Македонија

ЕК: Нема напредок во судските реформи и борбата против корупцијата во Македонија

Реформско статус „кво“ – вака дел од познавачите го оценуваат извештајот на ЕК кој се однесува на дело за правосудството и борбата против корупцијата.

Според Дарко Аврамовски од коалицијата „Сите за правично судење“, документот не претставува изненадување, но е загрижувачки фактот што неколку години по ред се нотира дека земјава нема никаков напредок во областа на судството. Аврамовски посочува дека забелешките во извештајот не се однесуваат само на извршната и законодавната, туку и на самата судска власт и предупредува дека доколку не се преземат некакви суштински промени, постои ризик земјата не само да стагнира, туку и да назадува во одредени сегменти.

-Она што е навистина загрижувачко е што во континуитет добиваме извештаи дека нема никаков напредок или ограничен напредок во одредени области. Причините поради кои се бележи такво стагнирање по можност да се јави и уназадување се во одредена мера и бизарни, како на пример измената на Кривичниот законик, нешто што ни се провлекува две години, меѓутоа немаме никаква иницијатива за да направат тие измени кои би резултирале со промена во праксата на прогонот на висока корупција,- - Дарко Аврамовски – Коалиција „Сите за правично судење“ .

Дека Македонија мора да ги забрза реформите од првото поглавје посветено на владеењето на правото, порача и Евроамбасадорот во земјава Михалис Рокас. Оцени дека веќе три години не е нотиран никаков напредок во делот на правосудството и борбата против корупцијата.

-Нема никаков напредок во судските рефрми и борбата против корупцијата, ова останува клучно. Ова не се само одредници, туку темел за довербата на граѓаните и за европската иднина на државата. Трета година по ред во овие области нема значителен напредок, а сепак токму тука една нова посетеност може да направи најголема разлика,- - Михалис Рокас – Евроамбасадор.

Иако поминаа веќе неколку дена, ниту Судскиот и Совет ниту Советот на јавни обвинители, како директно надлежни за состојбите во судството и обвинителството не се огласија со коментар за оценките во Извештајот.. Канал 5 побара став и од нив и од Јавното обвинителството и Здружението на судии, но одговор не добивме од ниту една адреса.

Инаку, во извештајот и годоинава главните забелешки се за ефикасноста на правосудниот систем, недостиг на кадар и ресурси, како и големиот број заостанати и нерешени предмети.

Тагови: ЕК извештај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовска: Владата инвестира денес, за граѓаните да имаат подобро здравство утре со нови болници, модерни здравствени центри и нов клинички во Скопје

Kога зборуваме за здравството, зборуваме за нешто што директно го засега секој граѓанин.

Затоа определбата на Владата предводена од ВМРО-ДПМНЕ е да изградиме здравствен систем кој ќе биде модерен, функционален и достапен за сите.

Затекнавме здравство со сериозно запуштена инфраструктура, нефункционални установи, недоволна опрема и објекти во кои со години речиси ништо не било инвестирано.

За да ги подобриме состојбите, фокусирани сме на реализација на Клиничка болница во Штип, Клиничката болница во Тетово, Здравствениот дом во Кичево со проширена дејност, како и студентскиот дом и факултетот за медицински науки.

За овие проекти веќе беше објавен меѓународен повик за финансиери и веќе имаме добиено необврзувачки и индикативни понуди кои се поволни и прифатливи.

Паралелно ја разгледуваме изградбата на големиот клинички центар во Скопје.

Проект кој треба да биде еден од најзначајните здравствени проекти во современата историја на државата.

Една од локациите што се разгледува е кај базенот Борис Трајковски, која е стратешка локација која има пристап до два булевара, до гасоводна мрежа и е во непосредна близина на обиколницата.

Станува збор за локација во приватна сопственост и во тек се разговори со сопственикот за можност за замена на земјиштето.

