ја следиме ситуацијата и во контакт сме со нашите партнери во регионот. Во средата оваа недела се одржа средба меѓу Комисијата и амбасадорите на шесте земји од Западниот Балкан во ЕУ, а за следната недела е закажан и дополнителен состанок со министри од овие засегнати земји, рече Ламерт.

Тој нагласи дека Европската комисија е целосно посветена на прашањата што ги иницираа превозниците, па оттаму и со вчера објавената Стратегија за визите се предвидува тесна соработка со земјите членки „за да идентификува прагматични решенија што може да се осигурат безбедност и економска корист за ЕУ, како и правна јасност за патниците“.

- Врз основа на размислувањата ќе се разгледа и воведување на ново законодавство со специфичен сет правила за продолжен кус престој на ниво на ЕУ, додаде Ламерт.

На новинарско прашање кога би можеле да се очекуваат тие нови правила, Ламерт одговори дека засега не би можел да даде никаква временска рамка.

Во однос на забелешките на превозниците на воведувањето на Системот за регистрација на влез и излез (ЕЕС), Ламерт нагласи дека со него не се воспоставуваат нови правила за престој во Шенген зоната, туку и натаму низ цела Европа се во сила истите правила што важат со години.

- Би сакал одново да ги повторам правилата. Според правилата на Шенген зоната, граѓаните на земјите ослободени од визен режим имаат право да останат во Шенген зоната до 90 дена во кој било период од 180 дена. Секој престој подолг од ова мора да биде покриен со различна форма на виза, на пример, со виза за долг престој или дозвола за престој издадена од земја членка. Нема нови правила, истакна Ламерт.

Тој додаде дека постои одредена флексибилност околу прекугранични работници, кои секојдневно ги минуваат границите на ист премин, но тоа не важи и за останатите.

- Свесни дека некои професионалци имаат потреба да престојуваат во Шенген зоната подолго од 90 дена во периодот од 180 дена. Ова вклучува професии како што се возачите на камиони, но исто така и спортистите и уметниците. Тоа регулирано со национални правила, како и со постоечките билатерални договори, истакна портпаролот.

Ламерт додаде и дека ЕЕС, чие постепено воведување започна лани во октомври, претставува многу важен чекор напред за ЕУ и нејзината колективна безбедност, бидејќи ја зајакнува безбедноста на заедничките граници и на Унијата како целина и го прави патувањето полесно за сите патници.

Според него, на ЕЕС системот досега се поврзани 23 милиони субјекти и се регистрирани 12.000 прегледи на влезови.

Ламерт потсети дека целосната примена на ЕЕС треба да започне во април, но ако се појават некакви проблеми и застои, особено во текот на летните месеци, периодот за негово постепено воведување може да биде продолжен до септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Зверев на тронот во Њујорк за втора Грен слем круна

Германскиот тенисер Саша Зверев го освои Ју-Ес Опен, триумфирајќи во финалето над Бен Шелтон – 6:3, 7:6 (2), 5:7, 6:2.

Зверев на тронот во Њујорк за втора Грен слем круна

Со победата во Њујорк, Зверев ја освои втората Грен слем титула во кариерата, по онаа освоена во Париз оваа година. Ова беше негово второ финале во Њујорк во кариерата.

Пред шест години загуби од Доминик Тим, иако водеше со 2-0 во сетови.

На патот до трофејот, Зверев ги победи и Лоренцо Сонего и Квентин Алис – и двајцата по пет сета – како и Алехандро Табило, Лучано Дардери, Ботик ван де Зандшулп и Карен Хачанов со максимален резултат.

Најдобриот резултат во кариерата на Шелтон на Грен слем турнирите ќе му донесе највисок пласман во кариерата – четвртото место – почнувајќи од понеделник.

„Сè до оваа година не освоив ниту една титула, а сега освоив две во истата година. Мислам дека Бог виде колку напорно работевме и низ каква болка поминавме. 2026 година е резултат на сите претходни години. Ви благодарам на сите; немаше да бидам овде без вас. Сакам да ѝ се заблагодарам и на уште една личност која никогаш не ги гледа моите натпревари – тоа е најважната личност во мојот живот. Кога на четиригодишен син ќе му дијагностицираат дијабетес, потребна е силна мајка за да излезе од таа ординација и да каже: ’Мојот син ќе биде она што сака да биде; ако сака да биде тенисер, ќе биде тенисер‘. Среќен сум поради она што го правиме. Мајка ми е најважната и најсилната личност што ја познавам; потребна е навистина силна личност за да се направи она што го направи таа“, рече емотивниот Зверев во шампионскиот говор.

Тагови: Зверев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за пожарот во дискотеката „Пулс“ во Кочани

Денеска во судницата во Идризово при Основниот кривичен суд Скопје треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени.

Продолжува судењето за пожарот во дискотеката „Пулс“ во Кочани

Случајот се наоѓа во доказна постапка и треба да продолжи со вкрстено испрашување од одбраната на тимот градежни вештаци, кои го изработиле градежното вештачење на обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Руски дрон удрил воз во близина на украинско-полската граница, кратко откако поранешниот британски премиер Борис Џонсон и поранешниот премиер на Шведска Карл Билд и високи европски безбедносни претставници поминале низ неа.

Русики дрон удри во украински воз кратко откако Борис Џонсон, Карл Билд и високи европски претставници ја напуштија станицата

Нема информации за жртви по ударот кај Јаходин, во кој беше погодена локомотивата на возот. Сите патници се евакуирани, соопштија украинските власти.

Билд,Џонсон и други европски советници за национална безбедност, вклучувајќи го и британскиот советник Џонатан Пауел, поминале по истата линија во друг воз на враќање од конференција во Киев.

Русија соопшти дека погодила „железничка инфраструктура“ во западна украина, но украинската државна железничка компанија соопшти дека „сосема е можно целта на овој дрон да бил дипломатскиот воз“.

Поранешниот шеф на ЦИА, Дејвид Петреус, кој во времето на нападот се наоѓал во друг воз на станицата Јаходин, рече дека инцидентот бил „застрашувачки“.

Возот „ја напуштил станицата порано од очекуваното поради промената на возниот ред... Поради постојаните закани за руски напади“.исто така, се наведува дека наредба за евакуација на патниците во погодениот воз била дадена „само 15 минути“ пред нападот од страна на руски дрон со млазен погон.украинскиот министер за надворешни работи Андриј Сибиха рече дека „варварските напади“ на украинско-полската граница во Јаходин се еднакви на „терористичко тропање директно на вратите на ЕУ и НАТО“„

Тагови: дрон русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер