Балкан

ЕК одлучи да им исплати средства од Планот за раст и на Албанија и Црна Гора

Покрај исплатата на втората транша за Македонија во износ од 16 милиони евра, Европската комисија донесе одлука во рамки на Планот за раст на Западниот Балкан да им исплати средства и на Албанија и на Црна Гора.

Како што соопшти ЕК, со одлуката се предвидува исплата на првата транша во рамки на Планот за Албанија во износ од 99,3 милиони евра и на втората транша за Црна Гора од 8,1 милиони евра.

Од средствата за Албанија, 46,2 милиони евра ќе бидат исплатени директно во државниот буџет, а преостанатите ќе бидат наменети за финансирање на инфраструктурни проекти преку Инвестицискиот фонд за Западниот Балкан (ВБИФ). Во случајот на Црна Гора, пак, 3,8 милиони евра се наменети директно за државниот буџет, а остатокот ќе биде исплатени преку Фондот.

Овие инвестициски средства, чија исплата треба да биде одобрена од Одборот на Фондот, ќе бидат наменети за поддршка на инфраструктурни проекти во областа на одржливиот транспорт, чистата енергија, дигиталниот сектор и развојот на човечки капитал.

- Ваквата одлука претставува признание за значајните реформи што ги спроведоа овие партнери за подобро усогласување со стандардите на ЕУ, посочи Еврокомисијата.

Целта на Планот за раст е да ги подготви на кандидатите за членство од Западниот Балкан за пристапување во ЕУ и да ги приближи до блокот со тоа што ќе им обезбеди одредени придобивките уште пред целосната интеграција.

На овој начин, се очекува да се забрза на процесот на проширување на ЕУ и да се поттикне растот на економиите на земјите кандидати за членство од регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Усвоен законот за органодарителство

Собранието ги усвои измените и дополнувањата на Законот за земање и пресадување делови од човечкото тело заради лекување, со што се отвора можност секој полнолетен граѓанин лично да се изјасни дали сака да биде органодарител по својата смрт.

Законот, кој беше донесен по скратена постапка, доби поддршка од 58 пратеници, додека шест гласаа против.. Од министерството за здравство оценуваат дека со овие измени значително се унапредува правната и институционалната рамка за органодарителство и трансплантација во земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Оризови топчиња

Во вторник (23.06.2026) во емисијата гостин ни бeше Анита Бошкова.

Состојки за денешниот рецепт:

250 - 300 гр. ориз

2 парчиња пилешки стек

3 парчиња моркови

1 мала главица кромид

половина китка магдонос

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нагелсман по дебаклот: „Не бегам, не поднесувам оставка“

Јулијан Нагелсман останува на клупата на Германија по дебаклот на Светското првенство и поразот од Парагвај на стартот на елиминациската фаза, тој не планира да поднесе оставка и сака да се подготви за идните предизвици.

Фудбалската репрезентација на Германија доживеа уште едно фијаско и на третиот Мундијал во низа останува без триумф во нокаут фазата.

По титулата во Бразил, Германија беше елиминирана во групната фаза во Русија и Катар, додека сега во САД, Мексико и Канада успеа да ја помине барем првата фаза, пред да налета на Парагвај.

Парагвајците досега покажаа малку, но со многу среќа поминаа во втората фаза и таму „покажаа заби“ на Германија, која ја исфрлија на пенали, со што го уништија митот за талентираниот тренер Јулијан Нагелсман.

И покрај срамната елиминација Нагелсман не размислува на поднесување на оставка, тој планира да остане на клупата до крајот на договорот.

„Тука сум. Ако Германската фудбалска федерација сака да останам до 2028 година, тогаш ќе останам. Ако не, тогаш ќе си одам“, рече Нагелсман.

„Не сум некој што бега. Тука сум ако тоа го сака Германскиот фудбалски сојуз. Ако не ме сакаат, мора да ми кажат. Сакам да продолжам. Во фудбалот немате целосна контрола. Ако сакаат да останам, со задоволство ќе се подготвам за Европското првенство и Лигата на нации. Ако не ме сакаат, мора да го кажат тоа“, нагласи Нагелсман, кој е најмладиот тренер на Светското првенство со 38 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.