Нашата визија е да изградиме ултрамодерен клинички центар кој нема да биде само за Скопје и за граѓаните на Македонија, туку ќе создаде можност за да привлекуваме пациенти и од соседните држави.

Планот предвидува и топол подземен премин под булеварот Илинденска кој ќе го поврзе новиот комплекс со постоечката болница 8ми Септември.

Во целина се вклопуваат и ПЕТ центарот кој го развиваме како и поликлиниката Букурешт. Тоа значи создавање на целосно заокружен здравствен комплекс со современа инфраструктура и поврзани здравствени услуги.

Од друга страна во изминатиот период целосно ги реконструираме оперативниот блок, интензивната нега, патологијата, клиничката лабораторија и кровната конструкција на болницата 8ми Септември.

Целосно е реконструирано и одделението за трауматологија во Старата градска болница, објектот во кој со децении немало сериозна инвестиција. А во ГАК вложени се околу 110 милиони денари, од кои околу 35 милиони денари во реконструкција и околу 75 милиони денари во современа медицинска опрема.

Во Клиничкиот центар Мајка Тереза веќе се реконструирани шест операциони сали, а во следните неколку месеци се очекува да бидат пуштени во употреба уште 4 современи операциони сали. Тоа значи дека ќе имаме вкупно 10 модернизирани операциони сали. Реновиравме повеќе од 10 здравствени објекти и клиники и набавивме современа медицинска опрема вредна неколку милиони евра.

Со ова покажуваме дека проблем по проблем, болница по болница и клиника по клиника здравството го менуваме.

Затоа нашата цел и заложба е граѓаните да добијат здравствени установи какви што заслужуваат современа опрема и здравствен систем кој ќе биде подготвен за иднината.

Владата предводена од ВМРО-ДПМНЕ инвестира денес за граѓаните да имаат подобро здравство утре.

Александра Николовска, пратеник на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Вонредна дератизација на критични локации во Центар

Општина Центар – Скопје денес и утре спроведува вонредна дератизација на повеќе критични локации на територијата на општината, поради зголемена појава на глодари.

Со акцијата ќе бидат опфатени локации во Капиштец, Дебар Маало, Буњаковец и Кале, каде што е забележана зголемена појава на глодари и каде што има пријави од граѓаните.

Градоначалникот на Општина Центар, Горан Герасимовски, истакна дека општинските служби реагираат на пријавите и дека состојбата на терен ќе продолжи да се следи.

„По пријавите од граѓаните веднаш преземаме мерки и спроведуваме вонредна дератизација на локациите каде што е забележана зголемена појава на глодари. Ќе продолжиме да ја следиме состојбата и ќе реагираме секаде каде што ќе има потреба. Ги повикувам граѓаните да ги пријавуваат ваквите појави за да можеме навремено да постапуваме“, изјави Герасимовски.

Вонредната дератизација ќе се спроведе на следните локации:

Капиштец – ул. „Загребска“ бр. 28, спроти Биотек (поранешно КТК), кај контејнерите.

Дебар Маало – ул. „Радњанска“, кај контејнерите, просторот околу Пазарот Буњаковец и дел од ул. „Рузвелтова“.

Буњаковец – ул. „Борка Талески“, од ООУ „Ј. Х. Песталоци“ до Грчката амбасада, како и крстосницата на ул. „Стефан Јакимов Дедов“ со ул. „Апостол Гусларот“, вклучително и шахтите околу запуштениот објект до ООУ „Ј. Х. Песталоци“, Катната гаража и бараките на ЈП „Комунална хигиена“.

Кале – ул. „Лазар Личеноски“, во близина на Спортска медицина и Царинската управа.

Од Општина Центар апелираат граѓаните да бидат внимателни при движење на наведените локации во периодот додека трае акцијата и да не ги поместуваат или оштетуваат поставените средства за дератизација.

Општина Центар ќе продолжи да ја следи состојбата на терен и да презема мерки за одржување на чиста, безбедна и здрава животна средина за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.